من الشعر الحقيقي لشاعر سلطان الهاجري

لا أحب قصائد الغزل ، اهديكم قطعة من الشعر الحقيقي ،، إذا قالوا شعر ،،
سلطان الهاجري

واهنـي الصخـره اللـي مايحرقهـا سـمـوم

الزمـان اللـي يهـد الـعـزم مــا هـدهـا



الزمـان الـلـي تـحـدا قويـيـن الـعـزوم

ليـن مشـاهـا عـلـى ود مـاهـو ودهــا





والمجامل بعـض الأحيـان مـا يقضـي لـزوم

لابـو النفـس الضعيـفـه ولابــو جـدهـا





ميـر تجبرنـا العوايـد وتجبـرنـا السـلـوم

نكتـم الأســرار يالـيـن تـاصـل حـدهـا





الـردي لا طـاح جعلـه يطـيـح ولا يـقـوم

بـاح سـده والنشامـا مــا بــاحت سـدهـا





كل ماكبـرت وضاقـت علـى عيـال الرخـوم

نحتـزم لأكـبـر مصيـبـه ونـاطـا خـدهـا





جعل قسمي عنـد ربـي مـن خيـار القسـوم

واحــد يعـطـي العـطـايـا ولا يـرتـدهـا





ياعيـال آدم وحــوا تـراهـا مــا تــدوم

دورة الأيــــام لابــدهــا لابــدهــا





ياوليـد الـبـط وشـلـون ماتـقـدر تـعـوم

وانـت ابـوك يعـوم جـزر البحـور ومدهـا





وانـت ياحلـم حلمتـه مهـو مثـل الحـلـوم

ياضحيـة مـزح الأحــلام مــدري جـدهـا





ادري ان فالنـاس معطـى وفالنـاس محـروم

ايــه يابـيـض الـنـوايـا ويامـسـودهـا





وياضميـري لا يهمـك مـن الدنيـا هـمـوم

الصعيـبـه حلـهـا والبسـيـطـه عـدهــا





جات في سد الشـوارب وفـي سـد الخشـوم

كبـر الضيفـه وعـش الضـيـوف وغـدهـا





والمـراجـل ماتـوفـى بضافـيـة الـهـدوم

كـود بسيـوف يـشـوق النـواظـر حـدهـا





والـردي لـو درس المرجلـه فـي كـل يـوم

المراجـل عـنـد اهلـهـا يـذعـذع نـدهـا





يعتبـر قسمـه مثـل قسـم زاهيـة الـرقـوم

يـوم تكحـل رمشـهـا والـقـرون تكـدهـا





ماكسبـت الا رضـا اهـل النمايـم والعـلـوم

يارسـول الحكـي هــات العـلـوم وودهــا





الصفـوف اثنيـن هـذا دفــاع وذا هـجـوم

وانت اظنـك لانـت معهـا ولا انـت بضدهـا





شرهـة الطيـب تـعـداك للـغـوج الـعـزوم

وانـت صلفـات المشاريـه ماانـت بقـدهـا





وانـت فـي سـود الأظلـه تريـح ومخـدوم

وان ذبحـك الجـوع كـد التكـاسـي كـدهـا

__________________

الاخ حمد

السلام عليكم ورحمة الله

هذه القصيده قويه في معانيها ورسم كللماته

مشكور ولا هنت

الله ياسلطان

واهنـي الصخـره اللـي مايحرقهـا سـمـوم

الزمـان اللـي يهـد الـعـزم مــا هـدهـا



الزمـان الـلـي تـحـدا قويـيـن الـعـزوم

ليـن مشـاهـا عـلـى ود مـاهـو ودهــا

اخوي حمد إختيار موفق وفقك الله وكل عام وأنت بخير

صح الله لسانك ولسانه درررر

__________________

هذا والله الشعر الحقيقي الذي يستحق من يقرأه
في زمن كثر فيه الغث والسمين

__________________

لاهنت ياحمد
أعجبتني الابايت الأولى

شكرا لك

__________________

لاهنت على هالاختيار المميز

للشاعر سلطان الهاجري

__________________

صح السانك والسآن ابن وسآم ..

قصيدهـ وآآفيه وكفوو

أحترآمي وتقديري

__________________

الزمان اللي تحدا قويين العزوم
لين مشاها على ود ماهو ودها

صح لساااان سلطااااان الشعر
لاهنت ياحمد وبيض الله وجهك