ومدمن حشيش ومثقل بالديوني

السلام عليكم ورحمة الله وبركاته


قصيدة لاحد الخمسه الذين تم اعدامهم في مدينة تبوك عام 1413هـ حيث تم القبض عليهم بجريمة تهريب المخدرات 0


وهذه القصيدة بمكانة (نصيحه) قالها تاسفاً وندماً وحسرة على ما حصل منه ؛ ويصف نهايتة وكيف انه خائف

على والدتة عندما يصلها خبر وفاته مناجياً ربه ان يتوب عليه ،، ويطلب من العالم ان يسامحه ،،ويصف كيف انه خائف من ذبح السيف



( القصيدة ) :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سمعت قصـة واحـد بالسجونـي = يقول ذبح السيـف يانـاس هايبـه

يقول احسن بالرصـاص اقتلونـي= والعين ملفوفـاً عليهـا عصايبـه

لعل بعض النـاس مـا يعرفونـي= ودي لو التنفيـذ والشمـس غايبـه

انتم عرفتوا قصتـي وارحمونـي= اخشى على ابـوي تلحقـه عايبـه

لـو يعـرف انـي مهربللفيونـي = ولو يدري اني للمسلميـن جايبـه

ومدمن حشيش ومثقـل بالديونـي= يدعي على ودعوة العـود صايبـه

ولا تخبرون اللي بطبعه حنونـي = الوالـده اخـاف تكثـر مصايبـه

اخاف لا درت يصيبهـا جنونـي = او تصبح عليلة عالة على شايبـه

من ضاع عقله ما تفيـده العيونـي= والعقل من مـد الكريـم وهايبـه

واللي جرح قلبـي وزود اطعونـي= وروحي عليه مـن العـام ذايبـه

وجماعتي من سجنتي قاطعونـي = كيف الفتى ينسى من اقرب قرايبه

كلـه سبايـب شلـة دهـورونـي= وصار الثمن راسي وفوقه نصايبه

حسبـي عليهـم شلـة ضيعونـي= والموت جاني وقربوا لي ركايبـه

الله يرميهـم مثـل مـا رمونـي= موت المهونه شلتي هـم جلايبـه

ما طعت يوم الطيبين انصحونـي= ولا ينصـح الانسـان الا حبايبـه

يا الله وامرك بين كـاف ونونـي = خلقتني من بين صلـب وترايبـه

عوض على دنياي واحسن انظنوني= واغفر من نفسه عن الثرى تايبـه

ياللي حضرتم ذبحتي سامحونـي = وهذي نهاية قصتـي مـع سبايبـه [/poem]

وسلامتكم ...

( نرجوا من الله عز وجل ان يرحمه ويغفر له وان يقبل توبته انه سميع مجيب
وان لا يكتب هذه الموته على احد ولا تكون هذه نهايتة من يعز علينا اللهم امين )

مشكوووور اخوي عبدالرحمن على هذه القصيده الحزينه التي تحمل في معانيها الكثير من الدروس والعبر

ونرجوا من الله عز وجل ان يرحمه ويغفر له وان يقبل توبته انه سميع مجيب

اخوك:شبل قحطان

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

مشكوووووووووووووووور وبيض الله وجهك على المرور .

__________________

الصقري