سباقات هجيج أبل القحاطين والمزايــن!!

السلام عليكم ورحمه الله وبركاتة،،،


وكل عام وانتم بـــــــخير ونعــمة



حبيت أعرف اذا فيه سباقات هجيج لقحطان صارت من قــبل او تبي تصير ؟؟

وما رأي اهل الابل في فكرة سباقات الهجيج على مستوى قبيلة قحطان ؟؟



وهــل هناك مزاين لابل القحاطين عن قريب ؟؟ ومتى ؟ وأيــن ؟


ومن هي القبائل التي تشاركهم فيها




مجرد أستفسارات يا ربعنا ولاهنتووووووووووو على كل الأحـــوال

والله يابن عمي ودنا ولنا رغبه جامحه في مهرجان مزايين ابل قحطان فكل القبايل سبق وان عملت سباق مزاين وهجيج ولاحن اقل ونبى شيء مميز والمطمع في الشيبان المقتدرين نفدى خشومهم

وان حصل ولا قحطان معروفين من غير

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

مافيه شك وانا خوك

والقحاطين هل الاولة وسباقين للامور هذي



وانشاء الله ان قحطاااااان سبااقه عن غيرها لمثل هذه السباقات والمزايين


والله يكتب الى فيه الخير



وبانتظار بقيه الردود ومشاركه الاخوان في آرائهم




بني هاجر

يرفـــــــــــــــع

للفائدة!!

ودنا نشوف مزاين لابلنا ........ والله شي طيب

وماقصرت يالهاجري

يا ليت يا عيال العم نشوف جمعت ابل القحاطين والمزاين

ونشوف فيها رياجيل القحاطين ألي شرواكم

والله انا مستغرب اذا قبيله بحجم قحطان وهم هل الابل و مايصير فيها مزاينات وسباقات !!

====

وهذا شي يطيب يجمع هل الابل ويدفعهم للتمسك بهذه العادات الطيبه وهي جمع الابل والحفاظ على اصاله الاجدادوتراثهم



ومشكورين بالربع

ياخوان حسب ظني ان اي مزاين للابل خاصه في نجد والمنطقه الشرقيه لايخلو من مشارك جيده وفعاله من قحطان اذا ما المانع ان يكون هناك مزاين خاص لقحطان خاصه مع توفر المكانيات التي سوف تحقق النجاح

بالنسبه لقبيله بني هاجر فهي سباقه لعمل احتفالات المزايين في كل فتره وموسم بالسنه

ويضم مزايين الهواجر القبائل التاليه كل سنه (بني هاجر وقحطان والمناصر وبني خالد)


نتمنى ايضا ان يكون هناك حفل كبير مدعوم من تجار ورجال اعمال واشهر ملاك الابل في قبيله قحطان
وهم كثر ماشاء الله نتمنى ان يكون مزايين كبير وجامع لكافه ملاك الابل من قحطان وبحضور قنوات التلفزيون
وجوائز كبيرة يستحقها ملاك الابل



وشكرا

وماذا عن سباقات الابل ؟؟

هل الفكرة مطروحه من قبل ؟؟



وشكرا