امس العشي عديت في راس مابان

قصيدة للوالد رحمه الله بعد قضية ال سويدان والدواسر قبل حوالي 25 سنة وفيها ظهر صبيان

ال سويدان وردوا الدواسر وهي طويلة ولم احفظ منها الا القليل فارجو السموحة

[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,medium,gray" type=4 line=0 align=center use=ex num="0,black"]
امس العشي عديت في راس مابان = ابدع من القيفان زين التماثيل

ابدع من القيفان والبال طربان = مثايل تبدع بنقد وتفصيل

من فعل ربعي صرت للقاف عشقان = ربع ترجح للعدو المكاييل

الدوسري من عقب فعل ال سويدان = قفا من القيعة بليا محاصيل

صارت محاصيله صباح ودندان = ماون يدندن مثل صوت المخاييل

ان ارتفع في الرأس فوق الأمتان = وان ارتخى بالساق فوق المحاحيل

وين انت يابن حزيم والأخ لبنان = خليتو الثلة ورحتوا مجافيل

مالومكم من وقع ذربين الايمان = ماعاد ميزتوا نهار ولا ليل

عاداتنا في الهوش ماحن بذلان = يشهد لنا التاريخ جيل ورى جيل

ارجع من الحدان يانسل زنوان = من عقب ماشفت البلا والغرابيل

عودت يابن حزيم غضب وندمان = من قال انا عيال جوه العياييل

ضرب الركد شفتوه صدق وبرهان = ماعاد هي بهروجكم يامهابيل

وسلاحكم خذناه مزهب ومليان = ويش عذركم من لابسات الخلاخيل

سنع بقرك وحش قضبك اليا زان = وخل الشجاعة للرجال الصماميل

ماانت بخير من احمر العين شيبان = نطاح زيزوم الوجيه المقابيل

ابعد عليك من البصرة للشرق وعمان = ومن البحر الأحمر الى منبع النيل

وردت ضميان وصدرت عطشان = شربك ثميد مسقى بمكاحيل[/poem]


تحياتي

[grade="DEB887 D2691E A0522D FF4500"]رحم الله والديك وجعل ابوك في الجنه

قصيده جزله ولا فيها كلام


تحياااااااااااااااااااااااتي

اخوك محمد الجبعه[/grade]

__________________

قالوا لي البخلان هون من الطيب = قلت اعقبوا والا فسووا سواتي

لاهنت يالطوفان وابيض وجه وصح لسانك وافي ،،،،

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]

اخوي محمد جزاك الله خير والروعة تكمن في

تواجدك في صفحتي

شكرا لك

تحياتي

من قال مايهون اخوي معيض ووجهك ابيض وصح بدنك

يالغالي

اشكرك على مرورك وتعقيبك

تحياتي

بسم الله الرحمن الرحيم
السلام عليكم ورحمة الله وبركاته
لاهنت والله يرحم ابوك وصح لسانك وبيض الله وجهك

قصيدة في قمة الروعه الجزاله


ولا زلنا نطالبك بمزيد من القصائد القيمه



تقبل تحياتي

وعليكم السلام ورحمة الله وبركاته ولا هنت طال عمرك

وصح بدنك ووجهك ابيض ياالغالي

اشكرك على مرورك

تقبل تحياتي

هلا فيك اخوي عبدالله واشكرك جزيل الشكر على تواجدك

والذي يعطي الموضوع رونقاً خاصاً

لن ابخل بكل ماهو جديد او قديم لهذا المنتدى

تقبل تحياتي