محاورة بين متزوج وعزابي


مجلس عذب الكلام مختارات الأعضاء والقصائد المنقوله

إضافة رد
قديم 20-12-2004, 11:07 PM
  #1
ابو بسام
عضو
تاريخ التسجيل: Dec 2004
المشاركات: 52
ابو بسام has a spectacular aura aboutابو بسام has a spectacular aura about
افتراضي محاورة بين متزوج وعزابي

محاورة حلوة بين العريس والعزوبي
العزوبي

قال العزوبي يوم شـاف المعاريـس *** الرابـح اللـي لاقعـد مايقـومـي

أول سنـة كـلٍ يبـث الاحاسيـس *** وثاني سنة تجلب عليـك الهمومـي

وثالث سنة حط الرمـل والمتاريـس *** لابد مـن حـربٍ تقـوم وتدومـي

لامن دخلـت الـدار لاكنهـا بليـس *** متلفلـفٍ فـي غاليـات الهدومـي

تأخذ من المخباة وتسحب من الكيس *** وتغيـر الموديـل شـيٍ لـزومـي

وان قلت ما أملك يامره لوهو فليس *** قالـت تديّـن لا تكـثـر بلـومـي

ولاجيت مرة نـاويٍ لـك ب....... *** قالت تصّبـر خـل قلبـك رحومـي

ليتك تساعدنـي تصحـح كراريـس *** زادوا علينا أربع حصص في العلومي

أزوارة في العصر والصبح تدريـس *** والليـل تصحيـحٍ وودي أنـومـي

تبكي إذا جاها وجع لوهـو ضريـس *** وتقول أبي دكتـور ماهـو حكومـي

يروح عمرك بين عرسٍ وتأسيـس *** واربـع سنيـن والبزاريـن كومـي

وسط المطابخ بين قـز ومحاميـس *** هـذا صحـن رزٍ وهـذاك ثـومـي

والا خلصـت إمنظـفٍ الملالـيـس *** جتك تقول انهـج نبـي زود لومـي

ولا جبت قالت اكنس الحوش تكنيس *** خل البلاط يصيـر مثـل النجومـي

ومكرسٍ جهدك من الخوف تكريـس *** وان نادتك بالصوت اقبلـت مومـي

يجيك تـال الليـل دايـم كوابيـس *** ويشيبنـك مزعـجـات الحلـومـي

هذي حياة اللي ركض باغـي...... *** ضيع حيـاة أول وصـار محرومـي

تعيش يالمعـرس حيـاة المحابيـس *** وشف العزوبي بكل شارع يحومـي

من مفرق جلاجل إلى جوي للخيـس *** وان حار حايرهم بوسطـه يعومـي

يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

اللي تزوج أشهد انـه غـدا تعيـس *** والرابح اللـي ماخـذٍ لـه..........

ترى عناق العام نطت على التيـس *** والحرعقب العـرس يصيـر بومـي
قال العريس


قال العريس أنا الذي في سـعاده ××× ماني عــزوبــي ضايق الصدر مهموم

مبسوط من مثلي قعـد عنــد غاده ××× مهوب مثـل اللي لحاله تقل بـــوم

في كل لــيله حاضنٍ لـه وسـاده ××× وانا مـع المـزيون في غـرفة النوم

أنا اشهد انه عايـشٍ في قــراده ××× يروح عــمــره مـا تهنى ولايوم

الى دخــل للبيت يبلش بــزاده ××× يقعد يقــطّـع له طمــاطٍ معه ثوم

ولا قضى عقب العصـر من عداده ××× والـحوض من كثر المواعين مزحوم

والى غسلهن ثم فـك الســـداده ××× دلى يغســل له سـراويل وهــدوم

وان ماطــبخ روّح لمطعـم حمـاده ××× والا قـعد في منزله واعـلن الصوم

وان جاه ضيفٍ باغيٍ لـه رفـاده ××× يـروح يشــري رز وايـدام ولحوم

ما يعرف الشمبو وراسـه عــراده ××× وشــمغه من الكواي ملـيانه رقوم

ما يكنس الفرشــه ويلقط بــداده ××× اما بقـايا رز او خــبز معــروم

عنده صراصيرٍ بحـاجه ابــاده ××× تسـرح وتمرح في الغرف دايم الدوم

يجمع قروشه ويتســـلف زيـاده ××× حتى يسافر مصـر او ديرة الروم

او راح يم التاي وتـــرك بـلاده ××× ناظر جـوازه ممـتلي كله ختوم

دايم يسافر ما يعـرف العــباده ××× يسكر وينكر و........ بالكـوم
له موتر خرده كثير فســـاده ××× في كل يـومٍ في الاشارات مصـدوم

غمارته تقول ورشــة حـــداده ××× ومريقـده في شـنطته دوم محزوم

دوم يتنقل تقــل كنه جــراده ××× في كـل يومٍ نازل له على قــــوم

يسهر والى قام الظهر من رقـاده ××× روّح على شغله والى اليوم مخصـوم

يذي بنات الناس يبغي مـراده ××× في كل يومٍ زاهمٍ له على ( هـــوم )

اراه مايعـرس ويقـدح زنـاده ××× يترك بـنات الناس ويصير معصوم

يلقى هنوفٍ تخـدمه مثـل داده ××× ويصــير رجّالٍ ويسلم من اللوم

يفرح الى من قرب وقت الولاده ××× ويصير معنى العرس بالحيل مفهوم

يشوف أولاده ومعهم شهـــاده ××× قبل الـوفاة وقولة الناس مرحــوم



منقوووووول
ابو بسام غير متواجد حالياً  
رد مع اقتباس
قديم 20-12-2004, 11:53 PM
  #2
ابن عاصم
عضو فضي
تاريخ التسجيل: Oct 2004
الدولة: هناااك
المشاركات: 1,402
ابن عاصم is just really niceابن عاصم is just really niceابن عاصم is just really niceابن عاصم is just really nice
افتراضي

مشكوور اخوي ابو بسام وحياك الله في منتداك

بس هذي مكانها في مجلس القلطه والمحاورات

اخووووووك

ابن عااااااااااااصم
__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي
ابن عاصم غير متواجد حالياً  
رد مع اقتباس
قديم 30-01-2005, 11:26 PM
  #3
مخاوي الليل
عضو جديد
تاريخ التسجيل: Jan 2005
المشاركات: 18
مخاوي الليل is on a distinguished road
افتراضي

لاهنت اخوي ابو بسام على هذه المساجلة الجميلة وياليت بعض الشباب يتزوجون
مخاوي الليل غير متواجد حالياً  
رد مع اقتباس
قديم 25-02-2005, 09:45 PM
  #4
محمد علي الزهيري
عضو
 الصورة الرمزية محمد علي الزهيري
تاريخ التسجيل: Feb 2005
الدولة: بلاد عبيده
المشاركات: 60
محمد علي الزهيري is on a distinguished road
افتراضي

الله يخليك يابو بسام لاكن ودي بقصايد تذكر عندك
__________________
[poem font="Simplified Arabic,4,deeppink,normal,normal" bkcolor="transparent" bkimage="" border="none,4,orange" type=0 line=0 align=center use=ex num="0,black"]
سبحان الله وبحمده[/poem]
محمد علي الزهيري غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاورة بين القرقاح و المورقي ... ابن شطفان مجلس المحاورات المنقوله والصوتيه 8 23-11-2007 01:52 AM
عدد من القبائل يشارك في إنهاء خلاف بين مواطنين من قبيلتي قحطان وعسير شبل طريب مجلس أخبار قحطان 3 22-04-2005 12:48 PM
الاخوه الحضور لا تفوتكم محاورة الليله بين الشاعرين ..المشتري & غشـام ابوابراهيم العبيدي مجلس المحاورات المنقوله والصوتيه 7 28-02-2005 05:17 PM


الساعة الآن 02:25 PM

سناب المشاهير