قصيدة وشيلة (( الشيب )) إحدى روائع الشاعر الكبير عبدالله الشريف

بسم الله الرحمن الرحيم

السلام عليكم ورحة الله وبركاته

أقدم لكم اليوم قصيدة وشيلة (( الشيب )) للشاعر الكبير/ عبدالله الشريف ..

والتي تعرض على قناة الساحة الفضائية ..

متمنياً ان تحوز على رضاكم وإعجابكم ..

- للتحميل -

اضغط هنا لتحميل الملف

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لـمـه لـمـه يـارأســي الـغـالـي تـطـاطـي للمـشـيـب = أغـــراك شـيـبـي يــــوم قــــال إنــــه وقــــارٍ تـحـمـلـه

لـمـه لـمـه يـارأسـي الغـالـي وانــا أعـــدك لـبـيـب = يضـحـك علـيـك الشـيـب يــا رأســي وتحـمـل مـشــعـلـه

يـبــدأ يـدغــدغ جـانـبــي بــــلا رقــيــب ولا حـسـيــب = ويبـتـسـم ويـقــول هــــذا الــعــز هــــذي الـمــرجـلـه

وينتشـر مادمـت لـه ياعــزوتـي الـــروض الـخـصـــيــب = مــدري مـتــى سـمــى ولا أظـنــه بـــدأ بالبســمـلـه

لاهـو يخـاف مــن الصـيـاح ولا يـحـن مــــن النـحـــيــب = ولا يـبــالــي تـمــدحــه وإلا تـكــيــل الــشــتــم لــــه

لاهــــو عــــدوٍ تـعـرفــه ولا تــظــن إنـــــه حـبــيــــب = لاهــــــو حــمــيــمٍ تــعــذلــه ولا خــصــيــمٍ تـقـتــلــه

يقـول أنـا مثـل الصـبـاح يـقـول أنــا مـثـل الحلـيـــب = يـقـول أنــا كـالـزهـر الأبـيــض غـايـتـي ود وصـلــــه

وأنا أعرف إن الشوك الأبيض يـجـرح الـكـف الـرطـيـب = بـعـض الـزهـور البـيـض لـوجـادت تـجـود بحنـظـــلــه

الشـيـب ماخـلـى ردي والـشـــيــب مــاخـلـى عــريــب = أقـول سـاعٍ مــا أظلـمـه, وأقــول ســاعٍ مــا أعـدلــه

الشـيــب ضــيــف ٍ لــو نــزل لاهـو يــمـل ولا يـغــيــب = وإن حــل فــي رأس الـكـريـم يـزيــد حـتــى يشـمــلـه

وكـل مـا زاد البيـاض أخـشـى ســويــعـــات الـمغـيـب = تـــرى بـيــاض السنـبـلـه يـعـنـي حـصــاد الســـنـبـلـه

الـشـيــب مـاهـو عيب لـكـن مافعل بـي الشيـب عيـب = لاهــــو يـطـمـنــي ولـــــو طـمــنــت ظــبـيٍ جــفــلّــه

ولوصبـغـت الشـيـب خـانــتـنـي جـذوعـه مــن قـريــب = وأصبحـت فـي عيـن الظبـا غشـاش والدهـر أهـــمـلـه

مـا أبغـى الفتـاة تقـول وا عمـاه , يالشـيـخ العجـيـب = صـوتـك يـقـول إنــك شـبـاب وشـيــب رأسـك يخـذلـه

مـا أبغـى يقولـون أنــت شايبـنـا ومحزمـنـا القطـيـب = مـــــدحٍ يــكـــدر خــاطـــري مــاســـره إلا عـلـعــلــه

مـن يجتهـد يــا رأســي الغـالـي يـجـد حــظ ونصـيـب = وانـــا أجـتـهـدت وشـيـبك يهـلـهـل كـيـانـي هـلـهـلـه

ما أبغـاك تُحبـس فـي شماغـي كأنـك الكنـز المريـب = إذا حـجـبـتــه مـعـضـلــه وإذا كـشـفــتــه مـعــضــلــه

الــنــاس تـثـنــي ع الـعـنــب ولا يــذمــون الـزبـيــــب = لــكـــن يـبــقــى لـلـعـنــب بـأول قـطــافــه مــنــزلـه

أبكـي علـى حالـي ومـن يبكـي علـى حـالـه مصـيـب = وأضحـك علـى حالـي ومـن يضحـك علـى حـالـه دلــه

يسقـي زمـانٍ كـنـت أنــا فـيـه المُخـاطـب والخطـيـب = أقطف مـن الزهـر أجملـه وأنظـم مـن الشعـر أغــزلـــه

واليـوم أنـا أعـد الخطـى وأخـاف مـن عيـن الرقيـب = ولــو نظـمـت الشـعـر أخـــاف وإن قــلـــت أجــزلــــه

قـد كـان لـي جسـمٍ نحيـل وكــان لــي صـدرٍ رحـيـب = أسـري ولـو غـاب القمـر والــهـم أبـــد مــالــي ولــه

واليوم أقول إني صحيح ومانـي أبعـد مـن الطـبيـب = وأقــول انــا مستـانـس وصــدري حـــراك وجـلـجـلـه

كــم كـنـت أغـنـي ربـمـا يـطـرب لصـوتـي العندلـيـب = أو ربمـا أغشـى البحـر مـاأخـاف البـلـل والـبـلبــلـه

وأجـعـل مــن القـاسـي مُــذاب , ولا يذوبـنـي مُـذيـب = ومنهـجـي فــي السـابـعـه والثـامـنـه فـــي الـزلـزلـه

ولــو نـهـاري غـرنـي أمـسـيـت فـي لـيـلـي مُـنـيـب = ولــــو زمــانــي ضــرني كــسٌــرت بــيــدي مـعــولـه

ولا يـوقـفـنـي جــبــل ولا يــهـــــرول بــي كـثــيــب = الـعـاقــل الــلـــي مـايــقــف ولا يــهـــرول هـــرولــه

أحــد مـشـى فيـهـا مــرح وأحــد يــدب بـهـا دبـيــب = وأنا قـصدت الـمـشـي يكفـلـنـي زمــانــي وأكـفـلــه

واليـوم غيرنـي الزمـن كـنـي علـى نفسـي غـريـب = لانـــي قـويــت أمـشــي مـعــه ولا قـويــت أفـرمـلــه

آقـف وأنــــا مـتـمـاســكٍ لـكــنــي أودي وأجــيــب = الـدهــر وإن مـــا طـيــح الـشـامـخ تــــراه يــمـلـمـلـه

حتـى إختراعـات الـزمـان أشوفـهـا لـغـزٍ عـصـــيــب = مــن فـاتـه قـطـار الـزمـان أصـبـح عــدو مــا يجهـلـه

يــا رأسـي الغـالـي تشـيـب الـيـوم وإلا مــا تـشـيـب = الـلـي يـشـوف أتـلـى الـزمـان يـقـول يـازيـن أولــــه [/poem]

تحياتي

اخوكم / مشاري بن نملان الحبابي

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح الله لسانم الشاعر
وتسلم يدكـ يالغالي على النقل
جااااااااااااااااااااري التحميل
دمتم بــــــــود

تحياااااااااااااااااااااااتي

__________________

أرحب يا أبو الوليد ..

أشكرك على المرور ..

وتستاهل سمعة ..

صح لسان الشاعر


مبدع في كل حالاتك يا الحبابي



تحياتي لك

__________________

ارحب يا سعد ..

شرفتني بمرورك يا الغالي ..

واليك قصيدة الرد
قصيده خطتها انامل الشاعره ( الجوري)
ردا على قصيدة عبدالله الشريف (الشيب)00
اتمنى ان تنال على رضاكم واستحسانكم0000 00000



*****************************


تسأل وتنثر الأسئلة و لا تلاقي لك مجيب ...




وأنا عزمت أني ارد بلساني اللي تجهلة




نعم نعم أنا البياض...نعم نعم أنا المشيب...
نعم أنا الي في نظركم عيب يغشى المرجلة




نعم أنا اللي لا لفيت يخاف مني كل ذيب...
تخــوا قوااااه أن شافني ولا تشيله أرجلة


أجية و اسكن في دمه 00ودب في رأسه دبيب..
من أوله لين أخره ومن أخره لين أوله





ماهمني منه يكون أن هو غني ولالبيب.....
وماهمني لوهو مليك تقـدّره و تبجــله



تقول عني كالزهر واقول تشبيهٍ غريب....
الزهر الأبيض لاذبل بعض الرطوبه تحوله
وتقول أني كالبن او أني اقرب للحليب...
تمدحني مدري تذمني مدري تبيها هجوله
حتى اللبن لا مال لونه للصفار أصبح عطيب...
ياخي بياضي لو تطير ماراح تقدر توصله


مثلي مثل لون السماء لازانها غيم رطيب....
مثلي مثل لون البحر لأشتد موجه وانزله




مثل القمر لا من كسا ظلام هالليل المريب....
حتى حمامة هالسلام لها بصفاتي منزله


تفرق سويعات الشروق عنها بسويعات المغيب
يفرق بياض السنبله عنه بحصاد السنبله
تظن ان الشيب عيب واللي تسوي انت عيب
تظن بين اللون الاسود والشباب أيّت صله
كم من سوادٍ لاعتدى على البياض اصبح مريب
كالسن لامنه بدا هالسوس ينخر بسفله



تصرخ تنادي( يالمشيب) وانا ترى منك قريب


اقرا كلامك وابتسم 00 والله هرجك مهزله
لالي علاج ولادوا عجّزت في امري الطبيب
ولا نهــــــــــايه ّ للابد ردّده لـيـلك مطولــه


لاني بظل اجادلك واجادل الوقت العصيب
لاني بظـل عــدوك اللي لـو بيدّك تقتلـــه
علامك تظن البياض يدل عالموت القريب
اعلم ترا بعض الشعر يبيـض حتى من الولــه
والظبي يوم انه جفل ماجفله شكلي المهيب
الظبي حس انك ردي او انه اعلا منزلــه


لو هي تحبك شافتك بعيونها احلا حبيب
مير البلا بعض البنات اصبح غلاهم منذله
صار الهوى في هالزمن محصور في قسمه ونصيب





خذها نصيحه مخلصه 000اللي يبيعك00 اسفله


وانظر لحالك وانتبه لاتظن بي ظن ٍ يخيب
وشف تجاعيدك تراها زلـزلتني زلزلــه




ولا عظامك مـ الكبر كنّـه يراقصها الضريب
والظهر غصبٍ انحنى كل المفــاصل تخذلـه
وعينك اللي ماتشوف لا قريب 00ولابعيد
ورمشك اللي من الحزن دمعك غشاه00 وبلله




وفمك اللي مابقا به غير كم سنٍ عجيب
وصوتك اللي لاسمعته انت نفسك00 تجفله


والسمع ياويلي عليك0اذنك وكنه بالجريب
و ابنك ينادي(يايبه )00وانته تردد (من هو له)




كم عشت في زهرة شباب00لاحسيب ولارقيب
واليوم يوم اني لفيت تقول ظيفٍ مقبله
خل التعذر بالمشيب00ولاتقول الشيب عيب
وان كان هالصبغه دنت شعرك تلاحق واغسله

لاهنت يا السلماني على النقل ..

سلمت يداك اخوي مشاري
قصيده فيها عبر وحكم
واعجبني اخر بيت
يا رأسي الغالي تشيـب اليـوم وإلا مـا تشيـب اللي يشوف أتلـى الزمـان يقـول يازيـن أولـه

لك تحيتي وتقديري

أرحب يا بو سلطان ..

ولاهنت لاعلى المرور ..

بيض الله وجهك و جمل الله حالك يا مشاري بن نملان الحبابي


على الموضوع و القصيدة الرائعه

و صح الله لسان الشاعر الكبير/ عبدالله الشريف ..




مع أطيب التحيات يالغالي
//////////////////////////
محمد آل معمر

__________________



كثر الله خير و جمل الله حالك ياهبشان
لو أنني كنت شاعراً لكتبت معلقة غزل في روعة و جمال هذى النظام
أضغط على الصورة

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهظ بها
بصدق وأمانه
وبلا تذمر