لاكل من غاص البحر جاب دره

هذه اول مشاركه لي وأتمنى أن تنال إعجابكم وهي عباره عن قصيده للشاعر عبدالله بن مبارك المشعلي
وسوف نوافيكم بغيرها في القريب العاجل إنشاء الله تعالى وأتمنى أن تنال إعجابكم
[poem=font="Simplified Arabic,5,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
يالله يامرسل تباشير وإنذار= ياللي مايخفى عنك مثقال ذره
تجعل لنا حظ مع الناس الأبرار= فإن الحظيظ اللي بفضلك تبره
أنت الكريم المعطي النافع الضار= واللي تنوشه رحمتك ماتضره
من جرب الدنيا تجرعه الأمرار = وما مر شمطان النواصي يمره
نرتاح مر ونفقد الراحه أمرار = وتمرنا الأيام حلوه ومره
يوم بيوم وعادة الوقت دوار = ولاكل من غاص البحر جاب دره
ياللي عن الغايب تنشّد للأخبار = كل الوطن طفنا ببحر وبره
لانكشف أسرار ولانخفي أسرار = وعلومنا من سمع فيها تسره
عشنا في الدنيا على الفطره أحرار = وأقدامنا تمشي على الأرض حره
نشقى ونتعبها على كل مشوار = وحنا القدر نومن بخيره وشره
نصبر ولو تحدنا النار للغار = والصبر حكمه والجهالة مغره
ونرافق الللي بالمواجيب مغوار = اللي دروب المرجلة ماتغره
نختار بعض أنفار عن جملة أنفار = اللي لهم بالطيب كره وفره
وأنا إليا شان الوُفق والدهر جار = ماني على ماقيل قصاص جره
يسوقني سوق الجمل دمي الحار = لا أونست في قلبي من الهم حره
ماتستر من أهل المشاريه الأعذار = والله مايخفاه مثقال ذره[/poem]

أرحب أرحب أرحب أرحب


لا هنت يا اخوي وتسلم يمناك

وصح السان الشاعر

لا هنت يابو جفين

وصح الله لسان ابو مبارك

تقبل تحياتي

اخوك /فهد المكودر

__________________
قالها اللي مايخوجل في كلامه _عاطفي(ن) يعتزي بالعاطفيه

الأخ المعمري
الأخ فهد
شكرا لكم على مروركم وتعليقكم الجميل
اخوكم ابوماجد

لاهنت يابو جفين على القصيده

الرائعة .

__________________

اشكرك يا أبو ماجد وجميع الأخوة والقصيدة لها بقية لم يرد ضمن النص المكتوب وأوعدكم انشاءالله تعالى بأن تكون بين يديكم عبر هذا المنتدى قي القريب العاجل.

أخوك/عبدالله المشعلي