قصيده العبيدي ... مدح في قحطان !!!

28-05-2010, 10:35 AM

عبدالعزيز بن سعيد ال معمر

عضو مشارك

تاريخ التسجيل: Mar 2008

المشاركات: 163

عبدالعزيز بن سعيد ال معمر has much to be proud of

قصيده العبيدي ... مدح في قحطان !!!

السلام عليكم ورحمة الله وبركاته

هذه قصيدة الشاعر

حامد بن غانم بن سعيد الجذع العبيدي القحطاني

يالبى قحطااااااااااااااااااااااااااااان كلهم

يامن تبي تكتب عن أمجاد قحطان = وتذكر تواريخ الشيوخ الأوايل
أهل المواقف يوم زوغات الأذهان = يوم الحكم سيف ورمح وسلايل
الله يعينك ياسلايل كحيلان = مهمتك صعبه ومثلك قلايل
لاشك عندك يا أبيض الوجه برهان = وعندك من التاريخ صدق ودلايل
ديارنا من نجد لي غرب نجران = ولنا ربوع من ورى حد حايل
(وشرق بني هاجر ربوع ابن شبعان = يشهد لهم راكان والشك زايل)
(هل دقله تروي عطش كل ضميان = وهل موقف ماعاد بعده عذايل)
وغرب نزل منا المدينة فريقان = الأوس والخزج وحازوا الفضايل
أنصار للمبعوث رحمه وغفران = مذكور في السنه وذيك الرسايل
قد قالها حسان في ماضي أزمان = والصدق نور والدعاية ظلايل
قبايل معروفة قبل والأن = تعز الهود معربين واصايل
ربعي عبيده والجحادر وسنحان = ورفيده وجمع الحباب الهوايل
وبني بشر وشريف ماني بغلطان = هل قالة عليا لما ظال ظايل
منا ابن هادي واللبده وابن سفران = ومنا مروية السيوف الصقايل
والشيخ ابن هادي تقدم لعربان = شيخ تعدل حكمته كل مايل
شيخ تطوع صطوته كل فسقان = وربعه هل الطالات يوم القتايل
والشيخ شالح والفديع ابن هدلان = فرساننا يوم اقتتال القبايل
هل صبحة يشبع بها الذيب سرحان = يشهد على قولي عيال الحمايل
والخوة اللي بينهم شانها شان = قدوة وذكر ينقله كل قايل
رمز الوفاء والطيب من بين الأخوان = والعزوة اللي تجعل الراس طايل
لا قال ابن دراج ثم ثار دخان = راحت خيول القوم منهم جفايل
خنافر تارد على الموت شجعان = وجحادر تاطا على كل عايل
وذيب على اسمه ذيب من روس فرسان = له موقف يشفي الكبود الغلايل
**ب الأصيله واشتهر طير حوران = وعمره عشر واربع عديم الخصايل
دون إبل بوه موقف قبل الأذان = حتى انصرف عنها سموم القوايل
صد المغيره ذيب والحظ له زان = و**ب ونعم واحمر الدم سايل
وبره يسولف فيه حضر وبدوان = عساه للجنة وبرد الدبايل
زيد ابن شفلوت له المدح عنوان = على قرارة نجد جاله فعايل
شهد له ابن فهيد بالفعل وكدان = ماني بقايل قول ماله حصايل
ومنا ابن حشر وموقف الشيخ قدبان = مع الموحد يوم قدح الفتايل
وابن رشيد اللي منا زله برزان = الضيغمي فعله قديم وهايل
ومنا المهادي نوابن غيده ودبران = أهل المواقف كاسبين النفايل
وابن سعيدان آل عاطف وجبهان = وفراج بن ريفه حميد الشمايل
ومنا ابن شري والجذع وابن فردان = ومنا المرحب والفشق له مخايل
وابن دليم وابن عبود شيخان = وأبن حويل اللي للأمجاد نايل
وجراب والمدرس وذيب ابن عردان = وجديع والعماج روس وزحايل
ومنا ابن جافل وابن سلمان **ران = وذيب بن قنطاش صبي الصمايل
وراعي السويد محمد وابن كزمان = يوم اعتزى جاء القوم منه نكايل
وحاتم وابن معدي كرب جود وسنان = أمجادهم سولف بها كل جايل
وابن مريحه وابن داهك وشهوان = ومنا آل عشتل محتمين الحلايل
ولنا سلوم تطلق وجيه وإيمان = ساروا بها العربان فوق الرحايل
دون الخوي والجار والضيف والعان = والشاهد الله والفعول الطوايل
ديرة حقيب يوم في الوجه مالان = وقصرة محمد يوم صارت مثايل
ودون الخوي قام ابن محسن ولاهان = فيه اقتضى عشرة وخاله كمايل
هذه مآثرنا وكل له لسان = والنار ما تقدح بليا شعايل
واللي عن فعول المطاليق عميان = ماني طبيب للضعوف الهزايل
تشهد مطير ويام وجموع عتبان = يوم القنا والرمح والخصم صايل
ذاك الزما اللي به الموت عزران = ويميز الطيب من أهل الفشايل
وبيت بلا ساس ودعايم وعمدان = لي هبته ريح يجيك متمايل
والناس يفرقها الشجاعة والإيمان = وجود لما شحت يدين البخايل
ولا فلان اسمه على فلان وفلان = الاسم واحد والفعايل سهايل
موجز بسيط فيه ذكر عرفان = لاهل القعول الوافيه والجمايل
وكل القبايل كامله دون نقصان = مثل الجبال النايفات الوحايل
واللي نسيت العذر من كل إنسان = الكامل الله والعفو في الزلايل
كم من عقيد ماضي الوقت قد كان = يثني نها ر فيه يبس البلايل
واليوم في عهد السعد أمن وأمان = حكم الشريعة مانبي له بدايل
عهد الملوك مرجحة كل ميزان = حكامنا آل سعود نعم السلايل
الله يديم الملك ويعز الأوطان = ويزيل من ينووننا بالدغايل
وختامها باعداد ماهل ودان = على الرسول أزكى صلاة ونفايل

مقوووووول

التعديل الأخير تم بواسطة عبدالعزيز بن سعيد ال معمر ; 28-05-2010 الساعة 10:45 AM

عبدالعزيز بن سعيد ال معمر غير متواجد حالياً

28-05-2010, 01:16 PM

سفر بن مبارك

مشرف
مجلس عذب الكلام
.:: قلم مثقف ::.

تاريخ التسجيل: Oct 2008

المشاركات: 4,033

سفر بن مبارك has a reputation beyond repute

رد : قصيده العبيدي ... مدح في قحطان !!!

أحسنت بارك الله فيك وصح الله لسان أبو راشد شاعر جزل والقصيدة جزله لاهنت............

__________________

أنت خير من يقييم هذا العمل على هذا الرابط :

http://safarbinmubarak.blogspot.com

28-05-2010, 05:48 PM

عبدالهادي سعد القحطاني

عضو مشارك

تاريخ التسجيل: Feb 2009

المشاركات: 183

عبدالهادي سعد القحطاني is a splendid one to behold

رد : قصيده العبيدي ... مدح في قحطان !!!

بيض الله وجهك يا عبيدي على القصيده الرائعه سلمت قريحتك يا سليماني

التعديل الأخير تم بواسطة عبدالهادي سعد القحطاني ; 28-05-2010 الساعة 05:49 PM

عبدالهادي سعد القحطاني غير متواجد حالياً

31-05-2010, 09:04 PM

مسفر أبن ظافر

عضو مشارك

تاريخ التسجيل: May 2010

الدولة: بلاد سنحان

المشاركات: 181

مسفر أبن ظافر is on a distinguished road

رد : قصيده العبيدي ... مدح في قحطان !!!

بيض الله وجهك ياالجذع وصح ألسانك
ولاهنت ياالمعمري

31-05-2010, 09:28 PM

ذيب العبيدي

عضو متميز

تاريخ التسجيل: Mar 2005

المشاركات: 727

ذيب العبيدي will become famous soon enough

رد : قصيده العبيدي ... مدح في قحطان !!!

ومنا ابن جافل وابن سلمان **ران = وذيب بن قنطاش صبي الصمايل

=============
=============

ومنا ابن جافل وابن سلمان زبران = وذيب ابن قنطاش صبي الصمايل

هذا توضيح للبيت

وصح لسان ابن الجذع

ولا هي غريب عليه الجزاله

تحيات

ذيب العبيدي

08-08-2010, 01:02 AM

أبو مشاري البشري

عضو

تاريخ التسجيل: Apr 2010

المشاركات: 37

أبو مشاري البشري is on a distinguished road

رد : قصيده العبيدي ... مدح في قحطان !!!

صح لسانك ,,وأعتلا شانك ,,و رحم الله شيبانك

قصيدة وافيه وجزله

من عند وافي

__________________

09-08-2010, 09:31 AM

سعيد أبو ظهير

عضو

تاريخ التسجيل: Jun 2010

المشاركات: 47

سعيد أبو ظهير is on a distinguished road

رد : قصيده العبيدي ... مدح في قحطان !!!

صح لسان قايلها ولا هان ناقلها ..

أبيض وجه وما قصرت ..

قصيدة جزلة ووافية

__________________

11-08-2010, 11:46 PM

الصارم البتار

عضو مشارك

تاريخ التسجيل: Sep 2006

المشاركات: 123

رد : قصيده العبيدي ... مدح في قحطان !!!

صح لسان قايلها ولا هان ناقلها

__________________
سبحانك اللهم وبحمدك أشهد ألا إله إلا أنت استغفرك وأتوب إليك

11-08-2010, 11:48 PM

بن دشن العايذي

عضو مشارك

تاريخ التسجيل: Sep 2007

المشاركات: 134

بن دشن العايذي has a spectacular aura about

رد : قصيده العبيدي ... مدح في قحطان !!!

لاهنت ياعبدالعزيز

وصح لسان الشاعر

28-08-2010, 05:27 AM

#10

بطاش الحبابي

عضو

تاريخ التسجيل: Jul 2010

المشاركات: 86

رد : قصيده العبيدي ... مدح في قحطان !!!

صح لسان الشاعر

ولاهنت على النقل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مجلة كاس العالم 2010	الـهـامـور	عالم الرياضه	32	12-07-2010 04:48 PM
(( دلــيـــل الــقــرى الـتـابــعــة لــمـــحــافــظــة أحــــد رفــيــدة ))	مشاري بن نملان الحبابي	مجلس الأنساب	4	01-01-2009 08:18 PM
((الحضارة العربية في الأندلس وأثرها على أوروبا))	مشاري بن نملان الحبابي	المجلس الـــــعــــــــام	10	20-11-2007 11:04 AM
كيف يقترن (( الجن )) بالانسان ؟؟؟؟؟؟؟	عبدالمحسن مبارك	المجلس الـــــعــــــــام	25	05-11-2007 09:22 PM
رأي العلامة محمد ناصر الدين الألباني في [ كيفية حجاب المرأة المسلمة ]	حرقي العرين	مجلس الإسلام والحياة	6	07-05-2007 11:40 PM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى