قصيدة جميلة لابن جدلان ***** لا تفوتك

الا يالله عفـوك لا معي بيـجــر ولا جــــوال *** ولا عنـدي وظيـفه والتجـــاره فاشـلٍ فيـها



ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها



مخابي الثوب تومي مادخلها من زمان ريال *** بها فاتورة الكهــرب ولا يمـديني اقضيـها



علىذيك العراوي تتعب الحادي مع الجمّال *** ثلاث اشهـور فالورشـه وشهـرينٍ مغطيـها



ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها



نصيت العسـكـريّه يوم قالوا للنظـام رجــال *** وقـدّمـت المـلـف وصـورةٍ متشــخـصٍ فيـها



خـذا الاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها



قراهـا في دقيـقه والتفـت عـجـلٍ علي وقـال *** شهادتك العظيمه يا ولد وين انت مخفـيها



هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها



حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها



تناوشته من الكرسي وعفت الحل والترحال *** وضربته بالبياله عقب ما بيّحت شـاهـيها



خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها



ويوم اني خرجت اقفيت لارض الله وسيع الجال *** عـلى بـرٍ هـواه يـداوي العـلّـه ويـبـريـهـا



ادوّر قصعة الجـربوع والضب الفتي يخـتال *** والارنب يا شفاة الروح ما احلاها وطاريها


بـلا كهــرب ولا بيجــر ولا غـازٍ ولا نقّــال *** قوانين الحضــاره لا تبي شـوفي ولا ابيـها
------------- منقووول ----------------

اسال الله في هذا اليوم انه يغفر لك ذنوبك
لانه بصراحه متضايق وضحكت من القصيده صحيح
وهذي عوايد ابن جدلان جزاله وغرابه وفكاهه
لاهنت مليون على النقل

__________________
[poem font="Simplified Arabic,3,black,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
صغار العطايا في عيون الصغار كبار=وعطيّه وراها منّ عارٍ لراعيها
وكبار العطايا في عيون الكبار صغار=وهل الطيب قوّ عزومها ما يونّيها
وهل البخل حتى فالرخى يغلقون الدار=وهل الجود وقت العسر تدسم صوانيها
وهل البخل لا جا الليل تحرص على المسيار=على شان لي جا لافيٍ ما يلاقيها
عايض هداف[/poem]

الله يجزاك خير ويسمعك منك ............. واسأل الله العلي القدير في هذا اليوم المبارك أن يطمن قلبك ويجلي همك
تحياتي ......... بن ضرمان

عزيزي بن ضرمان




لاهنت على كل حال





طبعا القصيده ليست لبن جدلان الله يجزاك خير


القصيده لشاعر اكلبي من جماعته واظن اسمه سعيد للمعلومية فقط

قصيده

رائعه

جدا

جدا

ابن جدلان ملك الشعر حقيقة

__________________

لاهنت يابن ضرمان


وفعلاً أنا قد سمعت أن القصيده ليست لبن جدالان


وتقبل وافر تحياتي وأحترامي

__________________



ممصمنا المبدع
تركي العلياني
ألف شكر لك

لاهنت ياابن ضرمان//اولاالقصيده يقولون بانها لواحد اسمه سعيد الاكلبي


ثانيا ابن جدلان نحترم شعره لانه فعلا شاعرولانحترمه كانسان ويجب

بان لايطرح له شعر في منتدانا حتى مايثيركلام غير لايق لافي ابن جدلان


ولافي اي قحطاني





ابن جدلان قال قصيده ماتجمله في واحد من كبار قحطان وردو عليه الشعار



وهي موجوده في المنتدى




وسلامتكم وهذا مجردراي

__________________

إخواني الكرام .... قرأت هذه القصيدة في أحد المنتديات وهي منسوبة لابن جدلان .... ونقلتها لكم ....
ومن ردود الإخوان .... قد تكون للشاعر المبدع سعيد بن مقبل المنيعي الأكلبي
والله أعلى وأعلم ............... مع الاعتذار

أخي ابن ضرمان بارك الله فيك على نقلك لهذه القصيدة الرائعة

الله لايهينك يابن ضرمان على النقل وصح لسان الشاعر وده بن جدلان ولا سعيد الأكلبي

الشواطي راعي عقدان وش السالفه بالضبط اتمنى ترسلها لي على الخاص

تقبلوا جميعا فائق احترامي وتقديري

__________________