بعيدا عن قوانين الحضاره...

ارجو ان تنال اعجابكم..

اترككم مع القصيده..

الا يالله عفوك لامعي بيجر ولا جوال
...................ولاعندي وظيفه والتجاره فاشلٍ فيها
ولاعندي شهادات ولاحرفه تسد الحال
....................ولاحظٍ كبيرٍلاخطت الجره يقديـها
مخابي الثوب تومي ما دخلهامن زمان ريال
..................بها فاتورة الكهرب ولا يمديني اقضيها
على ذيك العراوي تتعب الحادي مع الجمال
..............ثلاث شهورفي الورشه وشهرينٍ مغطيها
ابيها لوتجمل يوم واجلبها على الدلال
..................يجيها واحدٍحظه مثل حظي ويشريها
نصيت العسكريه يوم قالو للنظام رجال
.................وقدمت الملف وصورةٍ لي كاشخٍ فيها
خذ الأوراق مني واحدٍ ماعند ابوه دلال
.........سلوم الناس واهل المعرفه والطييب مخطيها
قراها في دقيقه والتفت عجل علي وقال
.............شهادتك العظيمه يا ولد وين انت مخفيها
هزيت الراس ماعندي تقول اني من البنقال
.............وقمت احب خشمه واطلبه بالله تمشيها
نطلها من يده شين الطبيعه والنبا والفال
..................وقال ازين تعود صوب نوقاتك تعشيها
تناوشته من الكرسي وعفت الحال والترحال
...............وضربته بالبياله عقب ما بيحت شاهيها
خذوني للسجن لانيب لاظالم ولامحتال
....................مجرد واحدٍجا يكحل عيونه ويعميها
ويوم اني خرجت اقفيت لأرض الله وسيع الجال
.......................على بر ٍهواه يداوي العله ويبريها
ادور قصعة الجربوع والضب الفتي يختال
..............والأرنب يا شقاة الروح ماحلاها وطاريها
بلاكهرب ولابيجر ولاغازولانقال
.................قوانين الحضاره لاتبيني ولا ابيــهــا...تم التعديل بعد نقد الاخ الفاضل.. مروان..

وسلامتكم..
منقول