مجاراة الشاعر علي بن سالم بن شبله للشيخ الدكتور عايض القرني

[frame="1 80"]قصيدة للشاعر / علي بن سالم بن شبله ال سلمان الحرقان وهي مجاراة لقصيدة الشيخ الدكتور الشاعر/ عايض القرني



لا إله إلا الله أبدابها وأثني الجواب == كلمتن كل الخلايق تحسب إحسابها
لا إله إلا أنت ياربنا مجري السحاب == عالمن بأحوال خلقك وأنت أدرابها
لا إله إلا الله جوابها في كل باب == والحظيظ اللي من الناس حفظ أدابها
لا إله إلا الله تشفيك من كل المصاب == كلمتن تشفي الجروح لو تقل أطبابها
لا إله إلا الله تنجي من إسموم العذاب == كلمتن تنقذك نار البلاء فأخشابها
لا إله إلا الله ترفع بنا فوق السحاب == تاردك على عدودن صفا مشرابها
لا إله إلا الله كلمتن تجلا الكآب == تمنعك من شر بقعاء وكثر أتعابها
لا إله إلا أنت أنت الذرا يوم الحساب == يوم تسألك الأوادم تعتق إرقابها
فزعتك ياربنا لاحتمى جو النشاب == ما حدن غيرك بفعله يفك أنشابها
لا إله إلا الله نعمل بها كل الصعاب == كم ويا كم عالمن ناجحن بأسبابها
لا إله إلا الله من قالها يلقى ثواب == ومن عمله حسنة لازمن يجزابها
لا إله إلا الله الواحد اللي ما يهاب == جاعلن رزق الطيور في فعل مخلابها
لا إله إلا الله تجذب العقل إنجذاب == بيض الله وجه منهو وقف وألفابها
لا إله إلا الله اللي خلق نجم وشهاب == النجم ينور وخلا الرجم بإشهابها
دونها بنبيع الأعمار ما نرضا إنسحاب == عقب اللي شلها شلها ثم عابها
يالله ياغافر لمن عاد من ذنبه وتاب == أسالك في جنة الخلد وأنا طلابها
ويالله تجعل ديننا سترنا درع وحجاب == يوم بعض الناس قد ضاع عنها إحجابها
ويالله تجعل رأينا من صواب في صواب == وأرفع عن أمة محمد ما قد صابها
طالبك يالله تمحى عن الأرض الجداب == وتنزل الأمطار لجل الملا يهنأبها
رحمتك يالله ترحم عبادك والدواب == البهايم ما لقت والله ما ترعابها
مالنا عنك غناه في ذهاب وفي إياب == نلتجيبك يوم غيرك ما نلجابها
نلتجيبك ليحصل في سماء الكون إنقلاب == من خسوفن ومن كسوفن وكثر إضبابها
والمرأة عورة ولا نسمع لأقوال الكلاب == كيف تجرؤ عالشريعة وتحل إنقابها
من حكم في الشرع بالكذب يصبر عالعقاب == ما دروا أن ستر المرأة في ستر جلبابها
إسلبونا يا عرب شلة الكفر إنسلاب == فآخر الأزمان كثروا وكثر إسلابها
وإخدعوا شبابنا بالتحيل والكذاب == والله اللي قد كشف سترها وإكذابها
يالله تلبسنا الستر مثل ملباس الثياب == وتجعل الفتنة تعود على من جابها
الله الي قد حما نوح وأنجا في رحاب == وأغرق إبنه يوم علا برؤؤس إهضابها
والله الي قد حما يوسف من أيدي الذياب == قد حماه يوم الفتن كلخت بأنيابها
كلما نعمله نرجي معه للخير باب == ولا نهم أهل النفاق ولا نهم أصحابها
يالله عفوك يوم نوضع تحت سخت التراب == في قبور لحدوها ورصوا أنصابها
يا شباب العرب قوموا إنهجوا نهج الصحاب == وحطموا الأصنام من فوق روس أصحابها
والله إنكم نصرة الدين في وقت الحراب == وأنتم إسيوفن وعز السيوف أنصابها
العقيدة ما تقوم إلا على أيدي الشباب == وحن حماة الدين والنار من شبابها
الكفر والشرك يورث على الأمة مصاب == مثل ما ورث على قوم لوط إعقابها
علم اللي يجهل الدين ودروب الصواب == لو جمع الأولاد والمال ما يهنأبها
ولو تفاخر توه الموت قصاب الرقاب == الله كم من روس قوم تقص إرقابها
التفاخر بالعقيدة ترى رأس الكساب == يوم كل الناس تفخر بفعل أنسابها
يالله ياللي طالبك لو دعاكا ما يخاب == يا عظيمن رب هالخلق ورب أربابها
طالبك ياللي جعلت الدعاء عندك مجاب == نارك اللي تصطلي ربنا جرنابها
راعي التدمير راعي الردا راعي الخراب == كيف يسعى في عمى دولته وإخرابها
الله أكبر يازمان الصحاب ابن الصحاب == فعلهم مثل القصص دايمن يحكابها
إنشروا الإسلام ولا لحقهم شك وعتاب == وأنتشر في مشرق الأرض وفي مغرابها
ثار عج المعركة وأعتلوا ظهور الركاب == وراية الإسلام فوق القمم يعلابها
لا عرفوا فن التطور ولا إسلوب الحراب == ولا إعرفوا رمي القنابل مع دبابها
وصارت الأصنام تهدم حطاب في حطاب == وشرهت الضوء الردية على حطابها
وانغلق باب الكفر وانفتح للدين باب == والامن بين البشر ساد عقب إرعابها
انتسبت من البيوت الأصايل انتساب == بيت واحد أعجب العين ونال إعجابها
السلاطين المهابه هباب في هباب == كلهم في قبضتك لو علت بأشنابها
شيخنا عايض يغني وطاب الكيف طاب == بالبيوت اللي تجمل غلامن جابها
والشرف لي يوم أجاري بيوتك بإنسجاب == من هجوسن في الصدر فتحت أبوابها
أنسكب هاجوس الأشعار في صدري إنسكاب == وترجمت في الرأس والفكر قد غنابها
والختم صلوا على اللي بعث بأعظم كتاب ==عد من قد زار مكه ومن لبابها [/frame]

سبحانه ....صح للسسسسسانك طال عمرك لاهنت لاهنت

ولسانك يصح يالغالي وقايل ما يهون ومشكور عالمرور

.
لاهنت يابن شبله وبيض الله وجهك


ابدعت وبذلت ووفيت كفاك الله الشر ورحم الله والدينا ووالديك


تقبل تحيتي وتقديري وحكاي والسلام





.

يسلااااااااااااااااااام والله انك جزل


صح الله اللسانك يابو سالم مدد بلا عدد

__________________

لاهنت اخوي علي صح الله لسانك.................

__________________

صح لسانك يبن شبله ووالله انك وافي

صح لسااااااااااااااااااااااانك

مرحبا يا فلاح ولا عليك زود فديتك وبيض الله وجهك على المرور الطيب

قايل ما يهون ولسانك يصح ولاهنت يابو مبارك على المرور