~~ الآدمـــي ~~ ســـــعد بن جـــــدلان

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
يالله ياحـامـل مفاتـيـح الارزاق=المعتني فـي رزق نفـسٍ خلقهـا
عن الخفايا ما علـى عينـك رواق=واذنك عن الاسرار ماهـي بصقهـا
تجعل لنفسي من غضب وجهك اعتاق=وبيديـك علاق الامـور ووفقـهـا
اغسل قلوب اهل التباغض والاشقاق=وهـون مسالبهـا وريـح شفقهـا
سبة مروجـة النمايـم بالاسـواق=اللي ما يملى الناس غيضٍ شلقهـا
خيل النزاهة ما ورا الغايب سبـاق=وان قابلـه فهـو عليهـا صفقهـا
وقام يتمذلق قدام وجهـك تمـذلاق=واليا نشدته في جنب غيره لصقهـا
مطيتـه مطـلاع تحـدى وتنسـاق=وتركب عرو وان شد حمله وثقهـا
ومعمرٍ روض التسالي لـه ارفـاق=ترفـع كباريهـا ويحفـر نفقـهـا
سبّايـة الغـرات قطّاعـة السـاق=اعراض خلق الله ليا غابت هتكهـا
وعشّيق للروضة مغـرمٍ ومشتـاق=بئس العشيق وبئس باللي عشقهـا
مايلتهم لا التفت السـاق بالسـاق=وتقـسـم الارزاق والله فـرقـهـا
احـدٍ يقـدم لـه حميـم وغسـاق=واحدٍ بروضـة سلسبيـل وغدقهـا
ما قالـه القايـل الا بـواد طقـاق=لو صكت ابواب العرب مـا طرقهـا
منقـاد للعالـم مقانيـص وسبـاق=ثـارت شوازنهـا وهـدت سلقهـا
اهديت باقة ورد من ضمن الابـواق=ولا اقول لحد خذها ولا اقـول ذقهـا
تجيب الانفس كلها اصحاب واصداق=ولا اخشى عقايبها ولا ارجي مذقها
الآدمي لـولا المكـارم والأخـلاق=كالحنظلة من عرقهـا ليـا ورقهـا [/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة