المشاركة الأصلية كتبت بواسطة النايب له ولد

المهايطه كلمه جديده علينا ككلمه
اما كمعنى فهي موجوده من قديم

ويرادف كلمة مهايطه= كلمه مهاوله او هوال او مهاولي

الشيبان يقولون من اول: فلان مهاولي
ويقولون هوال وطرق طوال (لان الهوال لاحد له)
واذا انتقدوا واحد قالوا له : اترك منك الهوال.

انا شخصياً اعرف اشخاص البشت والسياره عندهم اهم من اهلهم.
وكلها دين في دين.
واذا تيسر البشت واستصعبت عليه السياره وقف سيارته القرنبع آخر الشارع وجا على رجله.

ولكن اكثر ما لفت نظري في المهايطه الجديده او الهوال الجديد هي (الشلة) وما ادراك ما الشله.

كل مهايطيه لهم شله فاذا كان عنك مناسبه او حفله يجون الشله ويبدأون في الهياط لصاحب العزيمه
وخذ من المدح والهوال والطرق الطوال.
والاسبوع اللي بعده الدور على المعزب يرد الجميل لشلته اذا جا عنهم عزيمه.