[poem=font="Simplified Arabic,4,blue,bold,normal" bkcolor="transparent" bkimage="backgrounds/17.gif" border="none,medium,gray" type=1 line=0 align=center use=ex num="0,black"]

يقول الي فتح باب القصيده=لها مضمون وبيوتن فريده
فتح باب وتخير كل طيب= وسكر دون شين مايريده
بدينا بسم من صور وكون= خلق خلقه وعلم الكون بيده
بدينا بسم علام الخوافي=ايلاه الكون ومدبر عبيده
ومن بعد البدايه ياهجوسي= ابي الفكار تاتي من بعيده
افكرواليالي علمتني =ياليت الي مضا ربي يعيده
انا مرن اذوق احلا حلاوه= واذوق المر مراتن عديده
بدنين فانيه والعمر فاني=لكن مسلم ولي دين وعقيده
اشوف الناس والوقت يتغير=عجايب يازمن واكبر مكيده
تعز اذناب يكرم من سمعني=وهنت الروس لونها عنيده
اشوف الروس للكرعان لدت=وصارت الذكيا تحت البليده
تغير وقتنا والناس شكت=وصار العبد يلطم خد سيده
تغير وقتنا والخافي اعظم= يهان الذيب والحصني ياجيده
تغير وقتنا والله يستر=وكلن جابله جمله مفيده
وجا ناسن يحبون المضاهر= صعاليكن على جموسن جديده
يمارون بفعايل ناس دجت= مع التفحيط ليني ياحديده
مع القصات والتحليق طاشو= وصاد فلان ولافلان صيده
مع الغفله خذو جوله وجوله= مهسترهم يسمونه وليده
وضاع العمر كله ياخساره=طريق الفلفه ماهوب سيده
ياكم من واحدن امسا ولاصبح=رقد بامال واصبح في لحيده
لاكن الرابح الي طاع ربه= وفاز وزادت الطاعه رصيده
انا اقوله وانا والله مقصر=وقد قاله حمد شاعر عبيده
حمد هادي وانا شاعر واميز=واقول الحق وعلومي وكيده
وصلو عد ماقمنا نصلي=على محمد وذي فرصه سعيده[/poem]