لقاء الاسبوع الثاني : لقاء مفتوح مع الشاعر علي البورعي

بسم الله الرحمن الرحيم




أستكمالاً لما سبق الأشاره اليه بأستحداث ثلاث لقاءات خلال هذا الشهر الفضيل
بحيث يكون هناك لقاء مفتوح بين الشاعر وبين جمهوره من خلال شبكة قحطان فأنه
يسرني أن أقدم لكم ضيف هذا الأسبوع

ولكن قبل أن أقدمه كأسم أسمحو لي أن أستعرض معكم شيء يسير من سيرة الشاعر عبر
قراءات في بعض من اشعاره واخباره ولعلكم تستشفون شيء من شخصية الضيف قد يكون
له الاثر في نوعية الاسئلة الموجه لضيف هذا اللقاء.
وبقي امر اخر يجب التنويه اليه وهو ان شبكة قحطان حريصه كل الحرص أن يكون ضيف اللقاء
بحجم تطلعاتكم وشوقكم بعد ان عشتو تجربه فريده ومتميزه مع ضيف الاسبوع الاول.


نعم نحن حريصون ان نكون بحجم هذه الثقة وضيف هذه الاسبوع شاعر متمكن في فن الحوار
والخروج من مأزق السؤال فلسنا في شبكه قحطان في حرج امام ضيفنا لما يمتاز به من لباقة
واحترام جم للطرف المقابل الا اننا نرغب من متذوقي شعر هذه الشاعر الفذ الهمام الغور في
اسبار واعماق هذه العملاق الشعري الذي طوع القاف
الشاعر الذي حينما تفاخر قال :
بيض الله وجه ابوي اللي عرف يختار خالي

شاعر هذا الاسبوع وضع له بصمه وحدود على خارطة الساحه الشعبية حينما يقف على منصه الإلقاء
الشعري ينصت له الجميع لما يتمتع به من حس شعري وجاذبيه شعرية وحداده في الالقاء يشدك ساعة
ويسرح بك في خيال المعنى تاره وكأنه يعبر عن ما في صدرك

أعضاء شبكة قحطان ... ايه الزوار

طال الحديث وباقي ان اتركم مع اطلالة من ابداعات هذه الشاعر قصيده قاله ضيف هذا الأسبوع في خاله
مفتخرأ وهو يخاطب ذاته ويلوح الى والده وينظر الى خاله حيث قال :



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياالله اني طالبك براق ليل في رفيه=ينتثر وبله على العرقين من جال(ن) لجالي
ديرة(ن)فيها كريم الوجه راعي الحضرميه=راعي الوقفات يوم الضيق حماي التوالي
ياقصيدي هاتها عز وفخر والا حميه=هاتها الى هاتها الى هاتها والقلب سالي
والقصيد اللي يجي من دون فعل ودون هيه=مثل من ياردعلى جال البحر ويقول حالي
هاتهافي اللي نهار الضيق يمنع عن خويه=ساعة(ن)فيها يبان الفعل وتبان الرجالي
ساعة(ن)ماعاد ينفع لا كلام أولا وصيه=غير تبغى وقفة(ن)يرخص لها ماكان غالي
ياتوقف لرصاص ونيتك بالعز نيه=ياتخلي رفق جنبك ينذبح والعلم تالي
نشهد أنها ساعة(ن)ماهي سلام أولا تحيه= غير تبغى وقفة(ن) من دونا بيض السلالي
ياهنوف الصيد يابنت السيوف الصيرميه=غطرفي للي رمى باالروح من دون المصالي
ذاك أبوضافر رفيع الراس راعي المقدريه=لعنبو كل القصيد أن كان مايفخر بخالي
أيه خالي وفتخر ضلع(ن)مراقيبه مديه=تفتخر كل (الحباب) أبفعل حماي التوالي
عادة(ن)فينا الخوي ناقف معه وشمس حيه=ننثني دونه ليا صار الفشق مثل المخالي
بو قليل والله أن حتى الحروف الأبجديه=درهمت مثل الركاب اللي سرت والجو خالي
في عجبك أسوقها ونثر ملفات القضيه=والقضيه يفتخر فيها كريمين السبالي
والله أنك تستحق الفخر وعلومك وفيه=ثبت التاريخ فعلك مثل أبو زيد الهلالي
كل مجلس تقلطه حق(ن)تصب الشاذليه=لك ومثلك من رجال الطيب وافين الفعالي
بيض الله وجه أبوك اللي تخير له صبيه=لين جابت فرخ شيهان شلع من راس عالي
ياهل الطلات ياهل الطيب له حق(ن)عليه=أمدحه مادمت أنا شاعر ولي صيت(ن) مثالي
نحمدالله يوم هو خالي وأنا برضه سميّه= وبيض الله وجه أبوي اللي عرف يختار خالي[/poem]



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا قصيدي هاتها عز وفخر والا حميه = هاتها الى هاتها والقلب سالي
والقصيد اللي يجي من دون فعل ودون هيه = مثل من يارد على جال البحر ويقول حالي[/poem]





[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الله أكبر كل ماخترت في الدنيـا صديـق=مالقيـت الاصـديـق يــدور منفـعـه
أن نصيته حزت الضيق زاد الضيق ضيق=وأن نصاني سقت دمي على شـان أنفعـه
نشهـد أن العـز بالمـال ماهـو برفيـق=في زمان(ن)راعي المـال يشـر بصبعـه
يقلط المجلس وبوا وجه وحجاج(ن)طليـق=مجلسـه بوابـة البيـت ولا المـزرعـه
راكب اللي جهزوا له على الرحله فريـق=بين كم لحضـه ولحضـه يحـدد موقعـه
أسود كن في جنوبه مـن اللمّعـه حريـق=وارد الألمان تـوه نـزل مـن مصنعـه
حجم(((600)))ميه ولا له زفير ولاشهيق=كنه يقرا الشرق الأوسط ولاحدن يسمعـه
منوة اللي لاأعتزابه يبوج الـه الطريـق=كنه الصـاروخ عكـس أرتـداده يدفعـه
مابعد مـر الحريضـه ولا مـر الشقيـق=لاتعـدى الخـرج كنـه ينـزل مسمعـه
يتجه من ديـرة العـز والمقصـد بقيـق=لا وصل لبقيق يعـرف طريقـه وسنعـه
يتجه للـي ليـا جـات عنـده ماتضيـق=دام له وجه(ن) عريض(ن) وقدر(ن) يرفعه
راس مالـه طيـب قلبـه وحبـه لرفيـق=ومايهمـه يخسـر المـال ولا يجمـعـه
أبن عمي وعرفه زين ون جـت للحقيـق=ه شاعرتاقف لشعـره حـروف المطبعـه
ياعلي لامن طحنا الحصى يصبـح دقيـق=وأنت عارف وسمع الهرج ياللي تسمعـه
ياعلـي والله بمثلـي ومثلـك ماتلـيـق=نبتعـد عـن بعـض وقلوبنـا متجمعـه
أدري الدنيا تفـرق شقيـق مـن شقيـق=وأدري أن ضروف الايام دايـم موجعـه
ودري أن الوقت من طبّ بيـده مايفيـق=بس من هوعزلـه صاحـب (ن)لايقطعـه
ياعلي عن الرسايل عسى علمـي وثيـق=وطرح أحسن حلّ ولاضربـه ولا جمعـه
هات ماعنـدك ولا تحتمـل مـلا تطيـق=وان عرفت القصد تلقى الحقيقـه مقنعـه
والسلام أختام والبحـر تابـوت الغريـق=والوجيه البيض تظهر ومـن دون أقنعـه[/poem]



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الذهب غالي ولا أغلى منه غير اللي يشيله =والحـيـاه ونـورهــا والـوانـهـا بـعـيـون ســـاره
وردة تعـشـق جـنـون الـبـحـر وداوي علـيـلـه =زارها حتى المطر من جات فـي (جده)زيـاره
يـاصـبـاح الـخـيـر يـاســاره صـبــاح لامـثـيـلـه =ينبعث مـن حمـرة خـدودك وينعشنـي نهـاره
جيت أقبّل خدك الطاهـر يأجمـل مـن جميلـه =يـامــلاك كـلـهـا حـــب وحـكـايـات وطـهــاره
جيـت الـم الحـب والأشـواق ونثرلـك حصيلـه =جيت لك والكـون فـي يـدي بتاريـخ وحضـاره
جيتـلـك ياطفـلـة تعـشـق حـيـاة مستحيـلـه =جيت أبحكيلك هموم القدس وأطفال الحجاره
جيت أقول القـدس راح ولا لناسلطـه وحيلـه =غـيـر نصـبـر وان صبـرنـاأأأأه ياطـعـم الـمـراره
أأأأه يـاذاك القنـاع اللـي لبسنـا مـن يشيـلـه =وأأأأه ياالقدس الشريف اللي لحقنا منه عـاره
بــس يـاسـاره أنــا ملـيـت والقـصـه طـويـلـه =تـرّكـي تاريخـنـا الــي راح واعلـنـا انـكـسـاره
وفتحـي صفحةجمـال مـن جمالـك ياجميـلـه =والحـيـاه ونـورهــا وألـوانـهـا بـعـيـون ســـاره[/poem]




[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامجنون خذني في غرامك ماتسأل نيش=عن أسمي عن أهلي عن طموحي عن أحلامي
يكفيك أني كنت حر يفض الريش=يتل القلوب ويسعده جرحها الدامي
وهاالحين لعيونك تركت الهواء والطيش=وجيتك أسوق الرجل والنار قدامي
أنا فدوة أعيونك ترفق علي بشويش=دخيل الشهد لاذاب في توتك الشامي
لما غبت عني مال رجلي سواء الكرنيش=وبحر يوردني عيونك وأن ضامي
أعشقك كثر مايعشق السدر وادي بيش=وكثر ماعشق حبر القلم بصمة أبهامي
وكثر ماتحب الكذب والعند والتطنيش=وكثر مااحرجتك بشارعك خطوت أقدامي
وكثر ماضحكنا لاحكى الاخضر ابن الريش=وكثر ماتحب أنك تشخص ببسامي
يامجنون ليش أنك تحب التجافي ليش=وتهتم في أكلي ونومي وهندامي
ولا تنبسط ألا على موجة التشويش=لامني حكيت بلكنة ابوي وأعمامي
يا بنت أرحميني من جنونش يالعن أبيش=تري كثر حذاف الفشق يعمي الرامي
أنا امووووت فيش ولو أقلش أنا مابيش=تهلين دمع يجذبه صدرك الزامي
لذالك دخيلش يكفي أني متيم فيش=تعالي ودفي يالغلا بارد أعظامي[/poem]


اخواني هذا قليل من كثير
حينما اقدم شاعر بحجم ضيفنا لهذا الاسبوع


هذا علي البورعي الشاعر الشامخ يستقبل اسئلتكم خلال هذه الاسبوع


.

__________________