يا من شرى له من حلاله عله

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]

طل القصيد ويا حلو هالطله=ولجله هدر موج المحيط الهادي
جيته أنا كلي وجاني كله=والكل منا للغنا متحادي
بنات فكري للهوى منتله=تطرب على نغمات صوت الشادي
اليا شدى طلال يا حول الله=في جلسة(ن) عزيفها عبادي
مير البلا ان الوقت ماله مله=يقلط على قادي وبليا قادي
يغز سيفه في غلاف السله=ويقص ابو عرضين للولادي
العمد في عيني اشوفه زله=واحدر الزله مع اقرب وادي
صحيت وارضي كلها محتله=والحد حدي والبلاد بلادي
يا مسفر البارح رقيت بتله=وجريت صوت(ن) من صميم فوادي
يا من شرى له من حلاله عله=تعايدت في درب شربي و زادي
شرواك جعل اهل الحكاوي فدا له=اللي تلمس في الكلام الغادي
مالي ومال العالم المنحله=انا ليومك موقفي حيادي
والا ترى الموضوع عندي حله=ايام واقطع دابر المتمادي
كلمة زرا من جاب حمل يشله=وان قلت عدها قلت كلمة رادي
وان قلت توك قلت لك باسم الله=درستها في الثالث الاعدادي
يا تاج راسي كل شي بحله=والسيف الاملح ماضي ومتقادي
احيان..اشوف المشتبه وازله= اصد عنه كن وضعه عادي
و احيان..في لمح البصر افطن له=واتعب على شانه سروج جيادي
اهديه شرهات الوقوع جبا له=لين يعرف مصداري وميرادي
وان باروا الاصحاب والاخله=يبقى العوض في محزمي وجنادي
قلبي عيوف وكل درب يمله=وله بطبعي دوره الريادي
ولاتحسب اني يا ابن ابوي مدله =في ذمتي انه فصل عدادي
اصبح لي بحله وابات بحله=وانشد واعزز موقفي بانشادي
بنيت لي في كل ديره فله=وانحر حداها لاحداني حادي
الحظ قايم والدروب مدله=وروابعي هي السبب ببعادي
العارف اخاويه كني ظله=من شان احقق حاجة(ن) بمرادي
العلم مثل البحر ما ياصل له=الابخيص(ن)فيه روح قيادي
اطلق عناني مع رجال(ن)قله=تبدي رجوم(ن) ما بداها البادي
فيهم تراتيل الكلام اجبله=رجالهم دون الجميل يفادي
افرح بهم دق الزمان وجله=واقبالهم عيد(ن) ضمن عيادي
ياعزوتي واللي تبيه اهله=واكتبه حتى لويجف مدادي
واللي سواك يروح مااعاين له=واهنى بعد فرقاه حلو رقادي
واللي يدس الجمر تحت المله=جعله يقص لسانه الالحادي
اللي لسانه يرخصه ويذله=يصبر على تربيعة الردادي
حتى لو اقبلي حرام اقبل له=مع سواته مذهبي اقتصادي
ما امالحه حتى قناد الدله=وعلى الولي جل وعلى اعتمادي
واختامها يا مسفر الله الله =السالفه ماهيب دادي بادي
عطيتك علومي ولابه خله=وجريت صوت(ن)من صميم فوادي[/poem]

__________________

أطلق عناني مع رجال(ن) قلّه \\ تبدي رجوم(ن) ما بداها البادي

صححححح والللللله لسانك يابن شفلوت وألف نعم

قصيده جزله وسلسه وفيها من النصائح الكثير والكثير

لاهنت لاهنت وبإنتظار المزيد

أخوك فارس الشواطي

__________________

يامن شراله من حلاله عله: تعاديت قي شرب عدي وزادي

صح الله لسانك يإبن شفلوت

وماقصرت

__________________

__________________

مهما قلت أو كتبت

فلن توفي الكتابة بالغرض ولن تعطي هذه القصيدة حقها

ولكن ابا عبّر عن بعض مافي الخاطر في كلمتين الا وهي (((( القصيدة كفو)))))

والسلام...

اخوك / سعد بن شفلوت

__________________

مهما قلت أو كتبت

فلن توفي الكتابة بالغرض ولن تعطي هذه القصيدة حقها

ولكن ابا عبّر عن بعض مافي الخاطر في كلمتين الا وهي (((( القصيدة كفو)))))

والسلام...

اخوك

__________________

صح لسانك ياكحيلان
قصيدة وافية وافية وافية
من شاعر جعلنا ما نعدمه
صح لسانك ياخوي عوض
ونتمنى منك الكثير انت وشرواك

__________________
أحمــــــــــــــــــــــــــــــــــــــــــــ بن حناش ـــــــــــــــــــــــــــــــــــــــــــــــــد

النعـــــــــم ماكل رجال بيشتله ********* الا غلاماً على الغزلان متســـــاوي
النعــــم يستاهله حناش جارالله ********* مكرم دقون النشاما بازرق الجاوي

__________________