صحبة المشبوه للشاعر خليل بن هدلان

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي تبي شوري ترى ما انت مسفوه =جنب عن الخايب ودور بديله

راع الردى دايم مع الناس مكروه =ويقضي حياته بين ذل وفشيلة

ما يلحقه شرهة ولا منه مشروه =ولا فاعلٍ خيرٍ ولابه فضيلة

ولا عدّو رجال المواقف ما عدوه =ماله مع اهل الكار قدر وحصيلة

مشبوه واللي يقربه صار مشبوه =اجرب ويعدي بالجرب من يجي له

والناس قبلك برقوا به وعافوه =وشاموا عن اللي ما يروم الجميلة

واقفوا معا شهب الفيافي وخلوه =يدرّج الضلّع بقاعٍ محيلة[/poem]

__________________

ارحب يابو فيصل

وصح لسان خليل بن هدلان

الله لايهينك على النقل

تقبل ودي وتقديري

__________________

ابوفيصل عرفت تختار جعلك تبطي حي

قصيده ابن هدلان شاعر جزل ومن بيت شعر وفروسيه وتاريخ

لاهنت يالنشمي ولاشنت

اللــــــــــــــــــــــــــــــه

جعل يمنآك ماتعطب يابو فيصل وصح الله السان بن هدلان مدد بلا عدد ..

__________________

لاهنت يابو/مسفر على نشر القصيده وصح لسان الشاعر خليل بن هدلان.
وتقبل مروري مع تمنياتي لك بالتوفيق

__________________