الجديد: قصيدة في هيف بن محمد بن عبود الرفيدي

بسم الله الرحمن الرحيم

هذه القصيدة في مدح الشيخ \هيف بن محمد بن عبود القحطاني بمناسبة مشاركته المشرفه في مزاين أم رقيبة للأبل ووللعلم تم القائها في يوم الخميس في حفل الشيخ هيف بأم رقيبه اتمنى انها تنال اعجابكم

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شرد البيوت اللي يجمل حضورها=ماتهتـني نوم اللـيالي سبورها
كلٍ عليها حرّك زناد بندقه=وهي مع العالم ســريع نفورها
وانا لها آقف فآخر الدرب وانتقي=وغصباً تطاوعني وتنسـى غرورها
ماني بدوّرها على كل لازمة=ما جيلها الا لاتوّجب حضـورها
أما على مدح أبلجٍ ينطح العدى=ولاّ مواقـيفٍ نورّخ عصـورها
واليوم جيت إلها بعد حان وقتها=وغنّى لها طـير السعد من سرورها
في حفل شيخٍ يكسب الطيب والثنى=لا بيّنت سود الليـالي شــــرورها
هيف ابن عبود الرفيدي رعى الوفى=لا غلّقت الانذال بيبان دورها
من دون قحطانٍ تجلى بموقفه=بمارث مداغيشٍ طوالٍ شـبورها
البل لنا من سالف الوقت الاولي=وحن عن اطماع المعادين سـورها
ننزل بها بالعمد في ديرة الخطر=مهامهٍ فالخوف ننزل قــفورها
دون العشاير لاقسى اليوم نحتمي=وتشهد لنا أيــاماً تقافت دهورها
وسومنا تعرف ولا تذعر ابلنا=من وسمنا الاخصام تاخذ حـذورها
ترهق سلاطين الممالك حشودنا=ومن شورنا تاخذ مفـاتيح شـورها
كم حلةٍ عمرت هدمنا بيوتها=وكم ديرةٍ خلوٍ عمرنا قصــورها
ترجف مناكب الارض من وقع خيلنا=لا قيل ياعيال النشـــاما ظـهورها
صبيان قحطانٍ لظا حومة الوغى=يدعي المدعـي في صلاته بجورها
ياناشد عني وعن ذكر لابتي =خذ سيرةٍ بالمسك فـاحت عطورها
منهم عبيدة معدن الجود والظفر=اعتى الدول منها كــبارٍ كسورها
كن وصف غارتهم ليا سار جمعهم=سيولٍ تدكّ الارض قـوّة حدورها
وجحادرٍ بالسيف تحمي حدودها=منها الاعـادي ضيمـها في نحورها
وحبابيةٍ النعم لاحل ذكرهم=لا جات سـاعاتٍ تهيب جسورهــا
وشريفيةٍ بالطيب تذكر فعولهم=قــومٍ على الطـالات تجبل بـزورها
وبشريةٍ يا سعد منهم محازمه=قول المغني يـوم دوّن سطورهـا
وهواجر يتلون شافي عقيدهم=خطــلان الايدي للحرايب سعورهــا
وسنحان اهل الاقبال في حومة الوغى=ويـلقى علوم المـرجلة من يـزورها
ورفيدة اصحاب الجمالات والنقا=ويلقى العشى الجيعان من فضل سورها
نزوحنا بين القبايل شيوخهم=وهم بظــلمات الليـالي بدورهـا
كم سربةٍ جتنا تدّور لعزّها=والله جعلــــنا سبةٍ في دبورها
بحدب السيوف نجندل الروس للثرى=وندعي لطيحان الجنايز نســورها
مركاضنا يفرح به الطير فالسما=وتفرح به اسباع الخلا في جحـورها
وتفرح بنا بنتٍ غشا وجهها الحيا=حن سترها لا فرّعت عن سفورها
أتورّد الأسياف بيضٍ حدودها=وحمرٍ غشاها الدم ساعة صدورها
بإيدي رجالٍ يرهب الحف ذكرها=سادت بحد السيف ماضي عصـورها
في دربها نمشي على نور مجدها=عسى مزون الغيث تسقي قبـورها
واليوم في عز الحكومة وظلها=وعهودنا عيبٍ علينا نبورها
ماحن بااهل خونة ولا نقبل الردى=ومن يزرع النالات يقطف زهـورها
لحكامنا عون على الوقت لاقسى=نحمي مواقفها ونرفى ثغورها
صديقهم نسكب على كبده العسل=وعدوهم نسحق لعــينه ذرورها
قول ابن غيدة يوم غنّى مثايله=غاص البحور وجاب صافي درورها
شعره رصيدٍ له الى حان واجبه=لا دقّّت اصحاب المثايل صـدورها
جلال المثايل في ضميره ومهجته=لا حدّته يختار عاصي بحورهـا
على الهلالي من قطر ساق نظمها=يسرى عليها الليـل من قوّ نورها
من دار ابو مشعل حمد علّها الحيا=ليث الليوث اليا تقدم هصورها
ما حق حق وفي خواتيم كلمتي=أرجو العذر لابان فيها قصورها[/poem]

الشاعر/ عايض بن هداف القحطاني

__________________
[poem font="Simplified Arabic,3,black,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
صغار العطايا في عيون الصغار كبار=وعطيّه وراها منّ عارٍ لراعيها
وكبار العطايا في عيون الكبار صغار=وهل الطيب قوّ عزومها ما يونّيها
وهل البخل حتى فالرخى يغلقون الدار=وهل الجود وقت العسر تدسم صوانيها
وهل البخل لا جا الليل تحرص على المسيار=على شان لي جا لافيٍ ما يلاقيها
عايض هداف[/poem]

أخوي الشاعر عايض بن غيده

صح الله لسانك واعتلا شانك وتسلم بنانك

وش أقول وش أخلي .... للجزاله أهلها وأنت أبوها

وأنا أسجل أعجابي في شاعريتك الجياشه

تقبل مروري واعجابي .. مع أعطر تحيه

أخوك (( محمد بن دوحان البشري ))

الشاعرالرائع عايض بن غيده


اررررحب يابوهداف ملالايييين


وصح الله لسانك علي القصيده الوافيه فيمن يستحق المدح

ولاتستغرب منك الجزاله والابداع وريث شعر وفراسه

ابوهداف يشرفنا متابعتك والله يوفقك وان شاء

وفالك المليون والبيرق وتستاهل

__________________

أخوي عايض بن هداف القحطاني

صح لسانك وبيض الله وجهك

رايعه ووافيه من وافي وفي وافي

والله يوفقك في برنامج شاعر المليون وأنشاء الله نبارك لك بالبيرق

لك احترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قول ابن غيـدة يـوم غنّـى مثايلـه=غاص البحور وجاب صافـي درورهـا
شعره رصيدٍ لـه الـى حـان واجبـه=لا دقّّت اصحـاب المثايـل صدورهـا
جلال المثايل فـي ضميـره ومهجتـه=لا حدّتـه يختـار عاصـي بحورهـا
على الهلالي من قطر سـاق نظمهـا=يسرى عليها الليل مـن قـوّ نورهـا
من دار ابو مشعل حمد علّهـا الحيـا=ليث الليـوث اليـا تقـدم هصورهـا
ما حق حـق وفـي خواتيـم كلمتـي=أرجو العـذر لابـان فيهـا قصورهـا [/poem]





كفو


كفو


كفو



يابن غيده


وصح الله لسانك يالذيب


شاعر ولد شاعر


والله يوفقك في المليون


ويستاهل هيف المدح اللي رفع روسنا في ام رقيبه



.

__________________

قول ابن غيـدة يـوم غنّـى مثايلـه
غاص البحور وجاب صافي درورهـا
شعره رصيدٍ لـه الـى حـان واجبـه
لا دقّّت اصحـاب المثايـل صدورهـا
جلال المثايل فـي ضميـره ومهجتـه


اررررررررررررررررررحب يابوهداف



وصح لسانك ملايييييييييييييييييييييييييييييييين



اشهد انك جبت الدرر والمرجان والياقوت ويستاهل هيف بن عبود



تقبل تقديري واحترامي

صح لسانك يا ابن غيده

وقد قالها الشّاعر ابن دوحان

وش نقول وويش نخلّي

شاعر من ظهر شاعر

والجزالة في عروق دمكم يا ال غيده

وبيّض الله وجهك

ونتمنّى لك التّوفيق

وفالك المليون


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح لسانك ياعايض

شاعر وخليفة شعراء

مزيد من العطاء وياجبل مايهزك ريح

تفعل وهيف يستاهل اكثر

تقبل تحيات بحر

__________________

عايض بن هداف

صح لسانك

شاعر جزل وكفو

وبن عبود كفو ويستاهل

وعلومك كلها ترفع الراس

لاهنت لاهنت

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

صح الساااااااااااااااانك

وهيف شرفنا في ام رقيبه

وانشالله انك تشرفنا


في شاعر المليوووون
..................


وتحياتي

والله يوفقك