ال علي بن سعد الحباب وقبـيلة وايـلـة

ابن شريم اررحب وماعليك زود يستاهلون ربعناااا

السلام عليكم متى وقعت الحرب ومنهم قوادها من وايلة واين وقعت وماسببها


ياسلامي على ربعي وايلة مزبنين الدخيل
في نهار الضيق كان وده ان ربعة وايلة

هذي الهيه وقعت بين آل علي ابن سعد وقبيلة وايله "القوم السودا" حيث كانوا آل علي ابن سعد حالين بلاد وايله بحثا عن الربيع لحلالهم وهذا شيء اعتاد عليه الباديه ينتقلون من ديره الى ديره
وفي احدى الليالي سبرو وايله وارسلوا سبورهم لمعرفة وضع آل علي ابن سعد وعددهم وكان السبور من وايله رجل يسمى "درهم" ومعه ولده "غازي" فانطلق غازي وأرقب من فوق جبل ورأى رجال من آل علي ابن سعد يصلون وعاد الى ابيه وأخبره يحذره أنه وجد رجال يصلون فرد عليه ابوه غاضبا : الا ذليت لعنباك سد قفاك بقماش ثم عادوا الى قومهم وأخبرهم درهم أن الحلال كثير والرجال قليل فطمعوا وايله وصبحوهم في ذهبه وسمي ذلك اليوم "صباح ذهبه" ودارت رحى معركه شرسه انكسرو فيها وايله واستردوا آل علي ابن سعد ابلهم وحلالهم وكانوا بقيادة الفارس بشير ابن علي
وغنى المغني وقال من عرض قصيده طويله:


خلت يوم من على راس ذهبة يلتحم=سابره وقع آل عل بن سعد في وايله

يا طيور الجو من كان وده باللحم= ينزل العرجين ياكل سنين طايله



والتكملة الشاعر علي ابن جابر ابن صويع آل علي ابن سعد يصور أحداث هذه الواقعه:





يالله وأنـا طالبـك يارقيـب ملتـهـم=خالق الدنيا الوسيعـه وبأمـره زايلـه
ان تعين اللي على الحق وقف بالقـدم=مع شروق الشمس جاته جموع هايلـه
ملتويـن بالعشايـر وسـراح الغـنـم=غير دون القوم قطعة رجـال حايلـه
كل شغموم تلوى في سلاحه واحتـزم=واحتجا دون الجماعـه بديـن قايلـه
ربعي ياللي في المواقف تقول وتلتـزم=كاسبين العز واهـل السلـوم الطايلـه
ياطيور العرش حومـي وردي للحـم=سابره وقع آل عل بن سعد في وايلـه
طاح شيخ القوم الأول ولا ثنى النسـم=من يمين الفارس اللي عدامـه حايلـه
أربعين كل ما طـاح منهـم وانهـزم=وأربعيـن دبـروا والعيـون مخايلـه
ذا لعينا داعـج العيـن حانيـة الرقـم=الدمي من دون سحم العشايـر سايلـه
ويالله ياللي تعطي الخير من عقب العدم=ترحم اللـي مـات وتعيضنـا بدايلـه

عسى اني وفقت في الرد عليك يا اخ كايد

وين هي ذهبة ولم اسمع بحرب بين وايلة وال علي بن سعد في بلادوايلة في عقلك فخذ بي يحارب قبيلة ولاقبايل مثل وايلة وفي بلادها وبعدين وايلة ومعطون الوزي والضيف وايلة انقيا

مليار نعم يآل علي بن سعد

وفي الحباب كلهم

__________________

احد(ن) فعوله تجمل بني عمه..........واحد(ن) على ربعه شرهه ومنقود

حييت ياكايد ممكن تركز معي انا قلت ال علي بن سعد مع قبيلة وايله لم اقل جميع قبايل وايلة اكيد مع فخذ لكن انا اوردت اسامي شيبان منكم وجبت قصيدة يعني القصيدة افتراء

واذا ماسمعت عنها شي راجع لك واكيد ماراح تسمع عنها لانه ذبح فيها رجاجيل مهوب شوي والهزيمة لا تذكر الا من اللي واثق في فعله


اسال شيبانك ورمضان كريم

الاخ حامس العوجري الوايلي

آمل منك الالتزام بأداب النقاش واحترام الآخرين حتى لاتحذف ردودك او يتم ايقاف عضويتك

انت تنفي صحة القصة ولم تأتي بما يؤيد هذا النفي... والقصة تثبتها قصائدها ويرويها كبار السن من قحطان وهم بلا شك اوثق واصدق منك...

اما انت فتنفيها بحجة ان قبيلتك وفرسانها شجعان ومشهورين ووووووو....

ونقول لك ونعم في قبيلة وايله وفرسانها ... فيهم حقهم مثل سائر القبائل...

فإذا كنت تظن ان الهزيمة عيب او عار على القبيلة فأنت على خطأ وتحتاج الى تصحيح مفهومك...

واذا كنت تستبعد هزيمة وايلة او غيرها من القبائل (فضلا عن فخذ من فخوذ وايله) على يد اي قبيلة من قبائل قحطان فأنت بعيدا عن الواقع بعد المشرق من المغرب...

والتاريخ ينبئك بالماضي ان اردت الحقائق.

لا كلام بعد حذف الردود .....والسلام طبتم...

السلام عليكم ورحمة الله وبركاته

ابن شديد لاهنت نفداك واما الوايلي خله يتكلم اكيد ماقال الكلام اللي مسحتوه الا يوم ان كلامي صحيح

والهياط هم هله وحن اهل الفعول