[poem=font="Simplified Arabic,4,red,bold,normal" bkcolor="teal" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
أكذب عليك إن قلت بالبال مريت=أو لي على الماضي وطاريك نيه

بس أذكر أني يوم طروك فزيـت=وفز الخفوق اللي جروحه نديـة

مدري غلا ولا أنا يوم ضحيـت =نسيت كل جروح قلـب ٍ خفيـــــه

عطيتك إحساسي على ما تمنيـت=عطيت والله ما حسبـت العطيـة

يوم ٍ رماد الشوق بالجرح غطيت=وتحت الرماد النار بالجوف حيه

حاولت أصد وكل ماعنك صديت=ترجع لك الأشواق ياهـي وفيـه

وتشيل عني كل هـم ٍ تحريـت=ولا الجروح أجروح تقسى عليـه

أدري بكل أشواق قلبي تماديـت=ضحيت لجلك لين صرت الضحية

شكراً حبيبي يوم كفيـت وفيـت=تعال لك منـي جروحـي هديـه

خذ كل ذكرى حب منها تعنيـت=وأنا بصيـر لهـم قلبـي خويـه

ويكفيني أني كل ماقلت ضحيـت=ضحيت لجلك لين صرت الضحية[/poem][/poem]

__________________