10-05-2008, 04:24 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة حسين بن على آل حمدان
اسمح لي يا آل معمر
ابو ريان مستحيل يعلم بالحقيقه واحد من الشهود صار بينه وبين ابو ريان سوء فهم وما صدق على الله الشاهد وعلمنا بالقصه كامله: والسالفه ما كان ودي اقولها بس يوم انك فضحت الرجال نبي نعلمكم بالسالفه يوم من الايام وابو ريان في مكتبه دخل عليه ذاك الشايب ودفتر العايله في يده قال الشايب ياولدي شباك تسليم العوايد مزحوم وانا كبير في السن الله لا يهينك شف لي صرفه طبعا ابو ريان خدوم ورجال شقردي بس انه استغل وظيفته في امور شخصيه ابو ريان ما قصر على الطاير لقط دفتر العايله وبطاقة المقررات من يد الشايب وخمس دقايق والشيك في مخبى ابو ريان بس ابو ريان يوم حول مع الدرج شاف اسم البنت في كرت الشايب واستغرب عمرها خمسين سنه وبعد في كرت العايله ابو ريان عرف انها يا مدرسة يا دكتوره وان الشايب ما زوجها على شان ياخذ راتبها ابو ريان خلى الشيك في مخباه ورجع للشايب وقال له: يا شايب الرحمن عليك تعميم من الدوله ومطلوب في المحكمه فيه فاعل خير مبلغ عنك الشايب قام يتنافض ما يدري عن السالفه وقال: تكفى ياولدي ويش الحيله قال ابو ريان: فيه فاعل خير مبلغ عنك المحكمه يقول: ان عندك بنت عانس وانت السبب في عدم زواجها والآن الشيخ رايح يزوجها غصب عنك وانكانها موظفه بيجبرك الشيخ ترجع كل فلوسها السابقه ريال فوق ريال طبعاً الشايب طماع ولا يبي ذا العلم وصدق السالفه ابو ريان استغل الفرصه وقال لبوها ايش رايك تزوجني مسيار واخلي بنتك عندك في بيتك وراتبها حلال عليك ولا من شاف ولا من درى وافق الشايب وتزوج ابو ريان والله يبارك له وشهد على زواج المسيار اثنين من المطاوعه على شان ما يعلمون احد ما عليكم يالربع خفيا الشاهدين: يعلي و ابو مصعب على العموم اهم شي في العروس انها تعدت سن الياس يعني ما عاد تجيب عيال ابو ريان ما خسر ولا ريال في الزواج وبعد الزواج ما خسر الا القليل 12500 ريال قيمة طقم اسنان للعروس و45 ريال قيمة صبغه شعر من صيدلية السقاف طبعاً الصبغه ليست لشعر رأس العروس فهي تستخدم الحنى لرأسها الصبغه للحواجب لان حواجب العروس انقلبت بيضاء من كثر ماهي توايق مع الدرايش تدور على زوج بارك الله للعروسين وستر عليهم واسمحل لي يا ابو ريان علمت بالقصه خايف يجي واحد غيري ثم يزور في الحقائق دمتم بخير |
10-05-2008, 04:26 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة أبوجابر القحطاني
خخخخخخخخخهه
أيش لو يحطك ربي في المحكمه يابو ريان وش عاد بتسوي؟؟؟؟ |
10-05-2008, 04:30 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة ماجد الخليفي
السلام عليكم يا استاذنا حسين بن حمدان
بكل صدق انا داري عن الموضوع وما حبيت اتكلم لان الاثنين تعدو سن اليآس وما حبينا نحرجهم قدام الناس. واخونا يعلي ما قصر .. عندما رجع من الواديين ارسلي صورة ابو ريان والعجوز ابو ياسر ... قل اميييين الله يزوجك مسيار على سلوفاكية بالطعش |
10-05-2008, 04:36 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة منصور العبدالله
هههههههههههههههههههههههههه
الله يسعدك يابو ياسر وانا اقول وش في الرجال ماعد دخل النت وكل ماكلمناه يقول مشغول من حقه يابو ياسر البنت عمرها خمسين يبي يلحق على باقي مرقتها بس تصدق يابو ياسر ابو ريان استغل وظيفته وشكلي ببلغ فيه واخليه يطلقها واخذها انا بحكم اني اللي كشفته وش رايك وربي فطست من الضحك يابو ياسر الله يسعدك ياشيخ واضحك الله سنك تسلم على الموضوع الزاحف بقوة ونشر هذا الخبر حصريا في الاستراحه وبأسمي واسم مشرفي وأعضاء استراحه المجالس نبارك لخوي ابو ريان هذا الزواج ونقول منك المال ومنها العيال وربي يطول عمرها ويكثر مرقتها واتوقع انك يابو ياسر مستحيل تطلع من الموضوع بخفي حنين لاتكون بس شريك الذيب في عشاه ومتزوج اختها الكبيره لاهنت يابو ياسر وربي يسعدك ياشيخ وتستاهل سمعه بعد يابو ياسر |
10-05-2008, 04:42 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة ذيب النير
خخخخخخهههههههههه
ابو ريان ما لقى الا ام خمسين سنه الله يكون في عونه شكلها لا قامت تجيب شي قالت:يالله حسن الخاتمه !!!!!!!!! ونقول منك المال ومنها العيال وربي يطول عمرها ويكثرعيالها |
10-05-2008, 04:44 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة @تركي السنحاني@
هههههههههههههههههههههههههههه
و يقولون حن يالشباب خبلان و طلعوا الشيبان اخبل منا صدق اللي قال((عاقل ال مره)) هههههههههههه لاهنت فديتك |
10-05-2008, 04:52 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة آل معمر
والله شوف يا حسين انا والله كنت نويت أحطها بموضوع مستقل ولكن قلت يا ولد خلها في رد عشان ما نشوشر على الرجال
ولكن أنت الله يهديك ما عاد خليت له خط رجعه  عموما ما دام الموضوع طلع للناس فأنا يهمني معرفة التفاصيل أشكرك أخوي حسين على توضيح التفاصيل الخاصة بزواج أبو ريان وبصراحة أبو ريان خطير ومو سهل عرف يلف عقل الشايب ويتزوج البنتولكن المشكلة ليته اختار اختها اللي اصغر منها ام 40 سنه لكن ما لقا إلا العجوز أم 50 سنه قد هي تفسي الماء <<< مثل يضرب للتشبيه في كبر سن الواحد وأنه صار يخلطك الماء والزيت وصارت المويه تهرب من كل مكان بصراحة أبو ريان صام ثم صام ثم صام ثم أفطر على بصلة قصدي على عجوز إلا عاد تصدق أخوي حسين يقولون النومه مع العجوز تمرض .. ما أدري هل هذه المقولة صحيحة أم لا عموما ألف ألف مبروك لأبو ريان العجوز هخهخهخ وعقبالك أخوي حسين ولكن إن شاء الله يكون قرصك في السمن وتطيح لك على وحده في العشرينيات مو في الخمسينياته <<< حتى اسم الخمسينيات يرجعك للورى كثير والله خطير يا أبو علي قنصت ردي تحياتي لك |
10-05-2008, 04:56 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة عبدالوهاب آل راضي
ههههههههههههههههههه
شيبان 2008 منصور تركي ابوجابر الشباب كلهم تعلمو كيف تسوون مواضيع كيف تفضحون احد هههههههههههههه ابو ريان والله انا كنت متوقع هذا الشئ واكبر دليل النك حقه في المسنجر لو حبك تجاره يصبح العالم خسران ( تدري ليش ) لأن من يشتريك مايرضى يبيعك بس المشكله انه طاح له في عجوووز هههههههههههههه لاهنت يا خال |
10-05-2008, 04:58 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة منصور العبدالله
عبدالوهاب + ال معمر
وش فيها ام خمسين فيه ناس تدور حتى على أم 70 ومالقى حتى عبايه فاضيه |
10-05-2008, 05:01 PM
رد : استغلال الوظيفه - أبو ريان انموذجاً حياً
|
المشاركة الأصلية كتبت بواسطة عبدالرحمن المشجري
خخخخخخخخخخخخخخخخخخخخخخخ
ابوريان خلصوا البنات الله يهديك ماخذ وحده كبر جدتي الله يستر عليك يا ابوياسر تقول عمرها خمسين علشان ريان ما يعلم امه ريان الصدق ابوك ماخذ(ن) له وحده من العشرينات بس بيني وبينك لا تعلم الوالده<<بعد ايش بينك وبينه الله يفضحك تحياتي لك يا ابوريان اذا ام ريان عيت تنومك بالبيت تعال عندنا الله يحيك يالذيب اووووه نسيت ان عندك بيت ثاني اعذرني يالغالي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ابو بكر الصديق | المعمري | مجلس الإسلام والحياة | 2 | 04-08-2006 09:21 PM |
| حقيقة مكالمتي مع أبو زيد ،،،،، خاااااااصة جداً | أبو زيد | المجلس الـــــعــــــــام | 16 | 28-03-2006 05:08 PM |
| الماسنجر في العهد الجاهلي | أعز إنسان | إستراحة المجالس | 5 | 18-02-2006 11:06 AM |
| أكثر من [120 ملف ] دعوي للجوالات .. لا يفووووتك | المكابسي | المجلس الـــــعــــــــام | 1 | 06-07-2005 02:32 PM |
العرض العادي
