[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,medium,black" type=4 line=0 align=center use=ex num="0,black"]
ما مات خالد لا أبد ذكره وفعله بالقلوب = ما دام فيها النبض ودماها جرت به فالوريد
ما مات خالد والشواهد واضحه بارض الجنوب = تلقى جبل دخان بأرض المعركه لك مايفيد
ما مات خالد كل ماهبت من الخوبه هبوب = يعانقك مسك البطل والفخر لانظارك يعيد
بصماته البيضا على ذيك المواقف والدروب = نور(ن)يبان بكل درب وكل ماخلته يزيد
يا أرضها من دمَََََه الوافي تقدم لك شروب = يروي ضمى من حل بك ..ويذل خوان" بليد
الله كم نفس(ن) شجاعه في أراضيها تجوب = تحمي الديار وتنتصر للحق والظالم تبيد
يانفس خالد في قلوب الناس دايم وامحبوب = والخالق الرازق تفضل فيك من دون العبيد
عيد الضحى بتعايده بجوار غفار الذنوب = في جنة الباري أنشهد بن ذاك العيد عيد
وحنا بدنيا ياعسى الله يغفر الذنب ويتوب = ويدلنا برضاه سبحانه على الدرب السديد
والا أنت ياخالد أبد مامت حي بالقلوب = تهتف باسمك دايم(ن)وتشيد باسمك في نشيد
خالد هدا روحه لدينه ثم للموطن تذوب =واختير من بين الرجال الصامده اسم الشهيد
قطرات دمك خالده كالشمس من دون الغروب = يوم(ن) تجلى واضح(ن) يبقى على الأمد البعيد
يامن جعلت الروح لله ولديني تنوب = في جنة الخلدِ نبارك عيدكم "عيد"سعيد[/poem]

مامات خالد كل ماهب من الخوبه هبوب يعانق مسك البطل والفخر لانظارك يعيد


اللهم تقبل خالد شهيد واجعل في الفردوس الأعلى وبيض الله وجهك وصح لسان الشاعر

أرحب يا بن عمي وبيض الله وجهك وصح لسان ابن التوم وجعل ايمينك وايمنه في الشحم

والله يرحم خالد ويسكنه فسيح جناته اقسم برب البيت ان حزنه في قلبي ما راح طيفه يمر

حتى في منامي . مرة أخرى بيض الله وجهك وجعل عيني ما تبكيك يا سنايدي

ودمت لمحبك
ابن دغيم

__________________

اللهم اكرم نزله وجعله من اشهداء البرره

وصح السان الشاعر تقبل مرووووري

__________________

الله يرحم الشهيد البطل خالد القحطاني

ويصح الله لسان الشاعر ثابت بن عبدالله

ويحق له ولنا جميعا الفخر بشهداء الوطن

__________________

اللهم تقبل خالد شهيد واجعل في الفردوس الأعلى وبيض الله وجهك وصح لسان الشاعر

__________________


http://www.qahtaan.com/works/up/get....fmnp1261962149

صح لسانك

الله يعطيكم العافيه على المشاركات ولكم مني جزيل الشكر

ما مات خالد كل ماهبت مـن الخوبـه هبـوب يعانقك مسك البطل والفخـر لانظـارك يعيـد



الله الله


صح الالله السان ابو عبدالله


والله يقبل الشهيد بأذن الله


لاهنت يا الجحلي على نقل القصيده الرائعه


تقبل مروري يا البطل

__________________

صح لسان الشاعر ...


والله يرحم خالد

__________________