راكب اللي ماعليه الا حنايا عقربه وسبيره

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

يــا الله إني طالبك يا الواحد اللي ما رجينا غيره = مـا طلبت العـون من غيرك وخلاق البشر رازقها
دلني قافٍ ومضمونه ســـلام الله وخير وخيره = للرجال اللي على الطــالات تسبق ما أحدٍ يسبقها
هاجسي طير يحوم وكـــل قناصٍ يشوقه طيره = يوم شفت الغيمة اللي لاح في عرض السما بارقها
والرجـل لا شاف موقف طيّبٍ يضغط على تفكيره = لين يأتي بالبيوت الشُّرَّد اللَي هاجســـه سايقها
راكـــب إللَي ما عليه إلاَ حنايا عقربه واسبيره = والمـواتر كلـــــها لاذب له مع فرجةٍ يفهقها
جيب لاندكروزر إمن التاليات الشهب أبو تصفيره = الوصــــوف الطيبات تلوق له وهو بعد لايقها
نصه إللَي لانصيته في لـــزومٍ ما تخير غيره = مــــا تعذر والرجال الطيبين إيفوز من صادقها
آل سوادٍ إليا ثقلت وكبرت والجمـــوع مغيره = من طعـون أولاد ابن ســــواد كمٍ حلةٍ تفرقها
كــم عقيدٍ قيدوه وكــم مقيد واعلنو تحريره = والقهـــــر والغبن ذاقه والمراره كلها ذايقها
فال أبو عايض تراه البن الأشقر والشحم تقديره = لا قربها الطيب إللي ما ترك محماســها يحرقها
وفال ظـافر رايةٍ نمشي بها من ديره إليا ديره = راية بيضـــا تدور الأرض مغربها إلى مشرقها
شــاعر خاوا رجال العمل ما خاوا منفخ كيره = بارك مبرك بعير عند جلسات الذكــــر وحلقها
له معا أهل المرجله رايه وبه في دين ربي غيره = والمراجل عاشقة راس السويداني وهـو عاشقها
وله قصيد طيب ويبين فقلوب العـــرب تأثيره = شارب بحــر المعرفه والطروق الكايده يطرقها
والقلوب إللي محبتها على دينه مــا منها طيره = يـــا الله إنك للطريق المستقيم وللهدى وفقها
ورفقة الرديان شوم ولوم من جرفٍ ليا دحديره = مـــا أنت لاقي فايده لامن فعايلها ولا منطقها
آتفكر وأتعجب يوم أدقق بالنظـــــر وأديره = فالزمن إللي يشيب يا أبو عايض والعباد أرهقها
ويش شي يدوش أصحاب الفكر ويحطم في حيره = سبّعْ حريبها الجدي وتبايضــــها وتتزارقها
يا الله إنك من صواديف الزمن ومن بلاه تجيره =الليالي والهموم تصافق الرجـــال ويصافقها
قاف شكر والعبيدي لو يقصــر فقبلوا تقصيره = يــا مضري لحيته بالطيب يكرمها ولا يحلقها[/poem]