الأخ كحيلان أررررررررررررررررررررررررحب
لك مني جزيل الشكر والتقدير هذا المجهود الطيب والله يعطيك العافيه يا ذيبان .
إلى جميع الأخوان الأخ كحيلان تفضل مشكوراً بكتابة هذا الموضوع ونقله من كتاب :[السيف والسنان عند فرسان قبائل قحطان] للمؤلف علي بن شداد آل ناصر الحبابي . وهو يهدف ويطلب من الجميع من كان عنده إضافه من الفرسان والشيوخ أن يحطها في هذا الموضوع لكي يستفيد الجميع منها لكن المشكله إن فيه ناس ٍ هاجموا الأخ كحيلان بدون اي سبب وقالوا له إنك ماقلت الفرسان كلهم والأخ كحيلان طلب من الجميع أي واحد من أي قبيلة يكتب عن فرسان قبيلته حتى تعم الفائده للجميع وبما أنني من قبيلة آل عاطف الجحادر سوف أكتب قائمه ببعض فرسان قبائل آل عاطف.
## أشهر فرسان قبائل آل عاطف الجحادر هم :
1) الشيخ الفارس مسفر بن هادي بن سعيدان وقد خاض غزوات كثيرة ضد قبائل عتيبة ومطير والدواسر و يام اشتهر بالشجاعة والفروسية الكبيرة والكرم وعندما قتل الدواسر والده في احدى الغزوات وهو لم يبلغ سن السابعةعشرة قتل منهم أكثر من ستة فرسان لوحده وظهر صيته بعد هذه المعركة .
وكان يسمى { أبا الذموم } لأنه اذا أخذ الأبل أو الخيل أو سقط عنده الدم فلا أحد يستطيع أن يأخذها منه وذلك لشجاعته الكبيرة .
عرف عنه قيادته للمغازي والمعارك وحبه الكبير للغزو وكسب الأبل طيلة حياته ..
قتل وهو كبير في السن في معركة [ مخيبيه ] بين آل عاطف وآل العرجاء يام سنة 1326هـ وهو اللي يقول فيه الشاعر بعد انتصار قبيلة آل عاطف على قبيلة يام في معركة [ سر المدبغ ] بعد إن خذوا بثاره من قبيلة يام :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
راعي آركٍ جاهم على زلافه = راعي آركٍ في شوره السداد
يوم شار شايرهم وشار أمشيرهم = وما منهم اللي شار بالعوّاد
يتلون هذّاب السرايا مجرّب = هذال حامي وانيات اسناد
ويتلون حزام قوّاد نمرى = دايم على راس الحفيف يذاد
ويتلون عاطف سعد الابل = ليا من ازرمت تبغى المقاد
نشد عليهم نايف ٍ من ذاهبه = وغدالهم في ذكرهم نفاد
طق ابن سجوى يوم سمع اعزاهم = ولابد صيّاد الفهود يصاد
كله لعينا ملهيٍ ومسفر = وجرمان اللي طاح في الميراد
وكله لعينا أهل مخيبيه = اللي مفرشٍ وملحفٍ بوساد
وكله لعينا جادل ٍ طاح سترها = وتقول تكفون يا الاجواد
برى الصدى من كبد كل مجرّب = والكبد طابت واشرعت للزاد
[/poem]
## [ هذال ] هو الشيخ الفارس هذال بن مسفر بن هادي بن سعيدان شيخ آل عاطف في زمنه.
## [ حزام ] هو الشيخ الفارس حزام بن مسفر بن هادي بن سعيدان .
## [ عاطف ] هو الفارس عاطف بن مبارك بن سعيّد .
## [ نايف ] هوالشيخ الفارس نايف بن مناحي بن جرمان بن عويضه بن سعيدان .
## [ ابن سجوى ] الشيخ الفارس محمد بن سجوى شيخ آل العرجاء يام .
## [ هذا لعينا ملهي ٍ ومسفر **** وجرمان اللي طاح في الميراد ] المقصود إن جميع القتلى من قبيلة يام في معركة " سر المدبغ " هم ثار للشيخ الفارس مسفر بن هادي بن سعيدان وولده الشيخ الفارس ملهي بن مسفر بن هادي بن سعيدان والشيخ الفارس جرمان بن هذال بن جرمان بن عويضه بن سعيدان الملقب بـ [ صلف ] وقد قتلواالثلاثه في معركة " مخيبيه " بين آل عاطف و آل العرجاء يام سنة 1326هـ
والشيخ الفارس مسفر بن هادي بن سعيدان يقول فيه الشاعر:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ليا سندت لاخوان دقله قزا الخيال = على الرآية العليا مقاييد سلفاني[/poem]
[ اخوان دقله ] هي عزوة الشيخ مسفر بن هادي بن سعيدان وأبنائه.
ومن أحدياته قبل إحدى المواجهات بين آل عاطف ويام مهدداً بأخذ ثار الشيخ الفارس ناصر بن مجدل بن سفران شيخ الخنافر الذي قتل من قبيلة يام يقول الشيخ مسفر بن هادي بن سعيدان :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يحرم عليهم منزل ٍ بفروان = لو كان منا شايب ٍ قد مات
والله إن أعديهم ورى الحدان = من فوق خيل ٍ ما دغلها افلات[/poem]
[ فروان ] جهة الصوق وهو حد قحطان مع يام.
[ شايب ] هو الشيخ الفارس ناصر بن مجدل بن سفران شيخ الخنافر قتل في معركة " هضان " بين آل عاطف والخنافر ضد قبيلة يام.
وهذه القصيدة عندما قتل الشيخ الفارس مسفر بن هادي بن سعيدان " أبا الذموم " وولده الشيخ الفارس ملهي بن مسفر بن هادي بن سعيدان والشيخ الفارس جرمان بن هذال بن جرمان بن عويضه بن سعيدان في معركة مخيبيه بين آل عاطف وآل العرجاء سنة 1326هـ وهي طويله منها:
القصيدة لواحد من فرسان آل العرجاء يام :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
الخبره اللي فرعوا علمهم بان=علم(ن )يعلم به مع كل ساير
يوم بجال مخيبيه ثار دخا ن =لعيون خلفات(ن) عليها ظهاير
كله لعينا ناصر ذيب الاقران =حنا جعلنا عند ذوده عثاير
وحنا ذبحنا الشيخ ترثة سعيدان =وملهي ( ن) عيد الركاب الحداير
[/poem]
## [ كله لعينا ناصر ذيب الاقران ] المقصود هو العقيد الفارس ناصر بن مصلح آل عسكر آل مرهم آل العرجاء واللي ذبحه هو الشيخ الفارس سعيدان بن مسفر بن هادي بن سعيدان ذبحه وهم على ظهور الخيل وعقب ما خذوا آل عاطف أبل آل مرهم آل العرجاء من على [ عد ] مخيبيه استفزعوا آل مرهم ببقية آل العرجاء وحصل الرمي عقب ما دخلوا آل عاطف كلهم في شعب مخيبيه قاموا يرمونهم الياميه.
## [ الشيخ ترثة سعيدان ] المقصود هو الشيخ الفارس مسفر بن هادي بن سعيدان " أبا الذموم " .
## [ ملهي ] المقصود الشيخ الفارس ملهي بن مسفر بن هادي بن سعيدان .
2) الشيخ الفارس جرمان بن عويضة بن سعيدان له العديد من المغازي مع عتيبه ومطير والدواسر ويام اشتهر بالشجاعة والكرم والفروسية وقيادة المغازي وهو الذي تقول فيه بنت الدويش شيخ مطير بعد أن جلس عنده الشيخ الفارس محمد بن هادي بن قرمله آخر حياته وبعد إحدى المعارك مع مطير وأعجبها فعل الشيخ الفارس جرمان بن عويضه بن سعيدان :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
الشيخ والله جرمان = ........................
خيلٍ حداها جبهان = ياذلها ذي النوبة[/poem]
3)الشيخ الفارس شينان بن مبارك بن سعيدان يعد من أشهر الشيوخ في الكرم في وقته شارك في المغازي ضد يام والدواسرومطير وعتيبه وكان شجاعاً كريماً يضرب به المثل في زمنه في الشجاعة والفروسية والكرم وقيادة المغازي وفي احدى المرات كان الشيخ الفارس هذال بن فهيد الشيباني ( أخو هملا ) مجاوراً لرجل من الضورة من آل عاطف يقاله مسيم وقاله هذال الشيباني يا مسيم : [من أطيب النحايا ؟ ومن أكرم الشيوخ ؟ ]
وكان هذال الشيباني ينتظر من مسيم أن يقول أطيب النحايا الشيابين وأكرم الشيوخ أنت يا هذال فرد عليه مسيم وقال : [ أطيب النحاياآ ل محمد الجحادر وأكرم الشيوخ شينان بن مبارك بن سعيدان ].فغضب منه هذال الشيباني .
[ النحايا ] معناها القبايل.
[ آل محمد الجحادر] هم آل عاطف والمشاعله والخنافر والسحمه وآل سعد وآل روق ].
هو اللي يقول فيه الشاعر شالح الجريدي من آل عيانان الخنافر:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
وسلّم على آل عاطف ربع شينان = عواطف ٍ عند الملاقى حشادي[/poem]
والشيخ شينان بن مبارك هو اللي يقول فيه الشاعر معجب بن محمد بن بويريد الضوره آل عاطف:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياخف ما عينت لي شينان = قبل امس يذكر من يمين خفيف
ماجاك من هو يكرم الضيفان= يا ليتني ذا الليل عنده ضيف
العاطفي معرب الجدان = ياسعد من جاله من زمانه حيف[/poem]
وقد قال فيه الشاعر :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
شينان راعي شامخات النيب = كريم سبلا بالدهر تنصاه[/poem]
سأورد لكم سالفة تدل على شهرة الشيخ شينان بن مبارك بن سعيدان وارتباطة بالكرم:
[ كانت عجوز من عبيده عند محلات اهلها آخر الليل وسمعت صوت الذيابة تعوي والكلاب تنبح من الجوع فقالت لها كلمات تخاطب بها الذيابه وقالت : روحوا لداهم ابو نكيفين وإلا شينان بن مبارك بن سعيدان وبتعينون العشاء ]
[ داهم ابو نكيفين ] هو الفارس داهم بن راشد ابو نكيفين النطعان الفهر.
[ شينان بن مبارك بن سعيدان ] هو الشيخ الفارس شينان بن مبارك بن سعيدان مشهور بالشجاعة والكرم و يقال إنه في الصفري ومدته عشرين يوم في عريقيه وهي جبال وشعابة في الرين حالياً إنه ذبح لضيفانه أكثر من خمسه وثلاثين قعود وأكثر من سبعين خروف في الصفري فقط رغم الظروف الصعبة والفقر ذاك الوقت.
4) الشيخ الفارس ملهي بن مسفر بن هادي بن سعيدان له الكثير من المغازي ضد يام وعتيبه والدواسر ومطير اشتهر بالشجاعة والفروسية والكرم
وهو الذي قتل الشيخ مصلح بن فهيد الشيباني والشيخ سلطان بن هذال بن فهيد الشيباني في معركة [أبو هميد] بين آل عاطف والخنافر ضد الشيابين والعصمه من عتيبه وقال فيه الشاعر ابن فتنان آل روق بعد هذه المعركة:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياطول ماني صابر ٍ كن ما بيش = من عقب ذود ٍ في مفاليه زيعي .
بعتوا عليهم بيعة ٍ يا قريويش = ترثة دخين ٍ مع مورث سريعي .
مضرابكم ماهو يهوز وتريش = واردينهم ورد القطا الشريعي .
عواطف ٍ في اللقاء أظفر من أيش= كم يتموا في دلقهم من رضيعي .
لحقوا هل البلها بعلط مراييش = والكل منهم راس رمحه دريعي
واللي رماه ملهي ٍ جعله يعيش = يستاهل اللي لحبته ما تبيعي .
حوّل بمصلح بين هذال وعميش = والكل منهم لجنبه ما يريعي .
مصلح وسلطان عشا لابرق الريش = وأبا العلا ردوه قده منيعي.
وقفى جهز يقول ما عاد مني أيش = من عقب ماهو للركايب وديعي .
وأنا من آل محمد الهشاهيش = عزي لمنهو من حسبهم يضيعي [/poem]
قتل في معركة [ مخيبية] بين آل عاطف و آل العرجاء يام سنة 1326هـ
وقد قال فيه الشاعر بعد إحدى المعارك بين آل عاطف والخنافر ضد قبيلة يام :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ونطحهم ملهي شوق من تلبس السبهان = ونجابه جواده يوم سمعوا عزاويّه[/poem]
وقد قال فيه الشاعر معجب بن محمد بن بويريد الضوره آل عاطف بعد إن خذوا بثاره آل عاطف من قبيلة آل العرجاء يام في معركة سر المدبغ :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
كله لعينا ملهي ومسفر = وجرمان اللي طاح في الميراد [/poem]
4) الشيخ الفارس مناحي بن جرمان بن عويضة بن سعيدان له العديد من المغازي ضد يام وعتيبه والدواسر ومطير اشتهر بالشجاعة والفروسية والكرم وقيادة المغازي والمعارك وكان له قصيد يتوعد به الشيخ الفارس هذال بن فهيد الشيباني بعدأن أرسل له هذال الشيباني هذه الأبيات:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياراكبٍ من عندنا ثنتين = صوب الجنوب مناحي ٍ تنصاه
ان كان يطري الحزم والظيرين = يحرم على مثله برايد ماه[/poem]
فرد عليه مناحي بن جرمان :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يا راكب اللي ما دقلها القين = ما ساقها العمال في المنحاه
تلفي لنا راعي الجواب الزين = ابو جهز رده وانا ملفاه
يانجد سامحني ثلاث سنين = مادام تثليث زفا مرعاه
يصبر علينا دامنا مسنين = لين الحيا ينقاد من منشاه
ان كان تطري الحزم والظيرين = دار وخامٍ و لا نبي مرعاه
لا بدنا من بعدنا دانين = وكم نادرٍ بنحورنا ناطاه
تر ى الوعد جر الشعيب الزين = ما بين صبحا و الحصاه[/poem]
ومن قصائده وهو على ظهر الخيل :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
الله عطاني منوتي = غوج ٍ يشعثر بالسبيب
يا كليب وصّل هرجتي = لبو جهز يومك ربيب
ورعه قزا من حربتي = وابوه من قبله صويب
الله يقدي حربتي = في ابو جهز والا شبيب [/poem]
يقصد [بابوجهز] الشيخ الفارس هذال بن فهيد شيخ الشيابين
و [شبيب] الشيخ الفارس شبيب ابن حجنة شيخ النفعة من عتيبة
والشيخ مناحي بن جرمان يقول وهو يحدي على ظهر الخيل :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
غوجي يشعثر بالسبيب = وتزهى الحذي قوايمه
ارجي عليه اطرح شبيب = دام الحرايب قايمه[/poem]
وقد قال الشيخ الفارس مناحي بن جرمان هذين البيتين مخاطباً الشيخ الفارس هذال بن ضمن بن فهيد شيخ الشيابين :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
هو ماخبر يوم ٍ بخشم غرور = يوم حصه بالضعن تنخاه
يضرب بشلفا حدها مسمور = من فوق الابهر في قوي علباه
[/poem]
و الشيخ مناحي بن جرمان قتلوه قبيلة آل رزق يام بالغدر وذلك في احد المغازي بين آل عاطف وآل رزق يام طقوا اليامية في الجبل وحاصروهم آل عاطف وقال الشيخ مناحي بن جرمان لليامية انزلوا من الجبل وتراكم في وجه مناحي بن جرمان وعندما نزلوا اليامية من الجبل وهم رايحين معه قام أحدهم في غفلة وقتل الشيخ مناحي بن جرمان وقاموا آل عاطف وعلى راسهم الشيخ الفارس مسفر بن هادي بن سعيدان " أبا الذموم " ومسكوا آل رزق يام وعددهم أكثر من خمسة وعشرين فارس وقتلوهم ووضعوهم على النار وشبوا في جثثهم حسرة بمقتل الشيخ الفارس مناحي بن جرمان بن عويضه بن سعيدان ..
5) الشيخ الفارس هذال بن مسفر بن هادي بن سعيدان تولى المشيخة على آل عاطف سنة 1326هـ بعد مقتل أبوه مسفر و أخوه ملهي
كان شجاعاً كريماً كان له صولات كثيرة على الخيل مع الدواسر وعتيبة و يام أخذ في دم والده الشيخ الفارس مسفر بن هادي بن سعيدان و أخيه الشيخ الفارس ملهي بن مسفر بن هادي بن سعيدان وابن عمه الشيخ الفارس جرمان بن هذال بن جرمان بن عويضه بن سعيدان أكثر من عشرين رجال من قبيلة يام في معركة [ سر المدبغ ] بين آل عاطف و يام وقد قال فيه الشاعروالفارس معجب بن محمد بن بويريد الضوره آل عاطف قصيده طويله منها :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
راعي آركٍ جاهم على زلافه = راعي آركٍ في شوره السداد
يوم شار شايرهم وشار أمشيرهم = وما منهم اللي شار بالعوّاد
يتلون هذّاب السرايا مجرّب = هذال حامي وانيات اسناد
طق ابن سجوى يوم سمع اعزاهم = ولابد صيّاد الفهود يصاد
كله لعينا ملهيٍ ومسفر = وجرمان اللي طاح في الميراد
وكله لعينا أهل مخيبيه = اللي مفرشٍ وملحفٍ بوساد
وكله لعينا جادل ٍ طاح سترها = وتقول تكفون يا الاجواد
برى الصدى من كبد كل مجرّب = والكبد طابت واشرعت للزاد
[/poem]
وهو اللي يقول فيه الشاعر:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
من عقبهم نصيت ترثة سعيدان = وابغى اتعوّض عندهم في قعودي
أميرهم هذال قوّاد سلفان = خيال حردٍ في اللقا ما تحودي [/poem]
ادرك الملك عبدالعزيز وشارك معه في العديد من الغزوات مثل فتح الطائف وحرب اليمن وباقم والرغامة والسبلة وتربه و حجلاوغيرها وكان تحت إمارته بيرق أهل الرين " شلوان " يوم فتح الطائف سنة 1343هـ والبيرق الثاني تحت إمارة الشيخ حزام بن هزاع بن عمر بن قرملة
توفي الشيخ هذال بن مسفر سنة الخبت سنة 1351هـ هو وأخيه الشيخ حزام بن مسفر بن هادي بن سعيدان وقد قال فيهم الشاعر ظافر بن شارع ا بن جملا آل جابر آل عاطف بعد موتهم في الخبت ورثاءه للشيوخ الذين ماتوا :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
أنا أبكي شيوخٍ راحوا يقودون جرود =على ضمّرٍ كن التهامي يباريها
وأنا أبكي على من مات وأفز بالمالود = وياخالق الدنيا عليك العوض فيها
ما بشروا بهذالٍ ونايفٍ وحمود = وما بشروا بحزامٍ حامي تواليها[/poem]
6)الشيخ الفارس حزام بن مسفر بن هادي بن سعيدان
شارك في المغازي ضد الدواسر ويام وعتيبه عرف عنه الشجاعه والفروسيه والكرم ثم بعد ذلك أدرك الملك عبدالعزيز وشارك معه في بعض المغازي مثل تربه وفتح الطايف ومكه والرغامه والسبلة وباقم والخبت وحرب اليمن وقد قال فيه الشاعر بعد إحدى المعارك بين آل عاطف ويام :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ويتلون حزام قوّاد نمرى = دايم على راس الحفيف يذاد [/poem]
وهو اللي يقول فيه الشاعر :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
وحزام ساس الجود من ساس شيخان = عند اللقاء لزمن يقص الحيودي[/poem]
توفي سنة الخبت سنة 1352هـ
وقد قال فيه الشاعر بعد موته قصيدة رثائيه منها:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
وما بشروا بهذال ونايف ٍ وحمود = وما بشروا بحزام حامي تواليها.[/poem]
7) الشيخ الفارس عشق بن مسفر بن هادي بن سعيدان تولى المشيخة على آل عاطف بعد موت أخيه الشيخ هذال بن مسفر سنة الخبت سنة 1352هـ كان شجاعاً كريماً وصاحب حمية لربعه شارك في المغازي ضد الدواسر ويام وعتيبه ثم أدرك الملك عبدالعزيز وشارك معه في فتح الطائف و اليمن وباقم والخبت والرغامة والسبلة وقد قال فيه الشاعر:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
أما عشق لا اعتلا بنت ربدان= يطعن لعينا ناقضات الجعودي [/poem]
المهم بعد موت الشيوخ بسبب مرض [ حمى الخبت ] سنة 1352هـ وتولى المشيخه على آل عاطف الشيخ عشق بن مسفر بن هادي بن سعيدان قال فيه الشاعر جبران بن حسن بن رويشد المشعلي قصيده طويله يذكر أفعاله ويمدحه فيها ومن ضمن القصيده :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
قال الصبي المشعلي له سالفه= سوالف ٍ تمضي حضور ٍ اشهودها
إلى من بغيت السالفه قديتها = من خاطري سلك الحرير يقودها
وإلى عذلت العين بالماء تزايدت= تزيّاد مزن ٍ هلت الماء ارعودها
لا قلت قفاء عبرة ٍ جاء مثلها = أقدور ٍ تغش وزللوها حدودها
واللي مهيضني ودانا حضايري = هية تهامه ربنا لا تعودها
يا ما غدا من نادر ٍ يذكرونه = ذلوله على نفسه خويّه يقودها
وانا من الظفران صاحبت خيّر= بدر الدجاء لا غاب منها وقودها
هو ستر خود البيت لا طار سترها = يوم ٍ يخالط عروها مشدودها
يطعن العنا اللي تعوج البنتها = معشر تسمع عوى مفرودها
عشق حجاب البيت في كل سابق = يردها رد الجمال قيودها
عشق إليا اعتلا فوق سابق = تجذ جذ الضبي ماشيء ٍ يكودها
من حبها من در ماله يبرها= حتى على الاسناد تقوى عضودها
تسبق ارماش العين في عجل ردها = لمن دنت حوض المنايا يسودها
شيخ ٍ من الادنين دمّاح زله= يدرا على خزن الظفر من قرودها
يخاف من الاقصين ياتيه ضّده = لابد تعتاز الجمال ابدودها
سعيداني ٍ عطيّته ما يمنها = يعطي العطايا ما يدور ردودها
حلو ٍ إلى حلولا ومر ٍ لا بغى = وله لطمة ٍ لا لطم جاد جودها
فن جات بالحيلات ما فيه حيله = إلا ان تحال عريقيه من حيودها
عنده لطلاب المعاسير حربه = شلفا تلظّى شارب الجب عودها
من جاه يبغى الشرع يبشر بالقداء = وشاة المربي ما حملها عمودها
سعيدانية ٍ تسناء الذراء دون جارها = لعل ما نشكي العدم من وجودها
شيوخ اداب صغارها من كبارها = شروى الحرار وسمها في زنودها
يالله لا تقطع للاجواد تالي = يارب شرد في العضه من فنودها
عواطف ٍ شروا السيوف القواطع= والاشبال ما تخلف ضناها اسودها
لا صرت منظور ٍ بعين جميله= ترى المراجل نفذها من عضودها
نصبر بشدات الليالي لعلها= تقربك شدات الليالي اسعودها
والا يجيلك من ولي العرش مده= مدة كريم ما درابك حسودها
مانيب لا صافيت صافيت رمّه = مثل المعايا ما تسرك جلودها
ولا بصافي خبرة ٍ ما تحبني = تضحك معي وتبدي لغيري اسدودها
لعداي ما بينت في الحال رقه = اضحك لها ولها البلاء في كبودها
يا باذل الجودات في غير طيّب = سوات بذر الصبخ في كدودها
مانيب نشّاد ٍ ادّور للعطاء = نفس الفتى تزهيدها ما يزودها
قلته وانا من لابة ٍ مشاعله= سيوف تعدي حدها من حدودها
نلطم شبات الشره من دون جارنا = والاجواد ما تجعل ذراها وقودها
ونزبن المجرم لا جاب جرمه= في ساعة لمن حضر مقرودها
وان قابلت ضو المعادي ضوّهم= تسعى على ضو الحفيف جهودها
ربعي على كبد العدو تفرغ البلاء= وتجعل مقاديم المخاطر برودها
وانا من آل دهيم لا رد البراء = لا جاء العوادي ضاربين لبودها
وانا من آل محمد خزنة الظفر = لا نسبت كل القبايل جدودها
جحادر ٍ لا نسب منا قبيله = اقحطان الاقصى حدود جدودها
يارب متّع به متاع ٍ مبارك = تموت الافاعي وسمها في كبودها
اتلى كلامي والصلاة على النبي = عدد ما تذري الذواري نودها [/poem]
توفي كبيراً في السن سنة 1376هـ ودفن في لبنان حيث كان يعالج وعمره أكثر من تسعين سنه.
8) الشيخ الفارس سعيدان بن مسفر بن هادي بن سعيدان وهو الذي قتل واحد ٍ من شيوخ قبيلة آل العرجاء يام الشيخ ناصر بن مصلح في معركة [ مخيبيه] بين آل عاطف وآل العرجاء يام سنة 1326هـ كان شجاعاً قوياً وكان بعد كل معركة يغمى عليه وعندما يستيقظ يستفرغ ما في بطنه نصفه دم والنصف الآخر مر أصفر وعندم ذهبوا به للحكيم كي يعالجه من هذه الحالة التي تأتيه بعد كل معركة قال الحكيم : هذا من شدة الغيض والله العالم أنه لن يدوم طويلاً في هذه الدنيا وبالفعل لم يدوم طويلاً
ومن أحدياته قبل إحدى المغازي بين آل عاطف ويام:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
نرعاك يالعفراء الطفوح = ماهمنا بارود يام[/poem]
توفي سنة 1336هـ قبل ذهاب الاخوان لمعركة تربه.
9)الشيخ الفارس هادي بن مسفر بن هادي بن سعيدان .
10)الشيخ الفارس هذال بن جرمان بن عويضة بن سعيدان
11) الشيخ الفارس سلطان بن جرمان بن عويضة بن سعيدان
12) الشيخ الفارس عبدالله بن صرير بن مبارك بن سعيدان الملقب بـ [ معباس ].
13) الشيخ الفارس مسفر بن شينان بن مبارك بن سعيدان .
14) الشيخ الفارس جبهان بن جرمان بن عويضة بن سعيدان. وهو اللي تقول فيه بنت الدويش شيخ مطير :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
خيل ٍ حداها جبهان = يا ذلها ذي النوبه[/poem]
15) الشيخ الفارس نايف بن مناحي بن جرمان بن عويضه بن سعيدان.وهو اللي يقول فيه الشاعر بعد إحدى المعارك بين آل عاطف ويام:
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
نشد عليهم نايف ٍ من ذاهبه = وغدالهم في ذكرهم نفاد[/poem]
وقد قال فيه الشاعر ابن جملا بعد موته في الخبت سنة 1351هـ :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ومابشروا بهذال ونايف وحمود = وما بشروا بحزام حامي تواليها[/poem]
16) الشيخ الفارس جرمان بن هذال بن جرمان بن عويضه بن سعيدان الملقب بـ [ صلف] .
وقد قال فيه الشاعر :
[poem=font="Times New Roman,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
كله لعينا ملهي ومسفر = وجرمان اللي طاح في الميراد[/poem]
17) الفارس شرثان بن مبارك آل سعيّد: من شجعان آل عاطف شارك في الكثير من المغازي مع يام وعتيبه والدواسر وهواللي يقول فيه الشاعر بعد إحدى المعارك مع قبيلة يام :
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
طق ابن سجوى وتلا القوم شرثان = مثل البهم لاتلّته الذيابه [/poem]
18) الفارس عاطف بن مبارك آل سعيّد من شجعان آل عاطف وقد شارك في المغازي ضد عتيبه ويام والدواسر وهو اللي يقول فيه الشاعر بعد إحدى المعارك مع قبيلة يام :
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ويتلون عاطف سعدْ الابل = ليا من ازرمت تبغى المقاد [/poem].
ومن المعروف أن عاطف بن سعيد قد قتل من قبل قبيلة عتيبه حيث غاروا عليه وهو بلحاله عند ابله يبون أبله واحتماها بلحاله وقام يرميهم بالبندق لين خلّص الفشق ثم مسك البندق بخشمها وقام ينطح العتبان لين مات وقد قال كلماته المشهوره : [ خيّلا السويدا عاطف ما للفتى حظ ٍ نهار يموت ] .
19)الفارس حقيب آل شريم وهو اللي بدع ووضع وحط الجيره سلم ٍ لقحطان بعد إن زبنوا عنده قبيلة آل عاصم وصاروا في وجهه وقد انشد شاعر من آل عاصم :
[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ما في الشفا غرس إلى ما جلينا =إلى اقتضا الديان من كل مديــون
جينا ابن ذيبان ونفه علينا=وقال ابن لبده مانــع لا تحلــون
وجينا ابن صيفان وسرى علينا =كوماً شحمها غرق القدر وصحون
حنا زبنـا العاطـفي والتجينا=بروس الهضاب اللي ذراها يذرون
ترثـة سريـع مفيـة كل دينا=اللي على سلم الجحـادر يعـدون
وحقيب عقب الضيق فرج علينا=عواطفٍ تروي شبا كل مسنــون[/poem]
20) الفارس محمد بن ولمه آل شريم .
21) الفارس صملول آل شريم .
22) الفارس علي بن راجح بن القينه العطافا آل شريم .
23) الفارس عشق بن مفرع ابن الجيطاء الضوره المشهور بـ [ الاصقع ]
24)الفارس حزام بن الجيطاء الضوره المشهور بـ [ الجلد ] .
25) الفارس علي بن مجثّل آل رحمان .
26) الفارس قريويش الضوره .
27) الفارس ظافر المشبح آل جابر .
28 الفارس منصور بن جابر آل مبارك
29) الفارس معجب بن محمد بن بويريد الضوره .
30) الفارس فهيد الفحيثه آل كعده .
31) الفارس ظافر بن مجمش الحواصله .
32) الفارس دليان بن محمد آل عبدان اللي ذبح من فرسان يام الكثير كله علشان ثار عمه الشيخ سعيدان بن مسفر لين قال فيه الشاعر اليامي :
[poem=font="Times New Roman,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
واللي خذانا في المغازي دليان = مر ٍ مع ربعه ومر ٍ فرودي
وهذا على غره ذبحنا سعيدان = اللي جراته مثل وصف الفهودي[/poem]
33) الفارس ضبيب بن جري آل شريم.
34) الفارس الدويّخ بن وفرا آل غيث .
35) الفارس عفّار بن دغش آل خامسه
37) الفارس ظافر بن جملا آل جابر
38) الفارس سعيد بن زي آل رحمان
39) الفارس معيان بن جبهان آل فرسان
40) الفارس عايض المشبح آل جابر
41) الفارس معيد بن غيث آل غيث
42) الفارس الفارس شارع بن جملا آل جابر
43) الفارس عريمان بن شعير آل مبارك
44) الفارس قاروط آل شريم
45) الفارس هادي بن ضبيب بن جري آل شريم
وغيرهم من فرسان آل عاطف ......................................
## جميع الفرسان المذكورين شاركوا في أكثر المغازي ضد عتيبه والدواسر ويام ومطير وسبيع وغيرهم .
##هناك العديد من الفرسان ولكن هؤلاء الذين جاءوا على بالي فوالله لم اتناسى احد بالعمد او متعمداً لكنهم الذين اعرفهم من الفرسان .
آسف على الأطالة ولكم جزيل الشكر[/right]
19-09-2006, 10:58 AM
رد : هنااااا : يــوجد جميــع أسـماء فرســان قحطــان تقريبــا ...!! أدخل ولاهنت
تعليمات المشاركة
العرض العادي
