قصيدة عن الحضارة

قصيدة عن عيوب الحضارة وإبعادها للإنسان من العادات والتقاليد التي كان عليها أباءه وأجداده

وآمل ان تعجبكم القصيدة.

منقول:-

[poem=font="Simplified Arabic,4,black,bold,normal" bkcolor="transparent" bkimage="backgrounds/4.gif" border="none,4,gray" type=0 line=0 align=center use=ex num="0,black"]
الحضارة غيّـرت بعـض الرجـال =وانتهج طبـعٍ علـى طبعـه دخيـل

واصبحـت عاداتنـا حلـم وخيـال =وينهـا مـا عـاد منهـا إلا القليـل

في رخا لا شك ضيـق وهـم بـال =في زحام الشغـل ضيّعنـا الدليـل

وين الأول وين طبـع النـاس زال =وين راحت عشرة العمـر الطويـل

يبخسون أهل الجنوب أهل الشمـال =والتـزاور بينهـم سلـمٍ جمـيـل

ذاك فـيٍّ مـا خـذٍ دوره ومــال =ما بقى إلا دور مسلـوب الحصيـل

الكسـل خـلا ( ترامسـنـا ) دلال =دلــةٍ مـحـدٍ يفوّحـهـا بهـيـل

وجار بيت اليـوم مسيـاره محـال =مايزورك لـو تعَزمـه كـل ليـل

والقلوب أصفى من الماي الـزلال =والهدف ما فيـه شـك انـه نبيـل

يـوم ثلاجـا تنـا ذيـك الجحـال =والمراوح من سعف خوص النخيل

والمواتـر عندنـا ركـب الجمـال =والصواليـن الخفيفـة قبـل حيـل

والقرى مـا بينهـا خـط اتصـال =بينهـا مسـرى ومسـراح ومقيـل

والكنب من سـوم دمثـات الرمـال =والضجيج اخلاج و( البوري) صهيل

والإضاءة من خشب سمـرٍ طـوال =(وليتنـا) ذاك السـراج أبـو فتيـل

وكـل فجـرٍ نبتديـه بفتـح فــال =نكهةٍ مـن ريـح قـرف وزنجبيـل

نذبح الخرفـان والصيـد الحـلال =وشربنا مـن مـا قـراحٍ سلسبيـل

حـي مسيـار الفيافـي والـتـلال =وحـي منـزال البـداوه والرحيـل

يـوم فينـا للمواجيـب احتـمـال =وروسنا ماهي تعـرف المستحيـل

اشهد إن من عاشها من قبـل نـال =وعاشها في وقتنـا ذا شـاف ويـل

مـا نضيّـع ورث عمّـان وخـوال ........... ولا يحب أحيا التراث إلا الأصيـل.[/poem]

__________________