(((بئر مليه وذيب بن شالح بن هدلان))))

وشهد بعفته وكرمه إحدى النساء عندما قتل عرفته وقالت هذا ذيب بن شالح وبالطبع سألوها كيف عرفته، قالت: كنا مجاورين لهم وكان يأتي بالصيد ثم يقسمه بيننا وبينهم ثم يضع الصيد أمام بيتنا وهو مطأطئ الرأس، ثم يرحل. جمع في هذه القصة صفة الخجل والعفة والكرم، مع أن المرأة كانت من قوم منافسين لهم..

أما بره بوالده فقد مات من الله ثم بسبب ذهابه لتحقيق رغبة والده بكسب إحدى الإبل المشهورة ليطعم أباه منها، إنها أغلى أمنيه.

وإليكم بعض من رثاء شالح بن هدلان لأبنه ذيب عندما عادوا ولم يكن معهم ذيب لا يمكن تخيل هول الصدمة والفاجعة إلا عندما تقرأ قصيدته التالية:

[poem=font="Simplified Arabic,6,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


ياربعنا ياللي على الفطر الشيب =عز الله انه ضاع منكم وداعه

رحتوا على الطوعات مثل العياسيب =وجيتو وخليتو لقلبي بضاعة

خليتو النادر بدار الأجانيب =وضاقت بي الأفاق عقب أتساعه

تكدرن لي صافيات المشاريب =وبالعون شفت الذل عقب الشجاعه

ياذيب أنا بوصيك لا تاكل الذيب=كم ليلة عشاك عقب المجاعه

كم ليلة عشاك حرش العراقيب =وكم شيخ قوم كزته لك ذراعه

كفه بعدوانه شنيع المضاريب =ويسقي عدوه بالوغى سم ساعه

ويضحك ليا صكت عليه المغاليب =ويلكد على جمع العدو باندفاعه

وبيته لجيرانه يشيد على الطيب =وللضيف يبنى في طويل الرفاعه

جرحي عطيب ولا بقالي مقاضيب =وافخت حبل الوصل عقب انقطاعه

كني بعد فقده بحامي اللواهيب =وكني غريب الدار مالي جماعه

من عقب ذيب الخيل عرج مهاليب =ياهل الرمك ما عاد فيهن طماعه

قالوا تطيب وقلت وشلون ابا اطيب =وطلبت من عند الكريم الشفاعه[/poem]





[poem=font="Simplified Arabic,6,deeppink,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
إن كان تنشد يالهويدي عن الطير =الطير والله يالهويدي غدالي

طيري عذاب معسكرات المسامير =إن حل عند قطيهن الجفالي

إن جا نهار فيه شر بلا خير =وغدا لهن عند الطريح اجتوالي

إن دبرن خيل وخيل مناحير =وغدن مثل مخزمات الجمالي

على الرمك صيده عيال مناعير =وشره على نشر الحريب الموالي

يضحك ليا صكت عليه الطوابير =طير السعد قلبه من الخوف خالي

خيالنا وإن عرجدن المضاهير =وزيزوم عيرات طواها الحيالي

غيث لنا وان جت ليال المعاسير =وبالشح ريف للضعوف الهزالي
يسقي ثراه من الروايح مزابير = تمطر على قبر سكن فيه غالي[/poem]


اعداد :سعد عبدالعزيز اليحيى

محافظة الدوادمي - الشعراء

المراجع:

أبطال من الصحراء، محمد الأحمد السديري

من نوادر الأشعار، عبد الله سعود الصقري

المشاركة الأصلية كتبت بواسطة سعد القحطاني لاهنت يابو فيصل على نقل هذا الموضوع الغالي ورحم الله ذيب وشالح وجميع اموات المسلمين .