محاورة ساخنة بين الغامدي والعتيبي ... لا تفوتكم

محاورة الكبار أتمنى أن تنال اعجابكم

الشاعر سعيد الرفاعي الغامدي

الشاعر علي العضياني العتيبي


أترككم مع هذه المحاورة التي أقل مايقال عنها ( محاورة الكبار ) مع تفصيل دقيق لها


الفالح ( العتيبي )

وين المسري عليه بالحرام اني لسريـه *** وان ما سرى عيب اغني بالمثايل ياعتابه
ابطرحه واضربه بالسندوانه بين اذانيـه *** والضربه الثانيه يالربع ما فيهـا طلابـه

المسّري ( الغامدي )

ماهوب فالح ما دام(ن) ياعتيبه ذي هقاويه *** ما يدري ان المسرّي فارسٍ مـا ينهقابـه
لكنّ ما دام شب المعركـه والنـار بيديـه *** والله لا اخلّيه عبره للبقيّـه مـن شبابـه



الفالح (العتيبي)


هذا كلامي وانا ما اغيره لن كان توحيـه *** وان كنت فارس تشد السيف وتجود نصابه
انته ليا جاك عنتـر تردعـه ولا تخليـه *** هذا سوالٍ على قدك وتدري وش جوابـه



المسري (الغامدي)

اقول يا خيبة الفالح وخيبة من موصّيـه *** يرعد ويزبد ولكنّ المسرّي ما درا.. بـه
عنتر يا فالح بعيد الدار لايجيني ولا آجيه *** لكنّ في ديرة العتبان ماكلـه وشرابـه



العتيبي

وااا ؛؛ خيبة اللي يدور واحدٍ مثلـك يخاويـه *** يا صيـدةٍ منتـه مدسـم مجاويـع الذيابـه
وانه يصبحك بالسيف الحدب وانتـه تمسيـه *** واصله عتيبي من اهل المرجله واهل المهابه



الغامدي

ما هوب ياعتيبه الهيلا مبطّل من سناويـه *** لين المسرّي يحطه لقمةٍ من تحـت نابـه
الشعر ما يرفعه فوق السحـاب الا معانيـه *** واكثر قصيد العرب ما يستحق احسب حسابه



العتيبي

الشاعر اللي سواتك مايعرف الشعر نكويه *** احسن لك انك تكب الشعر وتجـر الربابـه
الشعر مرضان من قربك ومثلك ما يداويه *** روح العب العرضه اللي عند غامد وشتبابه


الغامدي

اقول بيت العتيبي ذاه يصلح منـه وإليـه *** ينقل سلاحه وتاليها على نفسـه رمابـه
الشعر يالفالح انته غلطه من اكبر مساويه *** صَفِّق ومعراضنا ما يقربه راعـي نهابـه


العتيبي

انا اببيع المسري بالمعانـي بيـع واشريـه *** لو كان خسران من باعه و يخسر من شرابه
يالغامدي حاضر الرجال مبني فوق ماضيـه *** والبيت ما يعتمر والساس من تحته خرابـه


الغامدي

غيرك نوى بالمسرّي مير ما حصّل مناويه *** مانته بجايبْه واطلق منك يالفالح ما جابه
الغامدي حاضره وافي ,على ما ضيه يبنيه *** والفالح اخطا طريقه يوم ربـي لـدّ بابـه


العتيبي

جبتك ولا همني غيري ولا اسمع في دواديه *** والغامدي لا حداه الجوع ياكل من زهابـه
حاضرك يالغامدي بيـن وبينتـن مواريـه *** بانت فعولك بعد ماصرت ريـس للعصابـه


الغامدي

الغامدي حافظ(ن) دينه ورب البيت مغنيه *** عن واحد(ن)لا حداه الوقت عذّر فالقرابه
جماعة الخير ضد الشر نبطش به ونفنيه *** يوم العتيبي على بيت الله ابليس التوى به


العتيبي

الغامدي ضايعٍ ما يدري وين الله موديه *** ما يفلح اللي ليا جات المواقيف اعتزابه
انته تدسس وحنا عالي المشراف نبديه *** يالغاوي اللي ليا ولع يولع في ثيابـه


الغامدي

الغامدي مركـزه مرمـوق والميقـاف يحميـه *** يوم انت بيتك خـراب ولا يسـر مـن ألتجابـه
آبنهي الفالح بـذا البيـت والطـاروق بأنهيـه *** "يمكن عمر من عتيبه وانْ رشاش من الصحابه"


العتيبي

هذاه خابور يشعر منه ما يـدري وذا فيـه *** هذاه يالربع تاريـخ المسـري فـي كتابـه
رشاش لو جاك حاشك يالمسري مع مواشيه *** لو كنت منته مزود يالمسري فـي نصابـه


الغامدي

ان كان تبغى الصحيح الغامدي صعب(ن) تجاريه *** وصل القمر والعتيبـي سامـر يسحّـر كلابـه
ان كان يقدر يحوش , مضيع الديـن ومباديـه *** يحوش ربعٍ له يبون الحكومـه شـرع غابـه


العتيبي

وانته نسحرك لا تزعل ونعطيكـم ونعطيـه *** وش لون وصل القمر وهوه يحوس في ترابه
يالربع يبغا يصلحها لكن مـا عـاد يمديـه *** صحيح يالغامدي من طال به سقمه غدابـه


الغامدي

اعطه ويعطيك خالك يا ولد وانته بناخيـه *** يا طيب خال العتيبي لا تعزوى وانتخى به
من امس وانته تخم العلم يالفالح وتخطيه *** صحيح ما كل خصم ينحسب له في الحرابه



العتيبي

منته بخالي ترى خالي عريبـاتٍ مجانيـه *** صحيح لو كنت خالي صار فالدعوى عيابه
من امس وانا بمشعابي وارنه ومتوليـه *** نغصت عيشه عليه وحلو نومه ما اهتنابه


الغامدي


ما نيب خالك ومثلك عيب لا صرنا عوانيه *** خالك نهاره يهارش ضيفه , وليله سرى به
بتموت وتفوت والشيخ المسرّي منت ناسيه *** اللي سقاك الشراب السم في حامي اللهابه


العتيبي

فالشطر الاول نفى ويقول انـا خالـك بتاليـه *** اثرك لا جوك الضيوف ايصير في صوتك صلابه

اللي يخاليك وانتـه يـا ولـد غامـد تخاليـه *** قله ترى الفالح اقبـل جاينـا يشعـب ركابـه


الغامدي


اقول يوم(ن)عرفك الشعر فيه الله لا يسقيه *** ما دام ما تفهم المقصود مثلـك وآعذابـه
اشب ناري بزندي وادحر الخصام واعميه *** والفالح اقبل , ويقفي بالهزيمه لا غرابـه



العتيبي

لعبي معك يالمسري يعتبر مشروع ترفيه *** انسوقك مع الجبل ولا نحدرك الشعابـه
دام المسري طلع خالي لزوم آجيه والفيه *** هذا ه خالي وصوفه بينه والله بلـى بـه


الغامدي


ترفيه والجرح يالفالح بظهرك بان خافيه *** الليله الليله آهفّـكْ مثـل هـفّ الذبابـه
بكره نبا نعرض الشعر وبيوته عند قاضيه *** ويبين خاطي بيوت الشاعر ويعرف صوابه


العتيبي

الله وا اعلم عن اللي ما قدر يمشي ورجليه *** قامت تثنا وهو ياما ابتدابـه وانتهـى بـه
الشعر عند العتيبي حافظه؛؛ وان كان تبغيه *** افتح لي اذنك واصبه مثل همال السحابـه



الغامدي

الله وا اعلم عن اللي بان فيه السقم ياهيه *** اخطا وضيّع طريق الجزله وبان الردى.. به
ما عاد يقدر يقاوم طاح حظه من عواليـه *** والخنجر توسّمه والسيف من دمه خضابه






وسلامتكم