مسعود بن شري وقصته مع الدواسر

بيض الله وجيهكم جميعا



ونعم بالمسارده وقحطان كلها


والحقيقه قصه معروفه ومشهوره كما ذكرتوها

ولكن لي انتقاد على (النايب له ولد) فردوده دائما تتسم بالسخريه والمهزله ووجود مثل هذا في المنتدى نقص على المنتدى واتمنى من المشرفين طرده من المنتدى الا ان يلتزم بالادب وسوالف الرجال في كلامه



هذا وارجوا ان تعذروني على هذا الكلام ولكن انا اقرا ردود كثيره له بنفس الاسلوب والعالم الله انه لا ينتمي الى قحطان

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

--------------------------------------------------------------------------------




منصور ابن شعيل الحمرانى الهاجرى ومسعود ابن شرى المسارده وشارع ابن قويد الدوسرى

اسلام عليكم ورحمت الله وبركاته اولن ماكان ودى اتكم فى هاذا الموضوع بس اشوف فيه ناس قامو يتكلمون فيه ويزودون وحلرفون ومادرى ليش . وهى قصه مسعود ابن شرى وابن قويد الدوسرى\ز
والقصه هى انه كان فيه واحد من قحطان حنشل ومجنن الدواسر يضوى عليهم وياخذ الى يلقاه من ابلهم ومسكه شارع ابن قويد الدوسرى وكان امير القبيله وذبحه وعلقه على مدخل الديره وصادف ان ابن قويد عازم مسعود ابن شرى ولما شافه مسعود اعرفه وقال انت عازمنى تورينى فعلك فى ابن عمى استعد لحربنا ياشارع قال شارع رح ونا اللى بلحقك وتفقت قحطان على ان محد يمنع احد من الدواسر ودارت الحرب كانت الغلبه لقحطان وطاح شارع ابن قويد فى يد اثنين اخوان واعتقد ان ماهم من المسارده فقال شارع امنع يا افلان بسمه يبى يقول والله ما امنعك ولى يمنعك الله قال الله ان امنعك ويمنعك الله قال شارع ابن قويد ما منعتنى مير منعنى الله منك وفو منعهم عليه ومنعوه من مسعود وطلبت فيه قحطان 100 وضحى وخيطو عليه جلد ابعير وخلوه قدام المضيف وكان منصور ابن شعيل الحمرانى الهاجرى قصير المسارد وعزموه ولمى جاهم وقبل عليهم ويقال ان واحد كلم شارع وقاله اذا شميت ريحه الطيب فزهم منصور ابن شعيل ولمى جا بيدخل منصور ابن شعيل زهمه شارع ابن قويد فوقف منصور فقال مسعود اقلط يا منصور قال منصور لو تبينى اقلط ماحطيت ذالجنازه قدامى عطنيه ولى العود قال مسعود ابن شرى قحطان طالبه فيه 100 وضحى يا منصور وكان عند منصور رعيتين وضح ومجاهيم قال منصور عان الوضح سارحه المكان الفلانى تنطحوها هى وعبيدها وخذا شارع وقال لعياله سكرو البيت وشبو النار لين يحتمى البيت الرجال صارله فتره ما شم الهوا وان جاه الهوا مات وفعلن سكرو البت وفتح منه وكمد جسمه بوزر ابل لين قسا جلده وقال لولده وصله لهله بسرعه ترا الدواسر بيجيبون ابلهم وتا خذها قحطان وفعلن لما وصل كانت الدواسر رايحين بلبل لقحطان ونطحهم وردوها وقالو الى جايب ناقه من الدواسر ياخذها قالو الدواسر لشارع هاذى كرامتك ماعاد حنا ماخذينها ولمى شافها شارع شاف ان احد فخوذ الدواسر هم اكثر من ساقو فى 100 اللى طلبت قحطان خلاه وسمه الى الان ورجعت قحطان الى منصور قالو خذ ابلك حنا طلبناها تعجيز لك قال منصور انتو خذيتو بهايم اما ماتت ولى خذوها القوم وللى انا شارى شيخ قبيله انا الرابح وراحت الايام وقام يوصى شارع ابن قويد اللى يبشرنى بنصور له فرس وين الفرس ذيك الايام وفعلن جاك منصور حول ديار الدواسر وبشرو شارع ومسك منصور وقال انت اخوى وعيالك اخوان اعيالى ياخذون فيهم ويوخذون بس لازم نشتريلك نخل فى الوادى هاذى سلم الدواسر يا اما انت نسيب او لك نخل وحلف منصور انه هو اللى يشتر النخل وشراله شارع نخل ام اثله يسقى على ساقيتين من كبره وهو افضل نخل فى الوادى والى الان يعيش اعيال منصور ابن شعيل الحمرانى وشارع ابن قويد الدوسر مع بعض واكثر من الاخوان وقد رجع منهم الى ربعهم ال حمرا فى الايام الاخيره وسمهم وسم الدواسر و معروفين فى وادى الدواسر ال شعيل من بنى هاجر وشكرا بس حبيت اوضح المو ضوع من المحرفين واللى يضيعون العلوم والتاريخ واسالف لاينكرها لا دوسرى ولى هاجرى ولى قحطانى ومنصور ابن شعيل فى منتدى قحطان ونتدى بنى هاجر من ضمن فرسان القبيله وعقداها ومن عياله ناصر الملقب ((عريج )) الذى حول براهيم السلوم كذا مره وعتقه لانه ما ياخذ الرواى والمداد وفى مره عطاه ابراهيم جنبيته عرفانا بجميله عليه وعتقه له والمعارك بينعريج وابراهيم كان عريج معى الدواسر وهو من عيال منصور وشكراواللى عنده قصيده من المساره خاصه وقحطان عامه فى هاذى الموضوع يجيبها ونشدو شيبانكم عن القصه وال100 التى يذكرون ليس 100 قتيل بل 100 وضحى التى شرا فيها منصور ابن شعيل شارع ابن قويد وماهو حكى وسوالف اصحابها موجودين من الدواسر ومن الهواجر وتركو باقى الحكى وشكرا والى عنده استفسار ينشد ورد عليه حتا لو يكون ابن شرى بنفسه

السلام عليكم ورحمة الله وبركاته
يا النايب القصه ماهي خرافيه ولا اسطوره بل واقعيه الدليل ان المسردي سوقه سوق محمدي وكل العراف فاهمين الشي هذا .
القصه ان ابن شري كان عند الدواسر كما ذكر الاخ بسب خلاف بينه وبين ربعه وفي ذا ك الوقت كان ابن طلحان مرخي في الدواسر ماكل الطالعه والنازله من غنايمه ومسكوه الدواسر وعزمو ابن شري لان ابن طلحان كان قصيرلهم من اول ولايبون ابن شري يسوي مثلهم . ويوم جا الرجال شاف ابن عمه فقال انت مننت قال انا ابن طلحان فرد ابن شري قال اسمع انت مولي لكن والله ان اخذ فيك من الدواسر100 بعرتي وبجرتي فقال ابن اقويد تقول تونا يا ابن شري فقال ابيك تعطيني لشروق الشمس وعقبها ترا دمي حلال ورجع ابن شري لبني عمه وذبح 95 ويوم جا يموت فقرط (عظ ) بيد ولده فقال وشفيك يابوي قال لعنبوك باقي في وجهي 5لابن طلحان وغزا ولده عقبه وذبح 15 من الدواسر يالنايب
والعذر والسموحه على التقصير ..................

أرحبوا جميعاً .

أولاً : لا خلاف عند قحطان من صحة هذه القصة بغض النظر عن وجهة نظر الدواسر في صحتها من عدمه .
ثانياً : الآسم طلحام وليس طلحاب ولا طلحان وآل طلحام جماعته فرع من فروع آل معلا الخنافر .
ثالثاً : هذه القصة بحثنا فيها ولم نوثقها في كتبي لا هي ولا قصة قنيفذ بن لبده مع العتبان وثاره في رفيقه العاصمي اللي ذبحوه والجحادر يعرفون القصة المهم نعود لابن شري وهوالعقيد الفارس مسعود بن شري من الحنفان المساردة حيث يقال أن ابن طلحام مسكوه الدواسر وعلقوه برجليه وأخرجوا كلاه مع جنوبه ثم أستدعوا ابن شري ليشاهده ولما شافه وكان طلحام فيه حياه قالوا عرفته فزهمه ابن طلحام فقال ابن شري وكنه يعرفه يطلحام تهن بموتك على العار أن قضاك مئه من الدواسر بعرتي وجرتي أو كما قيل وسمعت وكنه تشاد هو ومعرفته الدوسري وقال ابن شري ليش تدعيني على فعلكم بأبن عمي أو حول هذا الكلام .

ثم حصل مواجهة بين الدواسر وابن شري واللي معه قتل منهم مجموعة والأخرين منعى ويقال أنه قطع رؤوس بعضهم وحطها أذافي للقدر ولما شافها المنعى قال قائلهم ويش ذا المنكر فقال ابن شري لا والله أما المنكر غير شفته في طلحام .

المهم أنه أقسم أن ياخذ منهم مئه ثار سوى بعرته (غزوته) أو جرته (مساندته) فلما علموا آل محمد قالوا من قتل أحد في هذه القضية فهو بأسم مسعود فلما دنا منه الأجل أو وصل أخر العمر وصى أقاربه بالعد الباقي من حنثه ويقال إنه بقي بضعة أشخاص وأنهم أي أقاربه وفوا بالنذر والله أعلم .

فلما أتم العدد قالوا آل محمد حنا نبغي نكافي المساردة على موقفهم فحطوا دية المسردي مثل دية المحمدي مئة ناقه وفرس كما كافوهم بإنهم شركاء فيما يشتركون فيه آل محمد وهذه مكأفاة وليست سلم .


ومسعود هو القال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يقول مسعود وما يهيا إلى سرجه=شلوانة كن رسم البئر غاربها
تركض بعود بتومان وتجفافه=ووقية فوق جيب الثوب ماهبها[/poem]
إلى أن قال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وأن شاف زول وحال الليل من دونه=يطفي الذباله بعد ماكان يلهبها[/poem]

انظر المزيد في كتابنا السيف والسنان عند فرسان قبائل قحطان الطبعة الثانية ص140 وكتابنا الجديد سلوم قحطان

وسلامة الجميع

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

بيض الله وجيهكم جميعا



ونعم بالمسارده وقحطان كلها


والحقيقه قصه معروفه ومشهوره كما ذكرتوها

الاخ مدهل كلامك غير صحيح وهذا كلام تلفيق والقصه يعرفونها كل القبايل والاخوان سبق وانا وردو القصه كامله

نرجو تحري الصدق

__________________
راكب اللي مادرج له على البيداء كفر=== غالي سعره وتوه جديدٍ وارده
Rang Rover فل اكشن لاجيب ولاشفر=== مافتحت اسويكه الا بشيكٍ فارده
القدح لو تّركده فوق سيته ماأن جفر=== لو تكيم به من خباش للمجارده
داخله كنه اشّعرة ضبي والبدي أعفر=== مايحلا الا بحر يعوق الشارده
لعّترض تلافتوله نفر نفر نفر===وشفت نضرات المشفح مغير اتطارده

فلاح القرقاح

السلام عليكم ورحمة الله وبركاته أما بعد اشكر كم جميعآ القصه معرفه لدى الجميع


أما المساردة فوالله وسبعين نعم والله إني قابلت الشيخ جعفر بن جمل فوجدته إنسان متواضع


وهذا من شيم الرجال

اسلام عليكم الى الاخ على ابن شداد امبين من كلامك وأرخ وياليت اتقصى الحقيقه لانك سمعت كلام قحطان ولمفروض انك تنشد عن القصه وتقصى وتذكر امى ان مسعود ابن شرى ذبح 100 من الدواسر فهاذا غير صحيح والله لونهم غنم ماذبح 100 منهم ويكرمون خطلان اليدى عن التشبيه اذا انت موأرخ اذهب الى وادى الدواسر ونشد عن ال شعيل والقوده والقصه ويعلمونك وللى وش اللى خلا ال شعيل يسكنون فى الوادى اللى هاذى القصه وكلن يعرفها ليش تنكرون الحقيقه ومادرى شنهو الهدف كانت ميه وضحى اللى دفعها منصور ابن شعيل فى شارع ابن قويد وفكه ومعى الوقت خلوها ميه قتيل ماهم رديان خطلان اليدى علشان يذبح منهم 100 وتعرفونهم زين يا قحطان بس اشاعه معى الزمن وصدقتوها انا ابى واحد من ال شرى يرد ويكون ايعرف القصه زين ويثبت التاريخ وانت بنفسك تقول فيه كذا قصه غير موارخه وانا اقول لخوى على هاذى امانه تاريخيه وارجو منك اتاكد فيها وتوثيقها وهاذولا يروون قصص ونى اقول اصحاب القصه موجودين وانشدهم ومن ال شعيل فى عين دار الجديده فى جوف بنى هاجر وهم من ال حمرا والموضوع امانه فى عنقك وارجوك اتحقق وشكرا لك

ونعم ونعم بال شعيل وال حمرا وابن شري والمسارده وفي ابن قويد والدواسر


وانا ارى قصة مدهال هي الاقرب للحقيقه بدون تضخيم وهي اللي تدخل العقل

__________________

عز الله يا سلطان










ونعم بال شعيل يمدحونهم ربعنا وشيبانا ونعم في المسارده ولاتكفيهم وفي الدواسر





ومدهال كلامك قريب من الواقع








والله تعالى اعلم