ملتقى قبيلة آل سعد السنوي بالمنطقة الشرقية لعام 1432هـ

حفل جميل واجعل اجتماعتكم مبروكم تسودها المحبه والاخوه
وتقبلوا مروري

__________________

يا جسر يا ما للوناسه عبرناك
و يا ما على البستات عقبك شطحنا

و اليوم حنا للمراجل دهلناك
و حنا بأمر صقر العروبة فزعنا

لي صاح أبو متعب نردد فديناك
ناطى الوغى و أرواحنا ما ذخرنا

نرجع بنصر(ن) ينطلق به محياك
و إلا رجعنا و أجسادنا في كفنا

أرحب يابو مسفر حياك وحيا علمك وبيض الله وجهك ووجه ابوك والله لايهينك

شرفنا مرورك العطر وتواجدك معنا في شبكة المطاليق مرحبا والله يحييك


ولاهنت على المرور ياالقرم

أرحب ارحب ياراشد الله يبارك في مايسرك وافي

بيض الله وجهك ولاهنت على المرور

حيا الله ابو مهدي

وسبعين نعم ياصبيان آل سعد وافين ومطاليق

الحقيقة حفل يجمل وملتقى رائع بكل المقاييس

بيض الله وجيهكم والله لا يفرقكم ويجمعكم على خير

ونعم بالشيخ بن رزقه أشهد انه أسد ووافي واللي

ذي علومه مع ربعه يستاهل ومعه ربع يستاهلون

والله انهم محزم ظهر لمعرفتي بهم وسبعة

أنعام بالمكرمين كلهم خصوصا الشيبان

الثنين أهل الطاعة والعلم الغانم

وكذلك النواب المطاليق

وجميع المكرميـــــن

واللجنة المنظمة

وانت ياعـــــوض

تقديري لك

أرحب ياصافي النية الله يحييك ولايهينك ولاعليك زود

وافي وهذا من طيبك وطيب أصلك فالمطلق شرواك

وشروا القاريء يسره مايسر ربعه وبني عمه

لاهنت على المرور والله يعطيك العافية

البقا يابو مهدي وشرواك الطيب

هل ممكن يابو مهدي إنك تنزل

مقاطع فيديو من الحفل الله لا

يهينك ويجمل حالك

مشاء الله ملتقى في غاية الروعة

والله يجمعهم على العز والطاعة

__________________


http://www.qahtaan.com/works/up/get....fmnp1261962149

السلام عليكم ورحمة الله وبركاته اولاً بيض الله وجهك يابو مهدي على النقل الاكثر من رائع ولا هي غريبه على عزوتي وعصابت راسي ال سعد هذه الاجتماعات والالفه والمحبه فهم معروفين من أول وتالي بترابطهم ومحبتهم لبعض وأسأل الله جل في علاه أن تدوم هذه الالفه والمحبه وأسأل الله عز وجل ان كما جمعهم في هذه الدنيا ان يجمعهم في جنات النعيم وفي هذا المقام لايفوتني ان اقدم شكري بعد شكر الله للشيخ محمد بن حزام واللجنه المنظمه وكل من ساعد على إنجاح هذا الملتقى والله يحفطكم ويرعاكم وعلى طريق الخير يسدد خطاي وخطاكم والسلام مسك الختام

الأخ العزيز صافي النية بارك الله فيك وبارك في مساعيك

وأشكرك على متابعتك واهتمامك وهذا من طيبك

ومقاطع الفيديو موجودة عندي وسأحاول جاهدا

تلبية طلبك وإذا أنت حريص مره

راسلني على الخاص

لاهنت يالغالي

أرحب أرحب ياشامان العاطفي تراحيب الحيا

الله يحييك ولايهينك وأنت وافي ومن وافين

ونعم ياصبيان آل عاطف مشكور

على المرور والتعليق

لاهنت يالغالي