/// ((( ان عشت بلقى لقمة(ن) تنطح الجوع = وان مت بلقى لي من الخام قطعه ))) ///

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/15.gif" border="double,medium,darkblue" type=2 line=0 align=center use=ex num="0,black"]
بفند المطلوب موضوع موضوع = واكتب مكاتيبي على ضي شمعه
وشخص(ن) يجامل لا يجيني ومقروع = والناقد الصادق يجيني بجمعه
وان قالوا النجار له باب مخلوع = شعري صناعة فكر متقن لصنعه
وارجو الهدو منكم ولو كنتوا جموع = بسم الله المشوار يبدا بطلعه
يقرع كما الشنه واظنه له اسبوع = لا راحت الضيقه ولا هل دمعه
الخافق اللي بين الاضلاع مزروع = الوقت يزهى ويتفاخر بقمعه
والحظ يفرح لا تراكا على الكوع = ولاّ الروابع فوق والنفس جشعه
للطيب والناموس . والراس مرفوع = ويا الله عسى لي مع هل الطيب بضعه
والطيب متبوع(ن) ولا هوب مجبوع = والخاسر اللي ما توفق لجمعه
وما ينقصر يا كود هافي ومنزوع = اكبر همومه زين نومه وشبعه
ولاّ الشلي شيكه مجيّر ومدفوع = راضع (ا)من اثّدا المرجله كم رضعه
والله خلق خلق(ن) على اصناف وطبوع = ولا نيب مارد يسكن بجوف قمعه
ان عشت بلقى لقمة(ن) تنطح الجوع = وان مت بلقى لي من الخام قطعه
والصاحب اللي بشت صحبته مشلوع = لا بوه لابو من توافق وطبعه
والضرس لا من صار يرقل وموجوع = اخير من صبر(ن) على الضيم قلعه
والصحبه اللي كل يوم(ن) لها نوع = الرابح اللي ما تنوشه برمعه
لا صار ما تبنى على ساس مشروع = ومزارق(ن) بالطيب والطيب رفعه
هذا يسوق الحال والمال مشفوع = وينزّل الصاحب بمنزال ربعه
للتضحيه ينبوع . للجود ينبوع = ويبشر بفزعاته من احتاج نفعه
وهذا الوفا لاجي بنفسه ومطبوع = صميدعي طحطوح والعز شرعه
بصوت النقا يصهل ويجهر ومسموع = ولا سد عن صوت المواجيب سمعه
طرد الردى عنده محرم وممنوع = ولا يستمع لهروج من شان وضعه
والصحبه اللي جدرها كله صدوع = حبل(ن) يوصلها حلالاه قطعه
وما دام يفنى كل تابع ومتبوع = والخاتمه لو طوّل العمر هجعه
والورث ما بين الاصاحيب مقطوع = ما للرفيق الاّ كرامه وفزعه[/poem]

وسلامتكم

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

عبدالله بن عايض الفهري


يقال ان للجزالة رجال


ووكلاء معتمدين فأنت احدهم بدووووون مجامله


بيض الله وجهك على هذه الاسطورة التي استفدت منها الشي الكثير


عبدالله انت مبدع علي الحرام ماهي مجاملة وشاعر من الطراز الاول


فديتك يابو نواااااااف


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الله يصح لسانك

وشخص(ن) يجامل لا يجيني ومقـروع

والناقـد الصـادق يجينـي بجمـعـه



والله مامن مجامل ابداع في ابداع



تقبل تحياتي

أبو عائض



بيض الله وجهك وكثر الله من أمثالك



قصيده رائعه بروعة قائلها



تقبل تحياتي

[

__________________






لسماع قصائد الشاعر : عبدالله بن عايض الفهري
اضغط هنا

الصحبه اللي جدرها كله صدوع ///// حبل يوصّلها حلالاه قطعه

عبدالله /// بيض الله وجهك عز الله انك جزل ولا تجيب الا المفيد يا سنايدي

تأ كد انني فخور بك وبامثالك ياراعي الاوله واسلم وسلم على فكرك الراقي

اخوك

__________________

اخي العزيز


صح لسااااااااااااااااااانك

و على الاخرى عاااااااااااااااااااااااانك

و بيض الله وجهك على هذه الرائعه


و سجلني باحد المعجبين فيك يالقرم



تقبل مروري و خالص تحياتي

أرحب يابو عايض تراحيب المطر

أشهد بالله أنك كفيت ووفيت ياكحيلان والجزل مايجيب إلا الجزل لاعدمناك

وعيني فلا هلت عليك وأنا بن مفلح أشهد بالله ماني مجاملك ولا شئ قصيده كفو وراعيها كفو

والوعد لاتنساه اللي بينا طال عمرك

سجلني من المتابعين لك دائما

تقبل تحياتي وتقديري

أخوك / أبو عساف

__________________

والحظ يفـرح لا تراكـا علـى الكـوع
ولاّ الروابـع فـوق والنفـس جشعـه

للطيب والناموس . والـراس مرفـوع
ويا الله عسى لي مع هل الطيب بضعه

كفو كفو

والصاحب اللي بشت صحبته مشلـوع
لا بـوه لابـو مـن توافـق وطبعـه

والضرس لا من صار يرقل وموجـوع
اخير من صبر(ن) على الضيـم قلعـه

والصحبه اللي كل يوم(ن) لهـا نـوع
الرابـح اللـي مـا تنوشـه برمـعـه


والصحبه اللي جدرهـا كلـه صـدوع
حبـل(ن) يوصلهـا حـلالاه قطـعـه



ياسلام عليك يابو عايض

شاعر كبير ومبدع وجزل

صح لسااااانك واعتلى شانك

شرفني المرور على واحد من نصوصك الرنانه

لاعدمناك ،،،،،.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

عبد الله ابن عايض الفهري


أشهد بالله إنها جزله يالجزل


ان عشت بلقى لقمة(ن) تنطح الجـوع
وان مت بلقى لي مـن الخـام قطعـه
والصاحب اللي بشت صحبته مشلـوع
لا بـوه لابـو مـن توافـق وطبعـه
والضرس لا من صار يرقل وموجـوع
اخير من صبر(ن) على الضيـم قلعـه



صح لساااانك وعلا شانك يالذرب


تقبل مروري