موبايلي كونكت ... عن تجربة

11-11-2007, 07:00 PM

صالح السنحاني

مشرف سابق

تاريخ التسجيل: Oct 2005

الدولة: اسكان جامعة النفط

المشاركات: 2,984

صالح السنحاني has a reputation beyond repute

موبايلي كونكت ... عن تجربة

هذا الموضوع عن الكونكت

ربما يفكر به أحدكم أو يعرف من يفكر به

الشرح لأحد الشباب ممن جرب الموبايلي كونكت

************************************************** *********************************

يقول

كنت في الفترة الماضية ابحث عن كل ما يتعلق عن موبايلي كونكت ومميزاتها و مشاكلها
وطرق التعامل معها ، لهدف المعرفة و ايضاً عندما كثرة أسئلة الشباب عنها
الكونكت هو عبارة عن الإتصال بالإنترنت عبر شريحة الجوال

وكما تعلمون ان الإتصال يختلف بحسب نوع البرج القريب منك
فالبرج إما ان يكون الجيل الثاني المطور
2.5
أو الجيل الثالث
3G
او الجيل الثالث المطور
3.5G
ولكل نوع منها سرعة يتميز بها ونقل معلومات يتميز فيه

وأكيد ان الجيل الثالث المطور أسرع من الثالث و الثاني المطور .

تعتمد تقنية الجيل الثالث المطور على بروتكول يسمى
HSDPA
وهذا اختصار لأول كل كلمة من :
High Speed Downlink Packet Access
وفي حال وجدت جوالك يدعم الشبكة
HSDPA
فهو يدعم السرعات العالية ويوجد حاليا الجوال نوكيا
N95 و E90
وهما آخر اصدارات نوكيا المطورة .

بروتوكول
HSDPA
يدعم سرعات عالية تصل الى 14 ميغا تقريباً
والموجود حاليا في السعودية هو 7.2 ميغا بت بالثانية اي ان سرعة التنزيل تصل الى 900 كيلو بايت بالثانية
.

بعد ما أخذنا فكرة مبسطة عن الخدمة ونوعها نعود إلى المهم لدى الجميع
وهو ما رأيك في موبايلي

موبايلي كان لها السبق في تقديم الخدمة هذه وهي من حرض الجوال كي يقوم بتنزيل عرض ايضا
وهذا يكفي لشكرهم في جعل الجوال تخرج ما في جعبتها مع ان المفترض بهم ان يكونوا سباقين ،
ولكن موبايلي نزلت الخدمة وهي ليست جاهزة لها ولهذا كان مع بدايتها مشاكل كثيرة جدا جدا جدا

ولكن الآن بدأت تتحسن ولكن ايضا مع وجود مشاكل لها تتركز في امور منها
الشبكة
و التغطية
وجاهزية الأبراج لإستقبال الضغط الناتج عن توسع الخدمة
وجاهزية الدعم الفني لديهم

الحين اكيد تقولون اخلص علينا موبايلي كويسه وإلا الجوال

؟

اقول ما فيه احد احسن من أحد
فهناك مميزات يجب ان ترى ما يروق لك اكثر
و هناك امور يجب ان تتأكد قبل الإشتراك في أي من الشركتين وهي

أولا
اي من الشركات تدعم الجيل الثالث المطور لديك في المنزل ،
وأيهم أقوى في الشبكة .
طيب كيف تعرف ؟

شوف جوالك اذا فيه شريحة الجيل الثالث هل هناك رمز
3G
اسفل الشبكة .

وجرب على كلتا الشريحتين موبايلي والإتصالات .
اذا موجود شوف وش احسنهم شبكة وقوة .ا
ذا كلهم يعني منطقتك تدعم تمام .

طيب ، الحين اجي للثقيل .

معروف ان شبكة الجوال افضل ، لكن ليه الناس طايره في موبايلي .
اقولكم انا ليه .. السبب هو الباقات الموجودة .. نعم الباقات ، خلوني اشرح لكم .

الشركات ما تحسب عليك كم انت متصل من الوقت بالإنترنت بل تحسب كم نزلت ميغا .

الجوال تحسب عليك الميغا بـ 2 ريال اذا شريت قطعتهم مع العرض إلي من جرير .
يعني عندهم اذا نزلت جيجا كامل فبيكون عليك التالي :
2 * 1024 = 2048 SR
لكل جيجا تنزيل .

مو واجد ؟؟؟؟؟

وهذا اقل عرض عند الإتصالاات .

لكن موبايلي عندهم باقات على حسب استهلاكك .

فعندك الباقة الأقل حاليا
وهي 1 جيجا بـ 100 ريال في الشهر
وعندك باقية 5 جيجا بـ 200 ريال شهريا .
وعندك الباقة المفتوحة بـ 350 ريال شهريا .
يعني فرق كبير بين ألفين ريال و بين الأسعار اللي عطيتكم لموبايلي . ..

طيب الحين اكيد قررت موبايلي زي العالم و الناس

انا وبصراحة ما عجبتني قطعة موبايلي لأسباب اولها وأهمها
انها لا تدعم إلا شبكة موبايلي

وهذا من حقهم طبعا ولكن مو بالسعر الحالي 950 ريال للقطعه ؟

وهناك مشاكل وجدتها بعد البحث في المنتديات المتخصصه بذلك
ان البرنامج الخاص فيها ثقيل شوي ،
ولقطها للشبكة مو جيد كثير .

ولكن وجدت عدة قطع الان في السوق منتشرة اعرض لكم صور منها :

طبعا هذي نفس قطعة موبايلي لشركة تسمى هواوي ، ولكن موبايلي اخذتها وحطت شعارها عليها .

وهذي ايضا موبايلي نزلتها قبلا

.

هذي القطعة تسمى
NEW UNLOCKED Cingular 3G UMTS HSDPA Sierra 875 AirCard

وتركب على الجوال وموبايلي ، سعرها في الإنترنت بـ 120 دولار تقريبا
توصلك السعودية مع الشحن بـ 140 دولار يعني بـ 600 ريال تقريبا .

وجرير يبيعونها بـ 1000 ريال على الناس .

قطعة جيده لكن تركب على اللابتوبات ،

واذا تبي تركبها على جهازك العادي في البيت يحتاج الى قطعة شكلها كذا :

غير كذا ما يمدحونها كثير من ناحية
الحرارة و التعليق

قبل تأخذها تأكد فتحة القطع عندك بالابتوب شكلها

اذا رقم واحد : تمام .
اذا رقم 2 فما يصلح للأسف .

بعضهم يركب لها مقوي للشبكة مثل هذا

طيب نجي للي أفضله الآن وهو التالي :

يسمى
BandLuxe C100
وهو الأفضل حالياً من عدة نواحي وهي :

شبكة قوية وفي حال كانت ضعيفة ارفع المقوي اللي فيه .

برنامجه سهل التعامل ( انجليزي فقط ) ويقال فيه تعريب له .

تعريفه منه فيه
يعني ما يحتاج
CD
تعريف ، بل يعمل مثل الفلاش مومري يعرف نفسه بنفسه وهذي ميزة جميلة جداً

والأهم يعمل على الشبكات كلها
موبايلي ، الجوال ،
Zain
الجديدة

فأي واحد ينزل عرض احلى من الثاني انقل عادي جدا ، لا تخلي موبايلي تحتكرك .
وكذلك يركب ان بغيت
usb او pcmcia
اللي في اللابتوب .
كما في الصورة اعلاه .

وكذلك السرعة فيه 7.2 ميغا
وليس كالبقية 3.5 واذا حدثت يوصل 7.2 .
لا هذا السعرة فيه 7.2 جاهزة .

سعره يبدأ من 950 ريال الى 1100 تقريبا ،
ولكن في محلات تبيعة بـ 2500 ريال تقريبا ، فأنتبه :

اتمنى اني شرحت لكم شرح مناسب ومفيد ، ولكم كل التحية .

اخوكم : محمد الشتوي .

************************************************** *********************************

شكراً محمد على هذه التجربة الرائعة

والموضوع مفتوح للإضافات

__________________
BrB

Final Exams

عدم تحديد الاهداف ورسمها بدقة

يؤدي الى آنية التفكير وموسمية العمل

وهذا هو الارتجال بعينه

وينشأ عادة من النظرة السطحية للأمور

والوقوف عند ظواهر الأحداث دون النظر في أسبابها وآثارها

11-11-2007, 08:54 PM

ابن خضير

.: مراقب قسم ســـابق :.

تاريخ التسجيل: Mar 2007

الدولة: @الرياض @

المشاركات: 17,553

رد : موبايلي كونكت ... عن تجربة

بسم الله الرحمن الرحيم
السلام عليكم ورحمة الله وبركاته

شرح وااااافي يالغالي

والله يعطيك العافيه

__________________

11-11-2007, 09:31 PM

سيف السحيمي

عضو متميز

تاريخ التسجيل: Apr 2006

المشاركات: 755

رد : موبايلي كونكت ... عن تجربة

اصبرو عليها وبترخص أكثر وأكثر

أشكرك على جهدك المبذول في الموضوع

تحياتي العطرة ،،،

__________________

أشكر الزميل SAAD على التوقيــع

11-11-2007, 09:37 PM

صالح السنحاني

مشرف سابق

تاريخ التسجيل: Oct 2005

الدولة: اسكان جامعة النفط

المشاركات: 2,984

رد : موبايلي كونكت ... عن تجربة

بسم الله الرحمن الرحيم
السلام عليكم ورحمة الله وبركاته

الله لا يهينك يا ابن خضير

واتمنى لك الفائدة

تشكراااااتي

11-11-2007, 09:38 PM

صالح السنحاني

مشرف سابق

تاريخ التسجيل: Oct 2005

الدولة: اسكان جامعة النفط

المشاركات: 2,984

رد : موبايلي كونكت ... عن تجربة

بسم الله الرحمن الرحيم
السلام عليكم ورحمة الله وبركاته

الله لا يهينك يا سيف السحيمي

اما الرخص فابشر بها

كل الاشياء التقنية تبدا غالية ثم ترخص

تشكراااااتي

12-11-2007, 02:39 AM

محمد الجبعه

عضو نشيط

تاريخ التسجيل: Jan 2007

الدولة: جده

المشاركات: 325

رد : موبايلي كونكت ... عن تجربة

الله يعطيك العافيه على الشرح الوافي

ومشكورررر

لحظه انا تذكرت قبل يمكن سنه يعني تقريباً في الحج الي فات

اشتريت قطعة مادري وش اسمها لكن فيها كلمة وايرلز وهي تشبه الأخيره وتحط فيها شريحة الجوال

المهم ب280 ريال

واشتريت شريحتين مسبقة الدفع سوا ومومبايل وجيت البيت فرحان جداً

الحاصل كل ماركبت شريحه طلب مني اعداد اتصال وانا من وين اجيبه وكل ماتصلت عليهم

خدمة العملاء في التصالات ومومبايلي (دجه كلهم ماعندهم ماعند جدتي ) المهم وديت اللابتوب

للمحل الي شريت منه القطعه منه وقلت له انها خربانه خلاه عندهم يوم كامل واليوم الثاني

اخذت جهازي مع القطعه هذي وعلموني على اعداداتها وفعلاً اشتغلت معي لكن مايمديني

تفقدت ايميلي وكان شوس مليان الا انتهاء الرصيد والله وحطيتها في علبتها مع السي دي

وركنتها في الدولاب وتووووووووووووووووووووووووووووبه

__________________

قالوا لي البخلان هون من الطيب = قلت اعقبوا والا فسووا سواتي

12-11-2007, 03:30 AM

السعدي

عضو مشارك

تاريخ التسجيل: May 2005

المشاركات: 195

رد : موبايلي كونكت ... عن تجربة

السلام عليكم ورحمة الله وبركاته
قبل فترة ليست بالقريبة نزلت الاتصالات باقات رخيصة ومناسبة

تجدونها هنا http://www.stc.com.sa/cwsPortal/cws....et&_nfls=false

واللي يميزها وجود فئات أقل مثل نص جيجا وأقل بعد
والتغطية أقوى
والخدمة أحسن

أنا جربتموبايلي لمدة 6 أشهر تقريباً
ورتني الويل وبهذلتني
بطء وسوء تغطية وسوء خدمة

وجربت الاتصالات من أسبوعين
وما شاء الله
سرعة وجودة وقوة

والسلام

__________________

12-11-2007, 01:41 PM

فهد بن راجح

عضو متميز

تاريخ التسجيل: May 2007

المشاركات: 921

فهد بن راجح has a reputation beyond repute

رد : موبايلي كونكت ... عن تجربة

مشكور يالغالي

بالنسبه لي

اشتركت مع موبايلي واحد جيجا بـ100 ريال في الشهر

الى الان ماكملت الشهر

وممتازه للغايه وماشفت عليها الا كل شي زين

لي ربع مشتركين فيها

نفس اشتراكي

يقولون ناخذ شهرين وزياده ماقطعت مع العلم ان الاشتراك فقط شهر واحد

يوم جيت اشترك قالوا لي موبايلي لازم تشتري القطعه وحصلته بـ 1000

رحت وعرفت جوالي على الجهاز جوالي ان 73 وشبكته عن طريق الوصله اللي تجي مع الجوال في كرتونه

واشتغل اي وقت وفي اي مكان ماقالت لا

لكن بدون تحميل شغلي

واحيان احمل ماتقول لا وسرعه طيبه

حبيت افيد بما في جعبتي ...

تقبلوا تحياتي واي خدمه او اي استفسار عن طريقتي انا حاضر وابشروا

12-11-2007, 01:44 PM

فهد بن راجح

عضو متميز

تاريخ التسجيل: May 2007

المشاركات: 921

رد : موبايلي كونكت ... عن تجربة

بالمناسبه

حبيت اضيف

سرعة الاتصال 460,8 كيلو بايت في الثانيه

12-11-2007, 08:50 PM

#10

ناصر السنحاني

عضو ذهبي

تاريخ التسجيل: Jan 2007

الدولة: الأمم القحطانيه !!!

المشاركات: 4,659

ناصر السنحاني has a reputation beyond repute

رد : موبايلي كونكت ... عن تجربة

بسم الله الرحمن الرحيم
السلام عليكم ورحمة الله وبركاته

مبايل بدت توسع نفوذها

تحيااااااااااااااااتي
نـــــــــاصـــــــــر الـــــســـــنـــــحـــــانـــــي

__________________

تــــــحـــــيـــــاتـــــي لــــلـــــشـــــعـــــب الـــــســـــعـــــودي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاخطبوط الشيعي في العالم؟؟ ادخل ولن تندم	ابومحمدالقحطاني	فضائح وجرائم الروافض ضد أهل السنة	12	18-07-2008 04:21 AM
قصة الزير سالم كاملة.....؟	ابو سام	المجلس الـــــعــــــــام	28	03-04-2008 11:47 PM
كيف يقترن (( الجن )) بالانسان ؟؟؟؟؟؟؟	عبدالمحسن مبارك	المجلس الـــــعــــــــام	25	05-11-2007 09:22 PM
هدا مجموع ما يخص يوم عشوراء احببت ان انقله لكم	ابو اسامة	مجلس الإسلام والحياة	11	04-10-2007 06:33 AM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى