رائعة لسعد بن جدلان

هذي قصيدة لباقعة الدهر و عميد الشعر في بحر المعاني سعد بن جلان الأكلبي

يمدح فيها [color=0033CC]الشيخ ناصر بن حثلان[/color]

أترك لكم القصيدة وإسم سعد بن جدلان يغني عن طول المقدمة


[poem=font="Simplified Arabic,4,black,bold,normal" bkcolor="transparent" bkimage="" border="double,medium,gray" type=1 line=1 align=center use=ex num="0,black"]
ما علينا إلا الدعا يالله عليك الاستجابه = ومن يزيد الناس من خيره عسى ربي يزيده
يا سعود أخذ القلم و اخذ الدفاتر للكتابة = واعطني لب القبول اللي يصلح لي نشيدة
القريحة والقلم وسعود في نفسي تشابه = في عقيدة خاطري وكل واحد له عقيدة
اكتب أوصاف على التاريخ يعجب من قرا به = في سجل لا ينقصه الزمان ولا يزيده
كان لبه ما تخلف في صناديق اللبابة = والله انها ما تخلفها المجلة والجريدة
في نبا شيخ معي في حضرته ولا غيابه = قلطت في خاطري مجده مساعيه الحميده
راكب اللي مثل هريب الطفل قدم السحابه= حمل (ن) بالما وزلفاه(ن) هوا سحب(ن) جديده
من بكور(ن) في نصوبه بارقه يكتب كتابه =لا انهمل وبله سواة الغيد لا هينع جريدة
أبيض لا طب جو(ن) تو ما طفح ربابه = واعترض كنه من اغلى الرخام مكسي(ن) حديده
يا رسولي نحره حثلان ياقف قدم بابه = لا وصل حثلان بن ناصر فحط الخط بـ(ا) يده
ابن ظافر تسمو الامداح في حضرة جنابه = مثل ما تسمو السيادة في حكم هارون الرشيده
غالبي(ن) عاشق المجلى باول شبابه = لين سجل في سطور المجد كنز(ن) من رصيده
الهقاوي كلها تصدر روي(ن) من رحابه = مثل ما تصدر ضوامي كشب من جمة زبيده
ماجد الامجاد تعطي ماجده قدر ومهابة = الوليده كل ما قالوا له المدح الوليده
كل ابو نص الكلام وما يراد وما عنابه = قلطت في خاطري مجده مساعيه الحميده
ما علينا إلا الدعا يالله عليك الاستجابه = ومن يزيد الناس من خيره عسى ربي يزيده[/poem]

المشاركة الأصلية كتبت بواسطة سعد الشواطي كم انت مبدع يا بن القيم لاهنت على ايراد القصيده وصح لسان ابن جدلان تحياتي