يامرقب بالصبح ضليت اباديك 0000 ما واحد قبلي خبرته تعلاك

[poem=font="Simplified Arabic,7,black,normal,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
بركات الشريف[/poem]

من اهم مصادر النصائح والتوجيهات التي يذكرني بها والدي حفظه الله هذه القصيدة للشريف بركات.

الشريف بركات من كبار عائلة الاشراف الذين كانوا يحكمون الحجاز لعدة قرون سابقة والذين منهم العائلة المالكة الاردنية الحالية. عاش في القرن التاسع عشر.

يوجه قصيدته هذه باللغة العامية لابنه مالك. تحتوى على وصايا وحكم عظيمة قل من يلتزم بها.

اقرأها ،، وقد تعجز عن فهمها اذا كنت لاتفهم لغتها الشعبية ،، ولكن تأكد انها ستجعلك تحن لكثير من قيم الرجولة والكرم والمروءة والشهامة والفروسية التي تميز بها العرب ،، وليتهم يتعهدونها ويلتزمون بها لمستقبلهم0

[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="none,4,gray" type=0 line=1 align=center use=ex num="0,black"]
يا مرقب بالصبـح ضليـت اباديـك =مـا واحـد قبلـي خبرتـه تعـلاك
وليت يا ذا الدهر ما اكثـر بلاويـك =الله يزودنـا السلامـه مـن اتـلاك
يللي على العربان عمـت شكاويـك =وليت يا دهـر الخطـا ول مقـواك
واليـوم هالكانـون غـادي شبابيـك =تلعب به الارياح مـن كـل شبـاك
يا مالك اسمع جابتي يـوم اوصيـك =واعرف ترى يا بوك بامرك وانهاك
وصيـة مـن والـد طامـع فـيـك =تسبق على الساقـه لسانـه لعليـاك
اوصيك بالتقوى عسـى الله يهديـك =لهـا وتدركهـا بتوفيـق مــولاك
الله بحـق اجـدادك الغـر يعطيـك =رضاه مع كل ما تمنى مـن امنـاك
احفظ حلالك اللي عن الناس مغنيـك =اللي الى بان الخلـل فيـك يرفـاك
واعرف ترى مكه ولاها ابن اخيـك =لو تطلبه خمسة دانانير ما اعطـاك
اجعل دروب المرجلة مـن معانيـك= وادراج سيسها على العـز مرقـاك
لا تنسدح عنهـا وتبغينـي اعطيـك =جميع ما يكفيـك مـا حصـل ذاك
احذر امـر ليعـات تبيهـا لتاليـك= ايضا ويرخص عندها قـدر مـأواك
ادب ولدك ان كـان تبغيـه يشفيـك =واستسعفه من بعـد مربـاه يـالاك
اما سمج واستسمجك عنـد شانيـك =ويفر من فعله صديقـك وشـرواك
والا بعد جهلـه تـرا هـو بياذيـك =لو زعلـت امـه لا تخليـه يـالاك
واحذر تضيع كل من هو ذخر فيـك =معروفه لا تنسـاه واوفـه لعرفـاك
ترا الصنايع بين الاجـواد تشريـك =الـى طمعـت بركزهـا لا تعـداك
واحذر سرور بغبة البحـر يرميـك =ولا عنده افلس من تشكيـك وبكـاك
واوف الرجال حقوقها قبـل تعنيـك= لاتعتمـد بالعفـو فالحـق يقـفـاك
وهرج النميمه والقفا لا يجـي فيـك =واياك وعرض الغافل ايـاي وايـاك
تبدي حديـث للنـاس فيـه تشكيـك =وتهيم عند الناس بالكـذب واشـراك
واذا نويـت احـذر تعلـم بطاريـك =كم واحد تبغي به العرف واغـواك
واحذر شماتة صاحب لك مصافيـك =والى جرا لك جاري قـال لـولاك
ولا تحسب ان الله قطـوع يخليـك =ولا تفرح ان الله على الخلق بـداك
ان اشتهى حط الطمع فـي تواليـك =لو ما لقيته يا فتـى الجـود يلقـاك
والضيـف قـوم لـه حيـن يلفيـك =مما تنوشه يا فتـى الجـود يمنـاك
اكرم قبالـه فانهـا مـن شواديـك =وابذل له المجهـود مـا دام يعنـاك
واحذر تلاقي الضيف مقرن علابيك =خله محب لـك صديـق اذا جـاك
واوصيك زلات الصديق ان عثا فيك =ما دام يغطاها الشعـر فاحتمـل ذاك
راعه ولو ما شفـت انـه يراعيـك =عساك تكسـر نيتـه عـن معـاداك
واحذر عدوك لو ظهـر بيصافيـك =خلك نبيه وراقبه ويـن مـا جـاك
لا تامنـه فاطلـب مـن الله ينجيـك =ويكفيـك ربـك شـر ذولا وذولاك
شفني انا يا بوك بآ مـرك وانهيـك= عن التعرض بين الاثنيـن حـذراك
اذا حضرت طلايب مـع شرابيـك =اسع لهم بالصلـح والـلاش يفـداك
ابذل لهـم بالطيـب ربـك ينجيـك =لا تجضع الميـزان مـع ذا ولا ذاك
اما الشهـادة ادهـا ان دعـوا فيـك =بين عمود الدين لا عميـت اريـاك
بالك تماشـي واحـد لـك يرديـك =طالع بني جنسـك وفكـر بممشـاك
رابع اصيل فـي زمانـك يشاكيـك =والى شاف خملاتك عن الناس غطاك
واحذر عن طرد المجفـي حذاريـك= عليك بالمجبل وخـل مـن تعـداك
ثـم العـن الشيطـان ليـاه يغويـك =تـرا ان تبعتـه للشرابـيـك وداك
واوصيك لا تشتكي علينـا بلاويـك =انت السبب اخذك عيونـك بيمنـاك
واعرف ترا اللي وطا الفهر واطيك =ولا انت اعز من الجماعة هـذولاك
المسك يا راسي عن الذل واخطيـك =واحذر تكلـم يـا لسانـي حـذاراك
والطف بجارك ثم قـم دون عانيـك =وافطن الما يعنيك عن ربعة اخـواك
يا ذيب وان جتك الغنم فـي مفاليـك =فاكمن الى حيـث الرعايـا اتعـداك
من اول يا ذيـب تفـرس ابياديـك =واليوم جا ذيب عن الفـرس عـداك
يا ذيب عاهدني واعاهدك ما رميـك =ما رميك انا يا ذيب لو زان مرمـاك
والنفس خالف رايهـا قبـل ترميـك =ترا لها الشيطان يرمـي بالاهـلاك
ومن بعد ذا لا تصحب النذل يعديـك =وعن صحبة الانذال حاشاك حاشاك
والهقوة انك ما تجـي دون اهاليـك =ولا ذكر عود الورد يثمـر بتنبـاك
والحر مثلك يستحي يصحب الديـك =وان صاحبه عاعا معاعات الاديـاك
لا تستمع قول الطرف يـوم يلفيـك =بالكذب يقضي حاجته كل ما جـاك
من نم لك نم بـك ولا فيـه تشكيـك =ويـلاه قـد ازرا رفيقـك وازراك
عندك حكا فينا وعنـدي حكـا فيـك =واصبحت كارهنـا وحنـا كرهنـاك
ما اخطاك ما صابك ولو كان راميك =واللي يصيبك لو تتقيت ما اخطـاك
مير استمع مني عسـى الله يهديـك =النصح يـا مالـك لـك الله مـولاك
عنـدي مظنـه مـا تمثلتهـا فيـك =واطلب لك التوفيق من عند مـولاك


تقـــــــــــــــــبلو ا تحيات اخوكم ،،،[/poem]

__________________
لا آله الا الله .. محمداً رسول الله