(((( مادام سراق البلاد من أهلها = فما ينفع الحراس وان كان نابه )))

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
يقول بن نغموش هذا جوابه = فحواه قاف رتبه واعتنى به
مــن خـافـق صـادق إلى كل مسلم = للي درا واللي بعد ما درا به
وسـلام تسـلـيـم مـع اصـدق وصـيـة = يا اهل العزيمة والجلد والصلابة
ويا مسلمين اصحوا تروا القوم فينا = أنذال والأنذال قوم تشابه
تجمعوا للضد من كل ديره = رغم اختلاف أديانهم كالعصابة
والله ما يرضى العدو لين نخضع = ونصير نتبع دربه اللي مشا به
والله ما ترضى يهود ونصارى = كلام ربي واضح في كتابه
شفوا فلسطين الحزينة حزينة = والقدس يشكي جرحه اللي سطا به
شفوا العراق اللي يشابه فلسطين = يشكي لجمهور العرب ما جرا به
ومن سجن أبو غريب و قوانتنامو = سجينها متفننين بعذابه
شفوا انتهاك العرض والذل والقهر = والمسلم اللي نهب حقه نهابه
حتى حقوق إنسانهم غير عنا = هم البشر وحنا تقل وسط غابه !؟
سبوا رسول الله وش عاد باقي = على جرايدهم برسم وكتابه
(صلى عليه الله صلاة وسلم = ما هل هتان المطر من سحابه)
رسامهم مدفوع منهم بخطة = ولا حسب رد الفعل في حسابه
الإسلام دين الحق والسلم والأمن = ودرب العسر والله ما ودنا به
لكن إذا خصمي تطاول على الدين = فراسي فدا ديني وبحمي جنابه
إن كان زبدتهم لها طعم حالي = فالبر الأشقر قوتنا والغذا به
وان كان بيديهم لنا رهبة الجوع = فحنا انتصرنا يوم فقر الصحابة
فيصل ابن عبد العزيز المحنك = الجم جميع اهل الخطط في جوابه
أنا احرق البترول فبل أن تجونه = واحفظ لشعبي عزته والمهابه
وشعبي معي في الخير ولا على غير = وما ينهض الرجال من غير لابه
وما نترك الكذاب يضحك علينا = حن نطرد الكذاب لا حد بابه
الغدر منهم من قديم الزماني = واللي حصل منهم فلا به غرابه
مير البلا لا جاك ضيمك وجرحك = من واحد بينك وبينه قرابه
نبغى نرد الخصم والخصم منا = من راعي التفجير واللي دعا به
ابن البلد واللي عليه المعول = يا حسرتي من فعلته يا سفا به
لو ما الدسايس من ورا الباب جتنا = والا الردى في موطني ويش جا به
يضحك لك الغدار بالسن الأبيض = وقلبه به من الغل والحقد ما به
لكن رب العرش يعلم بكذبه = ولا بد من يوم يبين كذابه
عزوا الوطن يا ناس من فعلة ابنه = حزين يالله تجبره في مصابه
أقولها يا ناس والساس معروف = والسيف عزه كامنن في نصابه
مسلم سعودي واضح في كلامي = عن كل مسلم قلتها بالنيابه
أقولها بقافي وقافي معرب = والذيب كالنعجة إذا طاح نابه
مليار مسلم وين مليار مسلم = تكفون يالعراف وين الاجابه ؟
مليارنا نصفه ذهب للشتات = ويمكن مسرتنا بعد في غيابه
لو يجتمع مليارنا على المحجة = فعدونا من بطشنا (يا عذابه)
وان كان سراق البلاد من أهلها = ما ينفع الحراس وان كان نابه
[/poet]

محمد بن نغموش

__________________

لسماع قصائد الشاعر : سعيد بن مانع
اضغط هنا

تشرفت بمرورك يا غالي
مع اجمل تحية

قصيدة جزلة في الصميم
لا هنت يبن نغموش

__________________

جعلني معدمك ...............


صح السانك ............................................... يالكـــــــفـــــــوووووو


وسلمت يمينك يـــــــــــاذيبـــــــــــــــــــــــــــــــان ...............




اللهم صلي وسلم على سيدنا محمد وعلى اله وصحبه أجمعين .

__________________
انا حنيشي وبعشيتي ماتنعمت
ورمز العرب سيف والكيف دله
محبوبتي الجزعه في حبها همت
أعشق سهلها والرجوم المطله
يكفينــي من ربعــي اني تعلمت
إن الركوع لغيــر ربـي مذلـــه

تشرفت بمرورك يا غالي
لك اجمل تحية

تشرفت بمرورك يا غالي
لك اجمل تحية

بن نغموش



بيض الله وجهك وصح الله لسانك







تقبل تحيتي

يا محمد

الحرف من يمينك له شكل ثاني....

وقدره لا يتمتع بها الكل....

((بإختصار))

صح لسااانك.......

وعلا شااااانك.......

هطول عذب ورائع~~ لا هنت ~~

الله يعطيك العافيه >>>>> يا الذيب

اخوووك الشااااااعر

(( عمر السخني ))

__________________

تشرفت بمرورك يا غالي
لك اجمل تحية