إن عشت يا راسى كسيتك عمامه.......

[poem=font="Simplified Arabic,4,black,bold,normal" bkcolor="transparent" bkimage="backgrounds/2.gif" border="inset,4,sandybrown" type=0 line=1 align=center use=ex num="0,black"]
إن عشت يا راسى كسيتك عمامه=وإن مت يا راسى فدتك العمايم
يا راس شيبك ما بدابك مذله=والشيب تكرم به كبار اللمايم
الأجواد يكرم شيبها فى مشيبها=نقٌالة القاله محوص الصرايم
ياما نطحنا فى الصبا من قبيله=يوم الصبا والرمح للكيف رايم
ويا ما خذينا تونا من كسابه=بسيوفنا راحت تقسٌم غنايم
ويا ما نسفناهم على جال وادي=وياما نحونا فوق سود الشكايم
أربع مية خيال..جونا مسيره=جونا يبون الغرس حلو الطعايم
وقالو يسار الغرس,والا يمينه=أمسٍ لكم واليوم جا فيه سايم
وقلنا لهم من دونه الموت حامي=اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
وأخذت اطاردهم,وأنافوق قبا=مثل الهدود اللى عن العشب صايم
تلحق ليا غارت,ولا ينلحق بها=شقرا,ولا ضرٌيتها بالهزايم
من يوم بان الفجر لين اعتلى الضحي=وحنا نقلٌط للمسيرعزايم
والله عطانا منصب الحق والظفر=يوم التقت بين القروم الولايم
يوم اسلموا للمنع,واسندت عنهم=لياهم كما عشب لفح به سمايم
هذاك اسير,وذاك يومه دنا به=وهذاك مكسور,وهاذاك شايم
هذا زمانٍ فات ما ينفع المنى=يوم اذكر الماضى تزيد الهضايم
الراس شاب,وثالثة رجلي العصى=والله يقوض قلب من كان نايم
وانا (ابن سرار)علومي قديمه=محي عسرها طيب الليالي القدايم
وانا فى رجا عمرٍ,وعمر وراى الشفا=عساه ليا جانا ترد اللزايم
لعل قبل الموت نسمع بشيره=إبجاه من يحيي العظام الرمايم
وصلاة ربى عد ما ذعذع الهوا=على النبي واصحابه اهل الكرايم[/poem]

__________________