جديد سلطان الهاجري

قصيده للشاعر الكبير سلطان الهاجري في حثلان


يا بو هادي ولع النار و اسمع و يش أقول ==كل ما غنيـت لـي بيـت غنـه واكتبـه
فيه حاجة قد لها أيام في صـدري تجـول==كنهـا تآكـل عظامـي و دمـي تشربـه
انهبـل معهـا و كـن مانـي بمهـبـول==بين حين و حين أهوجس و اسرح و انتبه
و من نشدني قلت حملي ما هو مثل الحمول==يملـك الرجـال ملكـه لدقنـه و شنـبـه
لو نشدت أهل التجارب رزينيـن العقـول==قالـوا المعـروف مالـه حلـي ولا شبـه
ما ملكني غير معروف زحل ٍ مـن زحـول ==الكريـم اللـي مزايـاه مـن ربـي هبـه
مدته و بل ٍ مـن الغيـث دهّـاج السيـول ==اطيب المدات و أغلى الهدايـا و اصعبـه
ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه
انجرح ظهر الجمل و انحنى رأس الذلـول==و الهبايب نودها صلـف و القـاع حدبـه
و انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه
لين توحي في دماغـه مثـل دف الطبـول==صامل الفزعـات شبـاب نـاره بحطبـه
نسل فرسان المعارك على سروج الخيـول==اهل التومان و أهـل السيـوف المذهبـه
حزة ٍ فيها الـردي لا يقـول و لا يطـول==و الشجاع اللي بفـوزه يفـوزون عربـه
ما ذكرت الا الحقايق على حسب الأصـول==فيك يا حثـلان راعـي الفعـول المتعبـه


تحياتي

__________________
سبحان الله وبحمد سبحان الله العظيم

الســــــــــــلام عليكم ورحمته الله وبركــــاته

الله لا يهينك يا الفهري
وابو وســــــــــــــــــــــــــــام شاعر الوزن الثقيل ما يحتاج ولا يرقب مدحي له
وافي وإللي جاب قصيدته وافي

ولا عليك امر يا الفهري تقبل اضافتي لــ موضوعك لأزينه بالقصيده مسموعه

http://www.qahtaan.com/works/up/down...1184779637.amr

وتقبل مروري يـــــــــــــا القرم
[size=4]أخـــــــوك / سعيد بن حسين الجهيمي البشري[/size]

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

لاهنت يا وجه جنب على النقل الي اكثر من رائع

وصح السان ابو محمد

علاااااااااااااااااا شااااااااانك وعلى لخرى عااااااااااااااااااانك

تقبل مروري فديت وجهك

قصيده رائعه
شكرا على النقل
,,
مااجمل هاالبيتين:
انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه
لين توحي في دماغـه مثـل دف الطبـول==صامل الفزعـات شبـاب نـاره بحطبـه

__________________

بسم الله الرحمن الرحيم
السلام عليكم ورحمة الله وبركاته

ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه
انجرح ظهر الجمل و انحنى رأس الذلـول==و الهبايب نودها صلـف و القـاع حدبـه

والله ونعم وصح لسن سلطان على القصيده الجزله

ويالبشري القصيه محرمه لاتشتغل


الله يعطيكم العافيه

تقبلو مروي_عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

بيض الله وجهك

ارحب ارحب يابو حسين

والله ما يزين مواضيعي اللى انت شرواك وجعلني مابكبك يابو حسين

__________________
سبحان الله وبحمد سبحان الله العظيم

ارحب ارحب يابو ناصر

الله لا يهينك على المرور ويبيض وجهك

__________________
سبحان الله وبحمد سبحان الله العظيم

العفو طال عمرك

__________________
سبحان الله وبحمد سبحان الله العظيم

ارحب ارحب يابو محمد

الله يعافيك

__________________
سبحان الله وبحمد سبحان الله العظيم