[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
‘‘ ‘‘ ‘‘ ‘‘ ‘‘


ياللي تبي تاخـذ علومـي وتبحـث خفـاي=مانـي بمـن قـوم ذي هتهـا وذي ودهــا

لاصـار مامعـك لاهرجـه ولامعـك راي=فعلومـك اللـي تضيّـق خاطـري لـدهـا

باجيك دمت اقدر اخفي ضيقتي فـي حشـاي=وأروح لالحقـت الضيقـه معـي حـدهـا

وإن رحت وإن جيت ماانت بدراي ٍ وش وراي=مثـمّـن كلمـتـي ومثـمّـن ردهـــا

لو إن مانـي مشكّـك فـي غـلاك وغـلاي=المرجـلـه لابنـاهـا الكـفـؤ ماهـدهـا

لكنّ انـا ودّي انـي مـن خـلاي بخـلاي=وشلـي وللـنـاس معطيـهـا ومرتـدهـا

ولاتحسـب ان الليـالـي ملحقتـنـي وزاي=تخسـى ضـروف الليالـي لعنبـو جـدهـا

ودنياي لـو إنّهـا ماجـات علـى هـواي=لكـنّ مـن فضـل ربـي واطـي ٍ خدهـا

وان كان تبغى النصيحه خل مـاي بسمـاي=ترانـي اغلـي هـل الطـالات واودهــا

اللـي مواريدهـا بالعلـم تقطـع ضمـاي=لاقـل ملـح السوالـف وانعـدم جِـدهـا

ماانته بمكلوف فـي صحّـي ولافـي خطـاي=كانـك تحسّـب ذنـوب الخلـق وتعدهـا

وانا مااقـول انّ مافـوق البسيطـه سـواي=يامـا ويامـا رجـال ٍ ماانكشـف سدهـا


‘‘ ‘‘ ‘‘ ‘‘ ‘‘

وسـلامـتـكـم [/poem]

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]