لسان بني مضيم للشاعر سعيد ابو دية

(لسان بني مضيم)



للشاعر الكبير سعيد ابوديه

في سعادة الدكتور الشيخ \شالح بن سفران الخنافر القحطاني

[poem=font="Arial,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
ياسليل شيو خ قوم(ن) مجدهم فوق الثريا=ياشموخ المجد والتاريخ ياذروه علوه
ياسنام المجد ياشيخ(ن) على الطالات عيا=الطناخه والشجاعه والحميه في سموه
ينطنخ سمَوه لسان مضيم من كثر الحميا=هيبته هيبه زعيم(ن) قاد له للحرب قوه
مثل رجم(ن) شامخ(ن) في ظله الخايف تفيا=لا زبن فيه الدخيل اللي بحث سده عدوه
والمراجل مهره(ن) عوصن جموح ماتهيا=ماتريض الإ لعشاق الفراسه والفتوه
مثل ابن سفران ساس المجد مافيها غبيا=شالح الوافي مقام الطيب نبراس المروه
حي وجه الجحدري شهم النبا طلق المحيا=ريف هشال الخلا والطرقي تناديه ضوه
هيلعيً في نبا قحطان مادانا الكفيا=شاع صيته مثل وسم(ن) بارقه في عرض نوه
له هنا وهناك ذكر وله تواريخ(ن) هنيا=في ربا نجد العذيه والفخر خلفه وتوه
بعد هذا ياسمو الفكر مافيها مليا=وأنت دكتور الأدب والشعر والشاعر مفوه
بين سادات القصيد وبين تجار العليا=الحقيقه وجهها مثل القمر لكن تشوه
اللسان حصان والعاقل حكيم أذا تريا=لكن ابشرك مات الذيب ماسمع المنوه
التسامح شيمه الرجال والزله قفيا=وقبل ميثاق الرفق بين العرب شيمه وخوه
والجحادر صيتهم من طيبهم فوق الثريا=وأنت ياشالح سنام المجد قسمك من علوه[/poem]