[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا سعد خل الناس كل ٍ وفاله= مالك على ذرية ادم مداخيل

والوضع الامحق لا ذكرنا مجاله= صارت علينا من كبار الغرابيل

صدتك عن بعض الدعاوي جماله= لا صار ما تشره عليك الرياجيل

سند على درب الوفا والشكاله= وانت وريث المجد من سالف الجيل

انزع كما حر ٍ زمتله جباله = ما مهدوه اهل الشبك والمحابيل

ترا المواقف جبر ماهي سهاله= واتعب مع اللي بالمواقف حلاحيل

عندي على مضمون علمي كفاله= كفالة ٍ تضمن عن النقد بالقيل

اخذ الرموز اللي بصدر الرساله= تكفيك عن شرح المعاني بتفصيل

اقولها والناس كل ٍ وحاله =وترى مدابير الليالي مقابيل[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]