الطيب مثل البطاقة يثبت اصحابه == والعرف مثل الجواز اللي نسافر به

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الطيب مثل البطاقة يثبت اصحابه=والعرف مثل الجواز اللي نسافربه

والشعر كنزن مفاتيحه ورا بابه=واحدن يخفّيه والثاني يجاهربه

والصدق نور ينّور وجه من جابه=والكذب ماهو يجمل من تفاخر به

والبخل عوق قديمُ حارت اطبابه=والا الكرم صاحبه لو مات يذكربه

والحر يأخذ عشاه براس مخلابه=والبوم في راس مشرافه يناظر به

والكيف مايصلح الاعند شّرابه= وكم واحد صلح الفنجال ماشربه

وعزالله ان الحصان يعرف ركابه=والسيف ماهو يساوي الرمح والحربه

والرجل ماهو يلد العين لصحابه=يدمح خطى صاحبه ويروح في دربه

كم واحدن تحسبّنه خيرة اللابه=ويغيب عنّك ليا من صابتك كربه

الناس واجد وفيهم شهم وزلابه=والبعض منهم مثل ماقيل تمطربه

والموت واحد ولكن تفرق اسبابه=وياجب على المسلم العاقل يفكربه

والوقت هذا لزومن تحسب حسابه=واخلص مع الله وماتبغاه تبشربه[/poem]