تعلم الهكرز يخترقون الأجهزة عشان تحمي جهازك

السلام عليكم ورحمة الله وبركاتة
يا إخواني حبيت أطرح موضوع مهم جدأً وهو موضوع إختراق الأجهزة والإيميلات
والسبب هو إني لاحظت أن أكثر الأعضاء ينقلون البرامج من المواقع الأخرى
بدون ما يفحصون البرامج قبل نقلها
وهذا خطر كبير للأجهزة وإيميلات الأعضاء
أول شي أبي أوضحه كيف يتم زرع الباتش أو السيرفر في البرامج

وأشهر طريقة يلغمون فيها البرامج هي عبر برامج الإختراق

وهذا أحد برامج الإختراق ((99 %من برامج الإختراق هي أصلاً مغومة)) هههه



عبر هذه البرامج يصنعون السيرفر أوالخادم وظيفة هذا الخادم يرسل للمخترق الآي بي والمنفذ
يبدأ المخترق بتكوين إعدادات الخادم
و يبرمج الخادم مثل مايبي



ويحط تبليغ الآي بي والمنفذ على الإيميل ولا الياهو ولا أي طريقة

بعدين إذا كون السيرفر يدمجه على أي برنامج أوصورة أومقطع

بعدين يشفر السيرفر أو الخادم بأحد برامج التشفير عشان ما يصيدة برنامج الحماية اللي عندك


لاكن لو حدثت برنامج الحماية كل ما طلب تحديث إحتمال 95%بيصيد الخادم ومحد يقدر يخترقك


وبعدين يغير أيقونتة بأحد برامج تغيير الأيقونة




مثلا دمج الخادم ببرنامج الماسنجر وغير أيقونتة ورفعة في أحد مواقع تحميل البرامج
وكتب ماسنجر الإصدار 9 وهذا الإصدار ما نزل أصلاً ومهب شرط تحمله من موقع يقدر يرسلك الخادم بالمسنجر أو أي طريقة يوصلة لجهازك
وبعدين بتحمل الماسنجر
بيطلع شكلة شبيه جداً الماسنجر العادي



لاجيت تفتحة بيعطيك رسالة خطأ ولا خطأ بكلمة المرور على حسب مابرمجة المخترق
وأحياناً يشتغل البرنامج لأن المخترق يكون دمجة مع برنامج فعلي

الحين إنزرع الخادم في جهازك
وأنت ماتدري
وأول مايشتغل السيرفر يرسل للمخترق الآي بي والمنفذ وحتى لو ما عندك منفذ مفتوح يفتح السيرفر منفذ جديد
ويقدر يراقب أي شي في جهازك وأغلب المخترقين يراقبون الأجهزة ما يلعبون فيها
عشان ماتدري إن جهازك مخترق وتروح تسوي تسلويله فورمات


(الزبدة)

لا تحمل إلا من مواقع معروفة

قبل ما تنقل أي برنامج من موقع ثاني حملة عندك وإفحصة بعدين إنقلة

كيف تفحصة
لاجيت تحمل البرنامج إختار حفظ لا تختار فتح
لاخلصت تحميل رح للمكان اللي حفظت فية البرنامج وإختارة
وإضغط زر الماوس اليمين مثل ماهو موضح



مو شرط نفس برنامج الحماية

لكن بالنسبة لي أقوى برنامجين
KasperSky internet security
AVG Anti-Virus

إنشاء الله وصلت الفكرة
وإعذرونا على القصور