((((((((تجارب بسيطه ))))))))

المشاركة الأصلية كتبت بواسطة حسين بن شتوي الحبابي

السلام عليكم ورحمة الله وبركاته

أبيات للتواصل على أمل أن تحوز الرضى والقبول .
صلو على النبي ..

[poem=font="Simplified Arabic,6,indigo,bold,normal" bkcolor="transparent" bkimage="backgrounds/20.gif" border="double,medium,deeppink" type=2 line=0 align=center use=ex num="0,black"]
النوم حاربني وحاربته ولاجاني رقــاد=جتني هواجيس تطيـــــر نومتي وتحوســها
لين انشغل بالي وتفكيري سرى والهم زاد=في ليله قشراء يطير النوم من هاجوسهـــا
يســــــري خيالي واتنقل من بـــلاد لي بـــلاد =واصبحت في غبه بحرولا استطعت اقوسها
قلته وعندي في بيوت الشعر رغبه واجتهــاد=اقطف ثمربعض البيوت اللي غرست اغروسها
هاذي قصيده شاعر عاش وتعلم واستفـــاد =عاش وتعلـــم والليالي علمته دروسهــــا
لازلت في طور الشباب وعشت في الدنيا جهاد=عشت وتعلمت ولقيت اسرار في قاموسها
واكبر طموحاتي رضا ربي وتحقيق المراد=والا الطمع في الجنه الخضراء وفي فردوسها
وعليك يالله اعتمادي ماعلى الناس اعتماد=ولاعلى اصحاب الفلوس اللي تعد افلوسها
ونفسي عزيزه دائم في حر والا في براد=ولابارك الله في رجاجيل تهين انفوسها
وراعي الجميل يعيش في الدنيا مثل راعي الشداد=واهل الفعول فعولها بانت وترفع روسها
والا الردي وابن الردي كنه مقيد بالقياد=تقصر يمينه من هل الطاله ومن ناموسها
جعل المره تلبس علي الناقص ملازيم الحداد =وبقعاء عساه يصير بين انيابها وضروسها
والربع في وقت اللزوم اكثر من أسراب الجراد=والحكم ماهو في مظاهرها ولاملبوسها
ورفيقي اللي في اللقاء يقدح مثل قدح الزناد=هاذك ذخري في الليالي اللي تزيد حسوسها
ياسعد منهو له رفيق وسعد منهو له سناد =وليازهمته يعتزي للكائده ويدوسها
ياكثر هرج الناس ياقل الحقيقه والوكاد=واهل الوفاء تعرف بوقفتها وبعد رموسها
اطرب لخوه كاسبين الطيب والشور السداد= وممشاي دائم نفس منهجها ونفس هجوسها
الصبر مفتاح الفرج واقول لله المعاد=ولعابه المنكوس تستانس علي منكوسها
وان كان وصلت حدها ماللعناد الا العناد =لحيه نكرمها ولحيه مالها الاموسها
العمر تاليه الفنا والزرع تاليه الحصاد = والامطار ماياتي بعلم الخير غير عسوسها[/poem]