طير بقيمة 25 الف دينار

مرفق تصوير فديو طير تم بيعة بقيمة 25 الف دينار كويتي ارجوا ان يعجبكم ومعه سالفة البيعة
الطير هذا عينه رجالين يا عنوز او عنزي وظفيري المهم عينوا الطير وهدو له حمامه ولا جاها وهدو له فريه ولا جاها الطير وجرابيع وكل شي يقولك الجو كله جرابيع وحمام والطير ولا ألتفت فيها ما يبيها وتغيب الشمس اخر العصر ولا موتر مار عليهم راحوله يكلمونه انه يبعد عنهم قالهم ابشروا بس ممكن اتفرج قالوا تعال حياك الله يوم شاف الحمام والجرابيع والطير ما يبيها علموه بعلومهم وانهم من 5 ساعات وهم عنده زلا جاهم قالهم الرجال اي اسف الرجال عجمي وكان معهم كامرة فديو وصورو الطير من طقطق الي سلام عليكم قالهم راعي النصيفه سالم قالوا ابشر بسعد بس شنو الطريقه قالهم معي قطاة شرايكم قالوا توكل علي الله ويوم حط الشبكه علي القطاة وهدوها ولا الطير جايهم دعوم وهو شبك في القطاة ويوم شاف الطير قال توكلوني في بيعته وابشرو بسعد قالوا حنا معاك قالهم مشينا وراحو لبيوتهم وصفطوا سيارتهم وركبو معه وكلم صقار معرف في الكويت قاله بلغ اهل الطيور ووكلاء الشيوخ والامرا مطروح للبيع طير وحش ابيض طرح الكويت الحين ومعاه تصوير فديو من يومه علي الصخره لين شبك القطاة وقال العجمي الطير له تفريعه وحده الساعه 8 بس ويوم جاو للمجلس الرجال تساوموا عليه الصقاقير لين وصلوه الى عشرة الاف دينار بعدين صار المساوم بين شويرب العجمي صقار الشيوخ وبين شخص لين وصل ثماني عشر الف دينار وكلم الشخص هذا في التلفون وقالهم خمس وعشرين الف طبعا طلع الصقار هذا صقار الشيخ سلمان الحمود الصباح وانباع الطير بقيمة خمس وعشرين الف دينار كويتي وشوف الطير يستاهل ذا المبلغ.