سالم حزام ّّّّّ^^^^الـــــــخــــــــــــطـــــــــــــه^^^

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لحظة لقانا قبل مـا أعاتبـه والموقـف صعيـب=ساقت غيوم الحـزن لعيونـي ريـاحٍ مرسلـه



قال أنت وش حالك وقلت الذيب في وسط القليب=خليتنـي مابيـن هجـنٍ مـدبـرات ومقبـلـه



يكفي ترى القلب أنهكه جورك وظلمك يالحبيـب=كنت أحسب أن حبك بسيط وصار حبك معضله



تدري وش اللي حطني متهالك وكنـي صويـب=اليا هجرتـك مشكلـه واليـا وصلتـك مشكلـه


ودي أجي لك وأنت بيدك تمسح الجرح ويطيـب=وأسئلك باللي حط لك في النفس قـدر ومنزلـه







بهذلتني وأتعبت رجلي من طبيـب اليـا طبيـب=وما أظننـي سويـت حاجـة تستحـق البهذلـه



حتى بنات الفكر عجزت وش تقول ووش تجيب=هاذي سرت مسرى خطأ وهاذي تحر محرولـه




شتتها ياجعل مالك مع هـل المكسـب نصيـب=ومـن أولـى تعيـش الحيـاة مشيخـة ومـدللـه




عقلت فكري وأنت تدري فكري لأرضك ربيـب=وسمته تخافـه يضيـع لكثـر مأنـت بمهملـه



وأجرت من يكسر خفوقي كسرت العظم الصليب=وتضحك على صوت الأجير اللي يصيح لمعوله



فأن جاء جوابي عن سؤالك أجوبه ماهو غريـب=لأن السؤال اللي سألتـه فـي الحقيقـة أسئلـه


الا أنت وش رأيك مادامك ناويٍ ترجع صحيـب=فـي خطـةٍ رسمتهـا بالمسطـرة والمنقـلـه



أجيك لا نامت عيـون ولا عـوى ذيـب لذيـب=لامن ضفى لليل الهوى وأرخى الثياب المسبلـه



وأشيلك بعـزمٍ قـوي وأحملـك لونـك تعيـب=حملت همك كل لحظة كيف جسمـك ماأحملـه



فأما تطاولنـا الجبـل والا نزلنـا فـي شعيـب=أهم شـيء نوصـل مكـانٍ غيرنـا مايوصلـه


وأعلمك باللـي مشيبـي قبـل حـل المشيـب=همومي اللي تنسـي الرجـال درب المرجلـه



وأفهمك وأصارحك واليا حصل بالنفـس ريـب=أحط في أيدي سلسله وأحط في أيـدك سلسلـه



فأما أتفقنـا يعـود حـبٍ لا يمـوت ولا يغيـب=والا أنتهينا ومـا جـرى تاليـه يمحـي أولـه[/poem]

شكرا لك أخي سعد وصح لسان الشاعر..............

__________________

ابومبارك اسعدني مرورك

صح لسان سالم حزام ومشكور على النقل