لـ صاحب السمو الملكي الامير / محمد بن فهد بن عبدالعزيز آل سعود

قصيده بمناسبة مرور 25 عام على تولي صاحب السمو الملكي
الامير محمد بن فهد بن عبدالعزيز آل سعود إمارة المنطقة الشرقيه
و تم إلقائها في أمسية شعريه لـ هذه المناسبه و ذلك في مسرح الحويلات
الثقافي في مدينة الجبيل الصناعية في مساء يوم الاثنين الموافق 30 رجب 1431 هـ
برعاية الهيئة الملكية بالجبيل و ينبع







صلوا على النبي
.................
..............
...........
........
.....
...
..
.






[poem=font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

كان ما فيها كلافه يالحروف الابجديّه = تممي لـ فكار عقلي و اقلطي بين المحاني

استعدي لا زهمتك .. باللحون السامريّه = و ابدعي من فكر راقي بنتقائك للمعاني

و اعتلي بي صرح شامخ .. فوق حد الجاذبيّه = لين اوازي كل عالي و استوي له من مكاني

ما طلبتك غير ناوي .. ابتدي بعد التحيّه = في قصيدٍ من رصيدي من رخى مانيب عاني

في سموك يا سمو العز .. يالكف النديّه = و في مسيرة ربع قرنٍ حققت جل الاماني

كل عامٍ من مسيرك .. نارها بالخير حيّه = نورها بان بسمانا كنها سهيل اليماني

مملكتنا شرقها .. يا امير .. صحرا جرهديّه = قبل ما تقبل عليها بالتطور .. شي ثاني

لكن اليوم .. اختلفنا .. عن عصور(ن) أوليّه = تختلف فيها الاماكن .. و اختلف فيها الزماني

عصر قامت فيه ثوره .. لبّست شرق الوزيّه = عقد سلاسل الحضاره بزدهارات المباني

لو بغيت اذكر .. دلايل .. جبتها بالأولويّه = بصمتك يا امير عمّت .. شرقها قاصي و داني

الخبر .. يفخر بحرها و الحسا بالقيصريّه = فخرها عمق الاصاله .. في رشاها و السواني

و الجبيل انجاز فاخر .. التقدم له هويّه = في نتائج ذا الحضاره و المصانع ركن باني

حتى بالدمام .. شاهد .. في زوايا ذا القضيّه = اكبر انجازات فيها تعتبر شاهد عياني

كل هذا يا محمد .. بذكره صبح و عشيّه = لن فعلك يا محمد .. ما يبي له ترجماني

الشعر لو هو يترجم .. ما ذخرته لو شويّه = لكن المقصد .. محبه .. في قصيدٍ لك دعاني

الشعر لو كان يزرع .. لـ ازرعه و ارهي بريّه = لين يثمر و اتباهي في قطّايفه الدواني

يا طويل العمر .. مالي بالقصايد قابليّه = حتى صاح الشعر بسمك .. ثم قحص كنه الحصاني

يا محمد .. يا محمد .. يا محمد .. وش عليّه = يذكر اسمك لا طراله .. ازهمه عشر و ثماني

شاعرك ضابط سعودي و المبادي عسكريّه = الولا لـ اخوان نوره .. و الوفا ختم الضماني

الاسم ناصر .. و ناصر من سيوفٍ صيرميّه = لا زهمته ما توانى يا محمد لو ثواني

بن بطي يا امير .. تمم بالحروف الابجديّه = شعر في حضرة جنابك .. مصدره بين المحاني

كان ما فيها كلافه .. إقبل اشعاري هديّه = إن قبلت الشعر مني .. قلت صح الله لساني [/poem]
















اجمل التحايا
ناصر السحيمي

هلا وغلا وارحب ملااااين ياناااااصر

وصح الله الساااانك

وانت والشاااهد الله شاااعر جزل

ورجاااال كفو وتتسع لك صدورنا بالمحبه والغلاااااا

__________________

في سموك يـا سمـو العـز .. يالكـف النديّـه *** و في مسيرة ربع قـرنٍ حققـت جـل الامانـي

كل عامٍ من مسيـرك .. نارهـا بالخيـر حيّـه *** نورهـا بـان بسمانـا كنهـا سهيـل اليمانـي

مملكتنا شرقها .. يا اميـر .. صحـرا جرهديّـه *** قبل ما تقبـل عليهـا بالتطـور .. شـي ثانـي

لكن اليوم .. اختلفنا .. عن عصـور(ن) أوليّـه *** تختلف فيها الاماكن .. و اختلف فيهـا الزمانـي

عصر قامت فيه ثوره .. لبّست شـرق الوزيّـه *** عقـد سلاسـل الحضـاره بزدهـارات المبانـي


صح الله لسانك ياالسحيمي واعتلى شانك

قصيدة جزله ومليانه وتجمل راعيها ونحن ننتظر جديدك

__________________
ابو نواف ابن جريب

صح لسانك

صح لسانك مليون ولايكفون


وقصيده جزله من شاعر جزل

ولاهيب غريبه منك ياوجه ال محمد

هلا وغلا وارحب ملااااين ياناااااصر

وصح الله الساااانك

وانت والشاااهد الله شاااعر جزل

ورجاااال كفو وتتسع لك صدورنا بالمحبه والغلاااااا

__________________