مرواح جدي

قصيد رائعه للشاعر خالد القحطاني

[poem=font="Simplified Arabic,4,darkblue,normal,normal" bkcolor="transparent" bkimage="backgrounds/18.gif" border="solid,6,gray" type=0 line=0 align=center use=sp num="0,black"]
قالت ابمشي قلت عفـوا علـى ويـن=قالـت بقفـي قلـت مـرواح جـدي

يفداك مـن نـاداك او قـال تكفيـن=ردي قسـم بالله مــا قــول ردي

وش صـار يعنـي لابغيتـي تقفيـن=بمـوت يعنـي لانويتـي بـصـدي

انـا قـوي البـاس مانـي مسكيـن=واموت انا في شـي اسمـه تحـدي

وتبطيـن ماجبتينـي اكتـاف تبطيـن=والله ثــم والله منـتـي بـقــدي

اذا ماعيفـك الجفـا ليـن تشكـيـن=يحرم علي قحطـان ماهـوب عـدي

وادواك عندي مـر وشـر وعذابيـن=وبين العنا والمـوت وادواك عنـدي

واتعيش ضايع بيـن يمكـن و بعديـن=وهـذا بعـد والله ماجبـت حــدي

علـى شنـو يومـك عليـه تغلـيـن=لو فيك كل الوصـف دبلـت كبـدي

روحي شهر ولا دهر يطـوي سنيـن=وانـا بـعـد والله يابـعـد بـعـدي

بعدي عليك ابعد من الهنـد والصيـن=ودي بعـد ابعـد مـن البـعـد ودي

ردت عقب مده من الوقـت شهريـن=ردت تقول ارجـوك بيحـت سـدي

تكفى خلاص ارجوك حالي غدى شين=قلت العـذر ماهيـب ازمـه تعـدي

وش الي حدك ماجبرتـك تروحيـن=صعبـه عليـك اليـوم والله مـردي

يوم عزيـز النفـس مايقبـل الديـن=مثل البحـر لا هـاج صعبـه يهـدي

ماهمنـي والله لـو كــان تبكـيـن=وترجع ذليله تحـب راسـي ويـدي

قد قلتلك لحظه علـى ويـن تمشيـن=قلتـي بقفـي قلـت مـرواح جـدي[/poem]