[poem=font="Traditional Arabic,5,,bold,normal" bkcolor="transparent" bkimage="http://www.smanalhrj.com/vb/images/toolbox/backgrounds/30.gif" border="inset,2,burlywood" type=0 line=0 align=center use=ex num="0,black"]
قابلت لي شايب كبير وزعلان= وقلت السلام وورد لي بالسلامي
ونشدت عن حاله وقال انه تعبان= وهموم صدره تجتول بازدحامي
قلت اقلط ويا مرحبا عد هتان= وهلت دموعه مثل وبل الغمامي
وقام يتلفت قال يابوك ظميان= قلت اقلط وتبشر بري وطعامي
وكرامتك عندي قعودٍ وخرفان= وابشر بعزك يا عزيز المقامي
قال انت قحطاني ونعمٍ بقحطان= اهل الشجاعه والنفوس الكرامي
انتم هل فعولٍ جزيلات وسمان= وانتم هل الماقف نهار الزحامي
فرسان لا من ثار في الجو دخان= مثل البحر لا صار فيه التطامي
وانتم حكمتوا نجد والعلم وكدان= في نجد ثبّتوّه خمسين عامي
حتى الهداوي جابها فلان وفلان= ماهوب حبٍ ،، ذل والسيف حامي
افعالكم يا عظمها عبر الازمان= ما تنحصي شرق ٍ وغربٍ وشامي
يشهد لكم رمحٍ وسيفٍ وميدان= وتشهد لكم خيلٍ نهار العسامي
وتشهد لكم شمر وحربٍ وعتبان= ومطير تشهد والدواسر ويامي
وتشهد لكم نجدٍ وذودٍ وريضان= ويشهد لقحطانٍ جميع الانامي
وميزانكم يرجح على كل ميزان= وتاريخكم معروف مانيب كامي
قلت الشكر لك وانت للعرف عنوان= والعارفه شرواك له لحترامي
لكن انا شايفك بالهم غرقان= ابغى الصحيح اللي عليه الكلامي
فناظر بعينه قال مانيب طربان= ومن لامني يالله عساه الملامي
انا معي بعض الشكاوي لسلمان= ابيه ينصفني بعدل ونظامي
قلت اشهد انك ناصيٍ طير حوران= هذا العظيم اللي فعوله عظامي
نسل الملوك مطوعة كل فسقان= وعدوهم ما يذوق حلو المنامي
فقال انا بنصا سلايل كحيلان= يالله عساه يحقق لنا المرامي
معه ملفاتٍ ومخباه مليان= ويا كثر ماهو مسجلٍ من الاسامي
وسألت عن اسمه وجاوب بالالحان= انا الشعر وراح نصفي هدامي
احدٍ يبيعه واحد يشري بالاثمان= واحدٍ يرهمها سواة الحرامي
وياكثرهم ذا الوقت حامد وحمدان= كلن يقول انه سبح بحر طامي
وين الفحول اللي لهم بالشعر شان= من بعدهم والشعر روّح عدامي
وين انت يا عنتر وطرفه وحسان= وابن الملوّح والفرزدق ولامي
والنابغه وجرير بالشعر فرسان= قو المعاني مثل ضرب الحسامي
ووين الخلاوي اللي بالاشعار سلطان= ومحمد القاضي لبس له وسامي
وفراج بن ريفه وللقول برهان= شاعر وقسمه من علو السنامي
وصقر النصافي بالمعاني والاوزان= يحكم قصيدة بالمعاني حكامي
وابن السديري جاب حصِ ومرجان= يسبح بحور الشعر ستين عامي
وابن القعيمه هاديٍ وابن جروان= جزلين وافينٍ رجالٍ حشامي
يشهد لهم بالشعر في كل ميدان= شعار لامنه رمى كل رامي
والمسردي شاعر وبالشعر ماهان= وارد على هداج ماهوب ضامي
كم ليلةٍ لامن رقص كل شيطان= دون القبيله كل ليلٍ يحامي
ومحيسن والخس ذربين الايمان= اشعارهم نصحٍ وحب وغرامي
تطرب قلوب الناس في كل الاحيان= لا وصفوا بالشعر في ام الوشامي
لا استرسلوا في وصف مدعوج الاعيان= اهل القلوب الخضر زادت هيامي
ويا كم بعدد لك ولو فتح بيبان= وبلغ تحياتي رشيد الزلامي
وخمسين بالميّه لهم بالشعر شان= وخمسين بالميّه عليه السلامي
والشمس ما تحجب ولو كان ما كان= والنور لا من بان يجلي الظلامي
وجزل الشعر يعرف ليا بان ما بان= يهز فكر اهل العقول الفهامي
وهزل الشعر عيبٍ وذلٍ ونقصان= وما يجيبه الا اهل الكبود الظوامي
واللي يصفق له ضعيفٍ وعميان= يا كثرهم مثل الجراد التهامي
وهذا كلام الصدق من غير حقران= ماهوب يزعل كل حرٌ قطامي
تمت وصلوا عد ما هل ودان= واعداد من هم يلبسون الحرامِي

اخوكم : عبدالله بن هادي بن القعيمه [/poem]

اخوي الله يجزى هذا الشايب الزعلان خير جعلك تثرينا بهذه القصيده

اخوي عبدالله سبق ان قابلك شخص معجب بقصايد والدك ووعدهته بذلك

وسبق ان طلبها من ابن عم لك ........صاحب محطه ولم يوفي بوعده


هل يكون هذا الطلب الاخير؟ ههههههههههههههههههههههههههههههههه

__________________

السلام عليكم ورحمة الله وبركاته



صح لسانك يابوهادي

صح لسانك مدد ماهو بعدد



.

__________________

صح لسانك ياابوهادي عزالله ابدعت ولاهي غريبه


شاعر ابن شاعراذاماني غلطان هادي ابن القعيمه


الله يرحمه حكيم الكلام هذاالاسم المعروف لدى شعار


الجزيره ومرجع من مراجع الادب

__________________

عبدالله بن هادي بن القعيمه


ارررررررررررررحب تراحيب المطر يا قحطاني


بيض الله وجهك بيضا توديها نسوم الهبايب على هذه الرائعه

وصح لسانك مدد بلا عدد

يعجز اللسان عن وصف مدى اعجابي بما كتبت

اخي الحبيب تقبل شكري وتقديري

__________________
بدون توقيع هذي الايام راحه

صح لسانك ياعبدالله بن هادي والله يرحم شايب جابك وجعله للجنة
من لا يعرف هادي بن القعيمة ؟ الشاعر الجزل .

صح لسانك يا عبدالله بن هادي بن القعيمه
وهذا الشبل من ذاك الاسد

قصيده معلقه

اخوي الغالي



عبدالله القعيمه



صح الله لسانك



شاعر جزل وقصيدك جزل



سلمت وسلم حرفك العذب



تحيات اخوك

__________________

أخوي الغالي والشاعر / عبدالله

بيض الله وجهك وافيه في ذمتي وافيه


نالت أعجابي بشكل كبير وأتطلع لجديدك يالقرم


تقبل تحياتي

أخوك بن غفره

__________________



ممصمنا المبدع
تركي العلياني
ألف شكر لك

عبدالله القعيمه

ارحب وصح لسانك يالجزل

ابدعت وانا معجب ومتابع لما تكتب دائماً

دمت ودام إبداعك ولك تحيات اخوك

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.