والله انكم نسيتو جدي (الهجهوج)

الله يرحمه هذا جد جدي
قصته ماكان يعُرف ألا بمقبل
لكن عقب طرده للغزاة سموه الهجهوج

القصه:
جو الغزاة لديرته بيطردونه منها ويجيك جدي الحاله يردهم وعددهم 85رجال بخيولهم وهو بخيله وناس من قبيلته السحمه شافوه ذبح منهم 59ويجيك الغزاة ردهم من ديرته لين وصل حلبان اربعة ايام يطردهم
ويصيب له واحد بيده بالفتيل ويجيك خبره بعد شهر من الأصابه ماكان الله يرحمه يخطي بالسلاح لكن يده اليسرى مسكبها خيل واحد من الغزاة الله يرحمه
ويوم رجع لديرته الناس الي شافوه قالت الهجهوج.
بسبب هذي القصه

وأنا ارجو من أي قاريء يشوف الكتابه فهذي صحيحه وموثوقه لدى أحفاده
لكن لايزعلون الغزاة اجدادهم هذي غلطتهم واول ما كان به امان اليوم حنا بخير ونعمه
لكن ذا الإرهابيين لعنة الله عليهم .........

سوو مشاكل ذلحين يالله الواحد يطلع للقنص
...
وشكرا كماقلت ارجو ان لايزعل أي أحدٍ علي من الغزاة.

ارحب يا شاعر السحمه

ومشكور على طرحك لهذه القصه للهجهوج والهجهوج فارس معروف

وحنا ترى ما نسينا جد ك والله وسبعين نعم والكل يعرفه وبذات باللقب هذا

ولا تحرمنا من سوالف وقصص الهجهوج 0

مشكور جزيل الشكر على ايرادك لهذه السالفه 0

تقبل تحيات اخوك

__________________
لا آله الا الله .. محمداً رسول الله

ياهلا ياشعار السحمه
وشكرا على القصه
وجدك سوالفه معروفه ولاهي تحتاج للمنتديات

وحسب ما اعرف

ان المطران غزو السحمه وهم في السرداح (وحسب ما سمعت انه ذبح فرسان كبار بس ماني متأكد هل هو في هذهي الهيه والا لا)
وبعد ما افتكوا السحمه ابلهم وعمارهم وكسروا الأعداء
راح الهجهوج اللي هو مقبل بن فالح بن محمد المذعري ال صبر السحمه راح يطردهم
ويوم ضواهم الليل لينه جايهم ولينهم قد جمعوا المنعا والقلايع فقالوا وين رحت يامقبل
قال : هجيتهم والله اني اهجهم لين عديتهم ورا ابو هريم وعانوا فلان في المكان الفلاني وفلان في المكان الفلاني ذابحهم
بس ما ادري كم المطران لا اللي غزوا ولا اللي ماتوا

ومن بعدها سموه الهجهوج عشان كلمة هجيتم

ومن اللي ابلوا معه وظهر لهم فعل ذاك اليوم الحريبي من ال لحي السحمه
(وابو هريم يقولون انها تجيك لامن تعديت مزعل وانت على طريق الحجاز بعشرين كيلوا(

وسوالفه معروفه
بس ابيك تنشد شيبانكم من سالفته يوم رد العمامجه لقحطان وجورهم من محمد بن هادي وهم جالين مع مطير وتحط لها موضوع لحاله وواضح

وتقبل تحياتي

شاعر السحمه لاهنت وبيض الله وجهك

والله يرحم الفارس الهجهوج ويسكنه الجنه

وفعوله فخر لقحطان كلهم

__________________


almas0110@hotmail.com

JEDDAH is the best

تسلمون كل من رد

أما أخوي نواف على خشمي بنشد الشيبان

اررررررحب والنعم فيك او في جدك يا شاعر السحمه ولا هنت

تسلمون .....
والله لو أملى ذا الدنيا قبايل غير قحطان والله ماياصلون نصف ساق قحطان..

__________________

لاقالو لك الشاعر قل هجهوج ،،،،، يوم المنتدى يحظى بوجوده

|--*¨®¨*--|بيت من قصيدة شاعر السحمه|--*¨®¨*--|

قحطان ساس العرب لا شك ..

لكن كل القبايل لها قيمه و مقدار يا السحيمي ..





اخوك
كوكب زحل

__________________

يا سحيمي
الهجهوج
ماحد نساه الله يرضى عليك
الله يرحمه ويغفر له

والف شكر على اعادة القصه وتقبل تحياتي

__________________
[frame="6 80"]عدت من جديد [/frame]

ونعمين بجدك

لكن القبايل الباقية لها احترامها وتقديرها

ومثل مالربعنا قحطان فعول فباقي القبايل لها فعولها

وعيب تنزل من قدرها بكلامك

__________________
[frame="3 80"][poem font="Simplified Arabic,4,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
لاشان حظك والليالـي تحدتـك=أصبر عليها والصبر زين لو طال
لاتنحني للوقت وتـروح هيبتـك=تصفق بك الأيام من جال في جال
وان كان همك فالزمن بس لقمتك=الفول برياليـن والخبـز بريـال

سعد بن جدلان [/poem][/frame]


[frame="1 80"]

خيــّال السمــرا

[/frame]