رثاء صدام حسين--ابن وسام--حسين الحبابي

قصيده للشاعر الكبير والمعروف سلطان بن وسام الهاجري
انتشرت في بعض مواقع الانترنت يقول ابن وسام






[poem=font="Arabic Transparent,4,blue,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
كان الاشراف عجزوا عن حمايه رغد****يـوم دار الزمـان وراح برجالهـا
علموها تجـي ولاتفكـر فـي احـد****في ذرى دولـه التوحيـد وابطالهـا
نـوري المالكـي لوقـام والا قعـد****ولوتحيزم باهل طهـران وامثالهـا
من نجادي وبشـار حافـظ الاسـد****جعله فداء رغـد صـدام وعيالهـا
بنت عود وقف بـن القبـر واللحـد****ماتزلـزل مـن الدنيـا وزلزلـهـا
يعربي علـي حـوض المنايـا ورد****لين وقف قدم رجلـه علـي جالهـا
يستثير البـروق ويستفـز الرعـد****رافع الراس والدنيـا علـي حالهـا
كنه يقول هالدنيـا مادامـت لاحـد****كود للـي مثّبـت الارض بجبالهـا
[/poem]


وهذه مجاراه الشاعر الشاب
شاعر النظم والمحاوره حسين بن شتوي الحبابي القحطاني
للشاعر سلطان الهاجري بهذه القصيده
الذي تعبر عن نفسها انقلها لكم هنا واتمنى ان تحوز علي
رضاكم واستحسانكم جميعا




[poem=font="Arabic Transparent,4,blue,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
مـن هجـوس سـرى طاروقهـا ياسعـد
وابتلـتـنـي وفـــال الله ولافـالـهـا
ما اقدر احصى لها بيـن الضمائـر عـدد
تختـلـف بـيـن مقفـاهـا ومقبالـهـا
الجـروح القديمـه والـجـروح الـجـدد
صـار تحـت الضلـوع العـوج منزالهـا
حضـرت ليلـه الميعـاد ليلـه الاحــد
ليلـه جــات والهـاجـوس يبرالـهـا
والسبب مـن بيـوت سببـت لـي نكـد
وذكرتنـي غـثـاء الايــام واهوالـهـا
هيضتنـي وانـا ماكنـت مهمـوم ابــد
غيـر جعلـه يصـح لسـان مـن قالهـا
ابـن وسـام هيضنـي وحـان الـوعـد
وشـب نـار القصـيـد وزود اشعالـهـا
يـوم غنـا وانـا غنيـت مثلـه بـعـد
مـن هجـوس بقلبـي فاحـت ادلالـهـا
الليالـي تـدور وحبلهـا مــن مـسـد
ونفـذت كـل مايطـري عـلـي بالـهـا
الزمـن بـار والكـافـر عليـنـا حـقـد
وبـنـت صــدام ممـاصـار عزالـهـا
يـوم مـال الزمـان ويـوم قـل الجهـد
ويوم راحـت الاسـود وراحـت اشبالهـا
فقـدت قائـد فـي الـحـرب مايرتـعـد
مـع عـدي وقصـي وفـقـد رجالـهـا
ولاجيه مـن بعـد هيبـه صقـور الهـدد
وتـحـرى كتـايـب بــوش تغتالـهـا
واليهـود ارسلـوا نـاس ورهـا طــرد
يـوم دار الـزمـان وبقـيـت لحالـهـا
خايفيـن يجـي بكـره عليـهـا ولــد
وياخـذ الـثـار للبـصـره وماجالـهـا
والعـراق استحلـوهـا وكــل شـهـد
والـعـرب مـحـد منـهـم تعزولـهـا
واصبح الشعـب ماعنـده زعيـم وسنـد
وحـالـه الــدار ممـاصـار يرثالـهـا
وهددونـا ومـن عانـد وخـان العـهـد
شنـق فـي مشنقـه صـدام وحبالـهـا
قصـه يمكـن تشيـب بمـن فـي المهـد
ماجـرت لامــه الاســلام واجيالـهـا
من يعـوض العـراق بفقـده اللـي فقـد
ومـن يناصـر رغـد ويناصـر اطفالهـا
بشروهـا ليـاجـت عنـدنـا بالسـعـد
وتبشـر بشـجـره تـرتـاح بظلالـهـا
نحتميهـا مـن امريكـا برمـي الـركـد
وتحتميهـا سيـوف الـقـوم وسلالـهـا
ولـو لقينـا كتائبـهـم بـحـزم جـلـد
صـارت الرجـل تاطـا الـروس بنعالهـا
فـي ذري دولتـي وبـلادي افضـل بلـد
دولـه الـعـود ابومتـعـب وحنالـهـا
ليـت صـدام ذاك الوقـت طـاوع فـهـد
يـوم بغـداد مـهـره عـنـد خيالـهـا
يوم حـذف القذائـف مثـل حـذف البـرد
وقبـل غـزوا الكويـت وقبـل مدخالهـا
غير هـي غلطـه المقـرود يـوم انقـرد
ودولـه الشيـخ جابـر مالـه ومالـهـا
جابـر اللـي بعـد تحريـر داره سـجـد
ثم دعـا مـن يجـازي النـاس بعمالهـا
واحـد رافــع سـبـع بلـيـا عـمـد
وقدرتـه مستحيـل الـنـاس تحتالـهـا
جـل شانـه جليـل الملـك فـرد صمـد
هـو معـز البشـر ومغـيـر احولـهـا [/poem]الشاعر حسين بن شتوي الحبابي القحطاني