شيخٍ يجيه الهدو مثل الطوابير=وتدفع له الجزيه على كل بابي

منقول من موقع النداوي




بسم الله الرحمن الرحيم
اخواني واخواتي النداويه
السلام عليكم ورحمة الله وبركاته
هذه قصائد متبادله بيني وبين الاديب
والشاعر حميد الذيابي وهو شاعر غني عن التعريف
المناسبه: كنا معزومين على الغداء عند الشيخ / سلطان بن خليل بن قرمله
وبينما نحن على الغداء اراد الشاعر حميد الذيابي مداعبة الشيخ سلطان ولكن حدث خطا
غير مقصود حيث قال حميد عكس ماكان يريد قوله مم جعله يحرج بعض الشي من الشيخ خاصة
ان الحضور كان كبيرا حيث يتقدم الحضور الشيخ حمود الجهيمي والشيخ سحمان السبيعي وغيرهم.
وبعد ان قمنا من الغداءقام الشيخ بأهداء بشت ثمين للشاعر حميد الذيابي لانه
شاهد التآثر واضح عليه فارسلت لحميدهذه القصيده
ورد عليها حميد بقصيده واليكم القصائد

قصيدتي اقول


الغلطه اللي جات عند المناعير=مانقّصت قيمة حميد الذيابي
الا .. كسوه البشت حشمه وتقدير=اللي يعرفون الخطا والصوابي
سولف يابو بندر عشير المسافير=الشك مايلحق عزيز الجنابي
لاتنحرج واللي حصل سو تعبير=والنيه اصفى من رشاش السحابي
وعذرك سمين ولاحصل منك تقصير=ومعزبك شيخٍ يفك الرقابي
سلطان اميرٍ صدق لاقالوا أمير=نسل الشيوخ مذللين الصعابي
أهل السيوف المرهفات البواتير=واهل الشيم واهل الكرم والآدابي
يالله لعل الحي من خير في خير=وتثبّت الميت نهار الحسابي
واجعل لهم في جنة الخلد تعمير=اسألك باسمك ياسريع الجوابي
سؤال ابو بندر زبون المخاسير=الحاضر بقلبه وفى اللفظ غابي
وترى الخطا فى اللفظ لاقبّل مغير=مافيه حيله ياعساه الذهابي
ومخلاص بيضان الوجيه المعاذير=في نص سلم الخنذفي والشبابي
اخوكم/ ضاوي العصيمي
فقال الشاعر والاديب حميد الذيابي وهو والد زميلنا خالد الذيابي

ياضاوي الموضوع جا فيه تكبير=والا لساني بين ضرسي ونابي
يالله ياللي بالهواء ترفع الطير=ياعالمٍ وش نيتي فى اطلابي
انك تعز متعبين المباهير=واجعل لهم من فضلك اجر وثوابي
ياشيخ ياستر البني الغنادير=ياشيخ سلفاناً تروي الحرابي
جحادرٍ عنها القبايل مدابير=يحسب لها في كل دعوى حسابي
شيخٍ يجيه الهدو مثل الطوابير=وتدفع له الجزيه على كل بابي
وتجيه شيخان الجموع المشاهير=تستنجده فى الضيق والاكترابي
وبعد معزي حرر الناس تحرير=حطك من أعلى البرلمان النيابي
ان كان بك عذروب هدو المغاتير=جرد الرقاب الفاخرات النوابي
وعطاك للمورات للفعل تبرير=سطوه ولاانت بمكتسبها اكتسابي
خليل بن ناصر مقدى المظاهير=معنز لك في علو الهضابي
واقبل سلامي عد رمل المعاصير=مقرون بالعذر الصريح الإيجابي
الشاعر حميد الذيابي

ونعم والله في الجحادر وفي الشيوخ آل قرملة

لاهنت وبيض الله وجهك يالهاجري

حقيقه موقف لاتعليق

الله يرحم ابن هادي برحمته التي وسعت كل شئ


لاهنت

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم